Dioni 4:23 - Panake Pi La: Ula: Buka pita: Kine Pieke Buka

²³ Koto pa꞉la꞉pate wetepe hande epolo pa꞉la꞉ nateta꞉ ame amba꞉ a꞉pa꞉la꞉me. Kutu pa꞉la꞉ ekina꞉ ota꞉ yeni piteleme wanda꞉halima꞉ta꞉ Apa꞉ pa꞉ta꞉ yeni pimika꞉na꞉ta꞉ ika꞉ temokoma꞉ make ota꞉ hau pitolo hata꞉ make yeni pilimikie leekeme. Koto tupa꞉ ipiki pa꞉ta꞉ yeni piteleme wanda꞉halita꞉ Apa꞉ma꞉ hone pa꞉la꞉me.

Dioni 4:23 Mawu Ofanana

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Dioni 5:25

Iki pa꞉ta꞉ ota꞉ pi alome. Amba꞉ homemeke wanda꞉halima꞉ta꞉ Koda꞉ ipika꞉ Eiyekena꞉ pi ho̱la̱꞉make mia꞉peke ya꞉la꞉ nate epolo pa꞉la꞉pate amba꞉ a꞉pa hala꞉me. Kutupa ipika꞉ pi ho̱la̱꞉make opiteleme wanda꞉halita꞉ da꞉tilimikie.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Loma꞉ 8:26

Koto tupa꞉ kone nikita꞉ damakopiki wanda꞉hali haloma꞉ ekina꞉ mo hande Sipitidima꞉ niki tamba꞉ mulu ipu hala꞉me. Nikana꞉ma꞉ta꞉ yeni pea꞉peke ekimanu na handoloma꞉ ekina꞉ mo hande Sipitidima꞉ta꞉ peneme yao pi lapeke na yalo hata꞉ kemema꞉ kemema꞉ pitolo kone Koda꞉ pa꞉ta꞉ nika꞉ yeni peao hala꞉me.

Dioni 12:23

Yesuma꞉ ipilika꞉ pi hombo peaaso alota꞉ Wanda꞉halina꞉ Eiyekema꞉ mo pa̱a̱ piki kapu tieke mulu pa꞉la꞉ di ame ipula꞉me.

Epesese 6:18

Do haumanu paeyaota꞉ Koda꞉ma꞉ tamba꞉ mina꞉yeke pitolo hata꞉ yeni pea꞉tiki pu hapa꞉peke. Koto mo Sipitidima꞉ walolo haena꞉ hoto paeyao yeni pea꞉pa꞉peke. Koto ekina꞉ wotu handeteke hata꞉ soka꞉la꞉ma꞉ na homeke Koda꞉na꞉ wanda꞉hali paeyao pa꞉ta꞉ hone witolo hata꞉ hoto paeyao yeni pea꞉tiki pu hapa꞉peke.

Dioni 4:21

Yesuma꞉ ipiki pa꞉ta꞉ alota꞉ Wanda꞉o. I̱ma꞉ do aloeki opua꞉peke. Nate ma꞉nda꞉ ipilieke laa koto nate epea꞉ka꞉na꞉ta꞉ kota꞉ do pote pa꞉ta꞉ hata꞉ make oli Diutuseleme da pa꞉ta꞉ hata꞉ make wanda꞉halima꞉ta꞉ hande Apa꞉ pa꞉ta꞉ yeni na pilimikie laata꞉

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Loma꞉ 8:15

Koda꞉ma꞉ iki ka꞉la꞉ Sipitidima꞉ta꞉ iki paala꞉ tiao pa hameke e pokaasa꞉ hali leke na hamina꞉ la꞉la꞉me. Dia꞉me. Koto hau na pita꞉la꞉me. Hande Sipitidima꞉ ikita꞉ Koda꞉ ipika꞉ wekiwandiki hamina꞉ la꞉la꞉me. Koto pa꞉la꞉ ekina꞉ Sipitidi ipika꞉ wele pita꞉la꞉ ekina꞉ nikana꞉ma꞉ Koda꞉ pa꞉ta꞉ wi alo alota꞉ Apa꞉o. Yaka Apa꞉o lo haloma꞉me.

1 Pida 2:9

Koto pa꞉la꞉pate ikita꞉ Koda꞉na꞉ ma̱leke lila꞉ tapake halememe. Ikita꞉ mo Kini halina꞉ yeni peao haleme wanda꞉halie. Ikita꞉ mo yakopiki tapakee. Koda꞉na꞉ wanda꞉hali homeke halememe. Ikita꞉ mo timba꞉la꞉ pambeke pa꞉ta꞉ haapa꞉na꞉ ipika꞉ pa̱a̱ pita꞉la꞉eki ota꞉ seliapo pa꞉ta꞉ epoemena꞉ wi lea꞉ Koda꞉ma꞉ ipika꞉ ota꞉ epeke pita꞉la꞉ ekimanu la halamena꞉ iki ma̱leke lila꞉me.

Dioni 16:32

Opua꞉pe. Nate ma꞉nda꞉ta꞉ epolo pa꞉la꞉pate amba꞉ a꞉pa꞉la꞉me. Koto pa꞉la꞉ ekina꞉ iki paeyao tankulu paalu pea ta꞉ta꞉ ta꞉ta꞉ lo ika꞉ da nina꞉ kone polo pelemepate I̱ ya honumake siki pa halueke. Kutu pulu pelemepate I̱ta꞉ honumake na hake yaka Apa꞉ yaapo mandakena꞉ halupeke.

Loma꞉ 1:9

Do alo ekita꞉ ota꞉ pi aloeki Koda꞉ma꞉ handa꞉la꞉me. Do Koda꞉ta꞉ ipika꞉ Eiyekena꞉ Pi Seliapo walolo hata꞉ yaka tieke pukima꞉ ipika꞉ e pokao halome. Hoto paeyao iki pa꞉ta꞉ hone witolo hata꞉

Dioni 5:28

Do ekina꞉ta꞉ ikana꞉ma꞉ hone eleke eleke na wia꞉pa꞉peke. Amba꞉ homa lapa꞉ peleme wanda꞉hali paeyaoma꞉ta꞉ ipika꞉ pi ho̱la̱꞉make opulu peleme nate epolo pa꞉la꞉ ekina꞉ loa꞉me.

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.