Dioni 4:6 - Panake Pi La: Ula: Buka pita: Kine Pieke Buka

⁶ Koto kenke pa꞉ta꞉ Dieikopema꞉ aweeke naku pa꞉ta꞉ ikali pitiekeme. Kutupa Yesuta꞉ pota꞉na꞉ ipu hao anke litu pieke mo naku ikali teke pa꞉ta꞉ pitiekeme. Nate you tikekena꞉ haena꞉ pitiekeme.

Dioni 4:6 Mawu Ofanana

Ma꞉tiu 27:45

Nate you tikekena꞉ haena꞉ mo kenke paeyao timba꞉ la꞉ pambaa puaata꞉ nate leke tepo minolo hata꞉ nate lekelo yopula꞉ dina꞉ta꞉ nateta꞉ paa pa̱a̱ piekeme.

Ma꞉tiu 4:2

Koto pa꞉ta꞉ hata꞉ta꞉ Yesuma꞉ hali tieke yaapo natena꞉ timba꞉ nate yaapona꞉ ne ma꞉nda꞉ na neke hayeke ekima꞉ tea꞉ma꞉ homeekeme.

Ma꞉tiu 8:24

Mo kawaso pua ikali leke tukiki tukikina꞉ haena꞉ penkilipake po tilipu tiekema꞉ mo ikali lekena꞉ ambulaeyekeme. Kutu pieke ekima꞉ mo kawasota꞉ teke pa꞉ta꞉ honki lapeke yekepate Yesuta꞉ u peliekeme.

Luku 2:7

Kutupa ipika꞉ mupeke weki mendiata꞉ hokulupeke dau manuma꞉ ambulata꞉ kimisu wanda꞉halima꞉ hambo haemeke da pa꞉ta꞉ pelia꞉peke da dia꞉yeke handa kao ma꞉na꞉na꞉ ne halo haemeke u̱lu̱ pa꞉ta꞉ mea pua wiekeme.

Luku 9:58

Yesuma꞉ mo hali pa꞉ta꞉ alota꞉ Tikene kika manuma꞉ta꞉ ika꞉ kenke ka꞉ka꞉na꞉ wiaata꞉ ba manuma꞉ make ika꞉ dakemanu hala꞉pate pa mo Wanda꞉halina꞉ Eiyeketa꞉ ipika꞉ hoto minolo pelia꞉peke da ota꞉ ma꞉nda꞉ siki make dia꞉me leekeme.

Dioni 11:9

Yesuma꞉ alota꞉ Nate homekena꞉ pa yata꞉pea꞉peke nate leke manuta꞉ 12 awamanu dia꞉ya꞉ka꞉ta꞉pe. Hali ma꞉nda꞉ta꞉ oli nate talo haena꞉ pomia꞉ka꞉na꞉ta꞉ do kenkena꞉ pa̱a̱ pa꞉la꞉eki handa꞉la꞉ ekima꞉ ipikita꞉ lopuluekema꞉ taapa꞉tia na pelieke laa

Dioni 4:12

Nika꞉ apa꞉mei Dieikopema꞉ta꞉ do naku ikali niki pa꞉ta꞉ ka꞉la꞉me. Do ikalita꞉ ipikana꞉ma꞉ make ipika꞉ eiyeke titima꞉ make ipika꞉ ma꞉na꞉ manuma꞉ make na꞉tiki pu haemekeme. Neketa꞉ Dieikope ankulaluekema꞉ alepe leekeme.

Dioni 4:5

Kutupa Sametia lopa꞉la꞉ puaata꞉ daoni homeke pa꞉ta꞉ opolo peekeme. Koto daoni bikita꞉ Saika lemekeme. Mo da teketa꞉ hande Dieikopema꞉ ipika꞉ eiyeke Diosepe pa꞉ta꞉ haleeke kenke teke pa꞉ta꞉ hayeke dae.

Dioni 4:7

Kutupa pitina꞉ Sametia wanda꞉ homekema꞉ ikali nolo epeekeme. Yesuma꞉ ipiki pa꞉ta꞉ alota꞉ Ikali ma꞉nda꞉ nono kie leekeme.

2 Kotindi 8:9

Ikana꞉ma꞉ta꞉ nika꞉ Tekehali Yesu Ketisona꞉ a꞉ta꞉ma꞉ homa tamba꞉ mina꞉la꞉ ekita꞉ hone wilimime. Ipikita꞉ hamoko tieke hayekepate iki tamba꞉ muluekema꞉ yeke ipikita꞉ nate hali au leekeme. Kotota꞉ ipika꞉ natehali au leeke ekima꞉ iki hamoko hawaluekema꞉ pa꞉la꞉me.

Hibulu 2:17

Koto hau puluekema꞉ta꞉ ipikana꞉ma꞉ mo ipika꞉ hau paeyaoma꞉ta꞉ ota꞉ ipika꞉ hameke tonu leke hayekeme. Iki pa꞉ta꞉ a꞉ta꞉ma꞉ homolo hata꞉ pea꞉peke hau ma꞉nda꞉ na mina꞉pa꞉lake Koda꞉ pa꞉ta꞉ ika꞉ yeni peao hala꞉ hali haluekema꞉ kutu piekeme. Wanda꞉hali ika꞉ hoke haumanu paeyawaena꞉ Yesuma꞉ hambaasota꞉ kutu piekeme.

Hibulu 4:15

Nika꞉ Yeni peao hala꞉ You halima꞉ta꞉ nika꞉ honkopu na hake dete piki haumanu handaa a꞉ta꞉ma꞉ na homolo pa꞉la꞉ hali dia꞉me. Kotoeki na pikita꞉ nika꞉ Yeni peao hala꞉ You halita꞉ mo niki la handa꞉peke ya꞉la꞉ ekimanu paeyaoma꞉ ipiki make la handetiki piekepate hoke hau homeke siki ma꞉nda꞉ a꞉nda꞉ ota꞉ na piekeme.