Dioni 5:10 - Panake Pi La: Ula: Buka pita: Kine Pieke Buka

¹⁰ mo Diu haliwekima꞉ koto yeni tandelaeyeke hali pa꞉ta꞉ alota꞉ Do Hoto Pila꞉ Natena꞉ naka꞉ yapa꞉ta꞉ mea mina puli ekita꞉ pi ula꞉eki yambololo piteleme lemekeme.

Dioni 5:10 Mawu Ofanana

Ma꞉tiu 12:10

kiki hapueke endiki hali homeke koto da pa꞉ta꞉ hayekeme. Mandane halima꞉ta꞉ Yesuta꞉ pi ula꞉ ekina꞉ yamba꞉la꞉la꞉ somee loluekema꞉ yeke ipiki handa꞉ pelia haemekeme. Ikana꞉ma꞉ ipiki lota꞉ pitolo alota꞉ Nika꞉ pi ula꞉eki manuma꞉ta꞉ do Hoto Pila꞉ natena꞉ mo yenimanu epeaapeke hau pia꞉peke ekina꞉ waleke ula꞉pe o dia꞉pe lemekeme.

Maka 2:24

Kutupata꞉ Pa꞉tisi haliwekima꞉ Yesu pa꞉ta꞉ alota꞉ Handa꞉e laa Hoto Pila꞉ Natena꞉ pia꞉peke na ya꞉la꞉eki pitolo pitelememe. Pa ekipeke pitelemepe lemekeme.

Maka 3:4

Epeeketa꞉ Yesuma꞉ iki pa꞉ta꞉ alota꞉ Hoto Pila꞉ Natena꞉ pi ula꞉ ekina꞉ aleke wape pea ula꞉pe leekeme. Wanda꞉hali epeaasa꞉ ekita꞉ ana꞉ pa꞉la꞉pe o hoeyaasa꞉ ekita꞉ ana꞉ pa꞉la꞉pe laa ombu alota꞉ Wanda꞉hali mea tiaowa꞉ka꞉na꞉ta꞉ ana꞉ pa꞉la꞉pe o homaoa꞉ka꞉na꞉ta꞉ ana꞉ pa꞉la꞉pe leekepate mo haliwekima꞉ pi na leke pa pambo haemekeme.

Luku 13:14

Kutu pieke handaa mo pi hotu haemeke da handeteke hayeke halima꞉ta꞉ Yesuma꞉ mo wanda꞉ta꞉ mo Hoto Pila꞉ Natena꞉ kone epeaeyeke handa Yesu yaapo mineke pankeekeme. Koto ekina꞉ ipikana꞉ma꞉ mo wanda꞉hali pa꞉ta꞉ alota꞉ E poka꞉peke nate manuta꞉ yunki mindiki hata꞉ taama꞉ ika꞉ yenimanu epeaena꞉ hone wimika꞉na꞉ta꞉ kota꞉ koto nate nina꞉ a꞉pa꞉peke ya꞉la꞉pate pa do Hoto Pila꞉ Natena꞉ta꞉ ota꞉ dia꞉me leekeme.

Luku 23:56

Kutupa paa la꞉ka꞉la da puaata꞉ mo Yesuna꞉ lokena꞉ holo pimiki totopo piki honkumanu amu pimikime. Kutupata꞉ mo Lo Pima꞉ leeke tupa꞉ hande hoto pila꞉ natena꞉ yaalo hoto pitimikime.

Luku 6:2

Kutupa mo mandane Pa꞉tisi haliwekima꞉ alota꞉ Pa ekipeke ikana꞉ma꞉ mo nika꞉ Lo Pi manuma꞉ la꞉la꞉ tupa꞉ mo Hoto Pila꞉ Natena꞉ na pea꞉pa꞉peke la꞉la꞉ ekita꞉ ekipeke pitolo pimipe lemekeme.

Dioni 1:19

Dionima꞉ koto leeke ekina꞉ mo Diutuseleme nane haemeke Diu haliwekima꞉ta꞉ yeni peao haemeke haliwekima꞉ make Lipae tapake haliwekima꞉ make Dioni pa꞉ta꞉ Neketa꞉ epika꞉ta꞉pe laa lota꞉ pulu pena꞉ tapaemekeme.

Dioni 5:11

Kota꞉ mo halima꞉ ika꞉ pi hombo peaaso alota꞉ Ya yeni tandelaeya꞉ halima꞉ I̱ pa꞉ta꞉ alota꞉ Naka꞉ yapa꞉ta꞉ mea mina anke lopao pua꞉peke lea꞉me leekeme.

Dioni 5:15

Koto leekeeki opua hande hali mina꞉pa꞉lao pua mo Diu haliweki pa꞉ta꞉ alota꞉ Ya yeni tandelaeya꞉ halita꞉ Yesue leekeme.

Dioni 5:16

Kota꞉ Yesuma꞉ Hoto Pila꞉ Natena꞉ mo halina꞉ yeni tandelaeyeke ekina꞉ mo Diu haliwekima꞉ Yesu tanda haluekema꞉ kini pu mimikime.

Dioni 7:23

Mosesima꞉ waleeke Lo Pimanu yamba꞉laama꞉na꞉ Hoto Pila꞉ Natena꞉ kone weki ma꞉nda꞉ pa꞉ta꞉ sekemesaisi hau pimika꞉na꞉ta꞉ kota꞉ I̱ma꞉ make Hoto Pila꞉ Natena꞉ hali homeke epeaowa꞉ ekina꞉ ekipeke I̱ pa꞉ta꞉ mineke pankelemepe.

Dioni 9:16

Mandane Pa꞉tisi haliwekima꞉ alota꞉ Do hau pa꞉la꞉ halita꞉ mo Hoto Pila꞉ Natena꞉ pi ula꞉eki yamba꞉la꞉la꞉ ekina꞉ ipikita꞉ Koda꞉ma꞉ na tapaala꞉me lemekepate mandane haliwekima꞉ alota꞉ Dupiki wele pita꞉la꞉ ekita꞉ hoke hau pa꞉la꞉ halima꞉ ekipa piliepe la lemekeme. Koto ekina꞉ ika꞉ kone putupaalu pea pi ta꞉ta꞉ ta꞉ta꞉ lemekeme.