Dioni 5:4 - Panake Pi La: Ula: Buka pita: Kine Pieke Buka

⁴ Do ekina꞉yeke pimikime. Hoto ma꞉nda꞉ta꞉ Tekehalina꞉ enisolo halima꞉ hola꞉pa꞉niao a꞉pa mo hande ikali tapa꞉tiaeyekeme. Koto hoki naneta꞉ mo ikali pa꞉ta꞉ titina꞉ amba꞉la honda꞉ pambilia꞉ halina꞉ yenita꞉ tandelelieke.

Dioni 5:4 Mawu Ofanana

Ma꞉tiu 11:12

Dionima꞉ mo hande pimanu walea꞉ natena꞉ kini pu mea a꞉pa ame do natena꞉ kone mo hepenina꞉ Kilu Tombuao Hala꞉ ekima꞉ lombei lombei pua꞉tiki ipu hala꞉me. Kutupa mo honkopu hao haleme haliwekima꞉ koto hepenina꞉ Kilu Tombuao Hala꞉eki miniki halememe.

Ma꞉tiu 6:33

Koto pa꞉la꞉ ekina꞉ta꞉ ikana꞉ma꞉ mo Koda꞉na꞉ Kilu Tombuao Hala꞉eki make ipika꞉ tikitiki piki hau make epena꞉ loluekema꞉ yeke titina꞉ amba꞉la weiyu haemeka꞉na꞉ta꞉ kota꞉ Koda꞉ma꞉ mo koto ika꞉ hone peleme ale manuta꞉ iki ana꞉lao ku halieke.

Luku 13:24

Ikana꞉ma꞉ mo dekepeke pota꞉ kake pa꞉ta꞉ honda꞉ pambuluekema꞉ honkopu hapa꞉peke. Pa ekipeke. Wanda꞉hali wotuma꞉ honda꞉ pambuluekema꞉ taapolo pelemepate honda꞉ pambolo pua꞉pa꞉peke na ya꞉lieke.

Luku 16:16

Mo Lo Pi wieke ekimanu make mo hande potopede haliwekima꞉ wape pimiki ekimanu make la꞉tia a꞉pa hande bapitaisi peao hayeke hali Dionima꞉ walo paeyaeyekeme. Koto natena꞉ kini pu mea a꞉pa ame do natena꞉ kone Koda꞉na꞉ Kilu Tombuao Hala꞉ ekina꞉ Pi Seliapota꞉ wala꞉tia pu haleketa꞉ kota꞉ mo wanda꞉hali aneke hapuma꞉ koto pa꞉ta꞉ ipuluekema꞉ honkopu wotu halememe leekeme.

Dioni 5:3

Koto dasunu pa꞉ta꞉ta꞉ yeni haemeke wanda꞉hali wopu haemekeme. Leke holupiki wanda꞉hali make anke hoke wanda꞉hali make kiki anke tindipa tindipa pea꞉peke na yeke wanda꞉hali make koto pa꞉ta꞉ haemekeme. Koto wanda꞉hali paeyaoma꞉ta꞉ mo hande ikalita꞉ la꞉ma꞉ la꞉ma꞉ pina꞉yeke handeteke hatiki pimikime.

Dioni 5:5

Koto pa꞉ta꞉ hayeke hali ma꞉nda꞉ta꞉ ipika꞉ yeni hayeke bapita꞉ 38 bapimanu amba꞉ yapeekeme.

Dioni 5:7

Mo yeni hapa wieke halima꞉ Yesuna꞉ pi hombo peaaso alota꞉ Aneke halio. Mo ikali tapa꞉tiatia pita꞉la꞉ natena꞉ I̱ mea miniliao ikali pa꞉ta꞉ hatuku pua꞉peke hali dia꞉me. Koto ekina꞉ ya kone pu pitua꞉ka꞉na꞉ta꞉ ma꞉nda꞉ma꞉ I̱ wetepeao yapilieke leekeme.

1 Kotindi 6:11

Iki pa꞉ta꞉ mandane wanda꞉halita꞉ kutupiki wanda꞉hali haemepate pa Koda꞉ma꞉ ika꞉ hoke haumanu tanda꞉ pea haena꞉ yeke handa ameta꞉ wamo pea halememe. Ameta꞉ Koda꞉ma꞉ iki talopu mea hamina꞉ la꞉la꞉me. Kutupa ame ikita꞉ Koda꞉ pa꞉ta꞉ tikitiki yao hamina꞉ la꞉la꞉me. Kutupiki hauta꞉ mo Tekehali Yesu Ketiso pita꞉ nika꞉ Koda꞉na꞉ Sipitidi yaapoma꞉ peaala꞉me.

1 Dioni 1:7

Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.