Dioni 4:9 - Panake Pi La: Ula: Buka pita: Kine Pieke Buka

⁹ Mo Sametia wanda꞉ma꞉ Yesuna꞉ pi hombo peaaso alota꞉ I̱ta꞉ Sametia wanda꞉ halopate neketa꞉ Diu hali hata꞉ kone ekipeke I̱ pa꞉ta꞉ Ikali ma꞉nda꞉ nono kie laa honke alepe leekeme. Koto Sametia wanda꞉halima꞉ ika꞉ ne ikali no haemeke kawaso manuta꞉ mo Diu wanda꞉halima꞉ yola꞉ alu pea napeke na yeeke handa loa꞉me.

Dioni 4:9 Mawu Ofanana

Ma꞉tiu 10:5

Koto 12 haliweki tapaaluekema꞉ hata꞉ta꞉ Yesuma꞉ iki pa꞉ta꞉ dupiki pi leekeme. Mo Diendaili tapakena꞉ da yu pa꞉ta꞉manu o Sametia tapakena꞉ da teke pa꞉ta꞉manu make na pua꞉pa꞉peke leekeme.

Luku 10:33

Pate Sametia hali ma꞉nda꞉ koto pota꞉na꞉ a꞉paata꞉ mo hali hando haota꞉ ipika꞉ pukima꞉ a꞉ta꞉ma꞉ homeekeme.

Dioni 4:27

Koto pi alo haena꞉ta꞉ ipika꞉ disaipolo haliweki paa opolo epemekepate Yesu mo wanda꞉ yaapo pi alo haepekeeki handaata꞉ hone ta꞉ta꞉ ta꞉ta꞉ wimikipate hali homeke ma꞉nda꞉ma꞉ Aleke muluekema꞉ alepe o Ipiki yaapo ekipeke pi alepe laa pa na lota꞉ piekeme.

Dioni 8:48

Mo Diu haliwekima꞉ Yesuna꞉ pi hombo peaaso alota꞉ Nikana꞉ma꞉ neketa꞉ Sametia hali neke pa꞉ta꞉ hoke temoko pita꞉ pa꞉la꞉me loma꞉ ekita꞉ paeki loma꞉ekea.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 10:28

Diu halima꞉ kenke ma꞉nda꞉ hali yaapo ta꞉ma꞉ni pea꞉peke na yeke ipika꞉ da pa꞉ta꞉ pua꞉peke na ya꞉la꞉me ekita꞉ ika꞉ kone handelemepate Koda꞉ma꞉ Hali ma꞉nda꞉ta꞉ hoke hali o hoe peao hala꞉ halie pi na lapeke laa I̱ pa꞉ta꞉ walea꞉me leekeme.

Aposolo 10:32

Koto ekina꞉ mo Diopa da pa꞉ta꞉ mo hali Saimono biki ma꞉nda꞉ Pida hali ma꞉nda꞉ma꞉ handa꞉ mulu pena꞉ tapae la alota꞉ Mo halita꞉ ma꞉na꞉ yonkelekema꞉ hako wopu hala꞉ hali Saimonona꞉ da pa꞉ta꞉ hala꞉me lea꞉me. Mo data꞉ dawala ikali tea꞉na꞉ hala꞉me laa lea꞉me.