Dioni 5:5 - Panake Pi La: Ula: Buka pita: Kine Pieke Buka

⁵ Koto pa꞉ta꞉ hayeke hali ma꞉nda꞉ta꞉ ipika꞉ yeni hayeke bapita꞉ 38 bapimanu amba꞉ yapeekeme.

Dioni 5:5 Mawu Ofanana

Maka 9:21

Yesuma꞉ ipika꞉ ateke pa꞉ta꞉ lota꞉ pitolo alota꞉ Do hauta꞉ nate ekipuna꞉ pea pa꞉la꞉pe leekeme. Ipika꞉ atekema꞉ alota꞉ Panake wekisiki ya꞉pate kone pea pia꞉me laata꞉

Luku 13:16

Koto tupa꞉ kone do Eipoloha꞉ma꞉na꞉ tapake wanda꞉ta꞉ hoke temokoma꞉ 18 bapina꞉ tonkao ula꞉ puta꞉ mo Hoto Pila꞉ Natena꞉ta꞉ na ka꞉la꞉pa꞉ tapaena꞉pe laa lota꞉ piekeme.

Luku 8:43

Kutupa mo wanda꞉hali anka꞉lopuna꞉ mo bapi 12 andusa꞉na꞉ we yopu hayeke wanda꞉ ma꞉nda꞉ hayekeme. Ipika꞉ yeni tamba꞉ mina꞉yeke dokeda haliweki pa꞉ta꞉ ipika꞉ mani paeyao hala꞉tiki piekepate ipika꞉ yenita꞉ ota꞉ na epeaeyekeme.

Dioni 5:14

Wetepena꞉ mo tembolo da tukiki pa꞉ta꞉ Yesuma꞉ hande hali handa꞉ wia alota꞉ Handa꞉e. Ame neketa꞉ epeke loke haleme. Hoke hau paa na pea꞉peke. Neke pa꞉ta꞉ ka꞉nda꞉ma꞉ homa꞉la꞉ hau tieke a꞉paama꞉na꞉ loa꞉me leekeme.

Dioni 5:4

Do ekina꞉yeke pimikime. Hoto ma꞉nda꞉ta꞉ Tekehalina꞉ enisolo halima꞉ hola꞉pa꞉niao a꞉pa mo hande ikali tapa꞉tiaeyekeme. Koto hoki naneta꞉ mo ikali pa꞉ta꞉ titina꞉ amba꞉la honda꞉ pambilia꞉ halina꞉ yenita꞉ tandelelieke.

Dioni 5:6

Yesuma꞉ koto pa꞉ta꞉ mo hali pelia hake wiekeeki handaata꞉ ipika꞉ yeni hapa wina꞉ bapi wopu yapeekeeki make hone wiekeme. Koto ekina꞉ ipikana꞉ma꞉ mo hali pa꞉ta꞉ alota꞉ Naka꞉ honema꞉ta꞉ naka꞉ yeni tandelena꞉ hone witelepe leekeme.

Dioni 9:1

Yesuma꞉ pota꞉na꞉ pulu hata꞉ handeekepate inkikima꞉ mendieke pa꞉ta꞉ kone leke holupiki hali handeekeme.

Dioni 9:21

ame ipika꞉ leke kila handa꞉la꞉eki make ipika꞉ leke kilaake hauta꞉ epima꞉ pa꞉la꞉pe. Kota꞉ dikita꞉ mata꞉la꞉me laa lepekeme. Ipiki pa꞉ta꞉ pua opua꞉pa꞉peke. Ipika꞉ bapi manuta꞉ ana꞉na꞉ hala꞉ ekima꞉ ipika꞉ kone la kilieke laa lepekeme.

Aposolo 14:8

Kutupa mo Lisita da pa꞉ta꞉ ankena꞉ pua꞉peke na yeeke hali pitiekeme. Ipikita꞉ hoto ma꞉nda꞉ a꞉nda꞉ ankena꞉ na peekeme. Mendieke natena꞉ kone ota꞉ hoeya꞉ paleke mendiekeme.

Aposolo 3:2

Kutupa hali homeke mendieke pa꞉ta꞉ kone pota꞉ ota꞉ pomua꞉peke na yeke hali nate paeyao mea tia pua꞉tiki pea mo tembolo da pota꞉ kake bikita꞉ Seliapopiki Pota꞉ Kake koto pa꞉ta꞉ mo tembolo da tukiki pa꞉ta꞉ yopua꞉tiki pimiki wanda꞉hali pa꞉ta꞉ mani ma꞉nda꞉ kipee laa honke la꞉tiki pina꞉ yeke pua tu wia꞉tiki pimikime.

Aposolo 4:22

Mo hande mea tiaeyeke halita꞉ ipika꞉ anke hoeya u pitina꞉ yapeeke bapita꞉ 40 tupa꞉ amba꞉ paeyekeme.

Aposolo 9:33

Koto da pa꞉ta꞉ta꞉ hali homeke Iniasi handeekeme. Koto halita꞉ kiki anke homa pa wieke hali pita꞉ bapi ketepo hata꞉ ipika꞉ da panda꞉ pa꞉ta꞉ u pita꞉tiki pu hayekeme.