Dioni 4:21 - Panake Pi La: Ula: Buka pita: Kine Pieke Buka

²¹ Yesuma꞉ ipiki pa꞉ta꞉ alota꞉ Wanda꞉o. I̱ma꞉ do aloeki opua꞉peke. Nate ma꞉nda꞉ ipilieke laa koto nate epea꞉ka꞉na꞉ta꞉ kota꞉ do pote pa꞉ta꞉ hata꞉ make oli Diutuseleme da pa꞉ta꞉ hata꞉ make wanda꞉halima꞉ta꞉ hande Apa꞉ pa꞉ta꞉ yeni na pilimikie laata꞉

Dioni 4:21 Mawu Ofanana

Ma꞉tiu 18:20

Pa ekipeke wanda꞉hali yaapo o tepoma꞉ ale ma꞉nda꞉ pa꞉ta꞉ yaka bikina꞉ mombelemeka꞉na꞉ta꞉ kota꞉ I̱ma꞉ koto pa꞉ta꞉ iki ame̱le̱ mandake halueke leekeme.

Ma꞉tiu 28:19

Koto ekina꞉ta꞉ wanda꞉hali paeyao ya disaipolo haena꞉ mea hamena꞉ kenke honiki honiki paeyao pa꞉ta꞉ wala꞉tia pu hapa꞉peke. Koto ya disaipolo halimi wanda꞉halita꞉ Koda꞉na꞉ bikina꞉ make Ya bikina꞉ make mo Holi Sipitidina꞉ bikina꞉ make bapitaisi hau peao hapa꞉peke.

Luku 21:24

Mandane wanda꞉halita꞉ kepete dolo manuma꞉ lu homao mandaneta꞉ mandane kenke yu ma꞉nda꞉ nane dipula leke mea pua kutupa mo Diendaili wanda꞉halima꞉ta꞉ Diutuseleme tumbuatia pua ika꞉ nate mulu epea꞉ka꞉na꞉ mina꞉pa꞉lalimikie.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.

Dioni 16:32

Opua꞉pe. Nate ma꞉nda꞉ta꞉ epolo pa꞉la꞉pate amba꞉ a꞉pa꞉la꞉me. Koto pa꞉la꞉ ekina꞉ iki paeyao tankulu paalu pea ta꞉ta꞉ ta꞉ta꞉ lo ika꞉ da nina꞉ kone polo pelemepate I̱ ya honumake siki pa halueke. Kutu pulu pelemepate I̱ta꞉ honumake na hake yaka Apa꞉ yaapo mandakena꞉ halupeke.

Dioni 4:23

Koto pa꞉la꞉pate wetepe hande epolo pa꞉la꞉ nateta꞉ ame amba꞉ a꞉pa꞉la꞉me. Kutu pa꞉la꞉ ekina꞉ ota꞉ yeni piteleme wanda꞉halima꞉ta꞉ Apa꞉ pa꞉ta꞉ yeni pimika꞉na꞉ta꞉ ika꞉ temokoma꞉ make ota꞉ hau pitolo hata꞉ make yeni pilimikie leekeme. Koto tupa꞉ ipiki pa꞉ta꞉ yeni piteleme wanda꞉halita꞉ Apa꞉ma꞉ hone pa꞉la꞉me.

Dioni 5:25

Iki pa꞉ta꞉ ota꞉ pi alome. Amba꞉ homemeke wanda꞉halima꞉ta꞉ Koda꞉ ipika꞉ Eiyekena꞉ pi ho̱la̱꞉make mia꞉peke ya꞉la꞉ nate epolo pa꞉la꞉pate amba꞉ a꞉pa hala꞉me. Kutupa ipika꞉ pi ho̱la̱꞉make opiteleme wanda꞉halita꞉ da꞉tilimikie.

Dioni 5:28

Do ekina꞉ta꞉ ikana꞉ma꞉ hone eleke eleke na wia꞉pa꞉peke. Amba꞉ homa lapa꞉ peleme wanda꞉hali paeyaoma꞉ta꞉ ipika꞉ pi ho̱la̱꞉make opulu peleme nate epolo pa꞉la꞉ ekina꞉ loa꞉me.

Aposolo 6:14

Ipikana꞉ma꞉ dupa leeke opuma꞉me. Mo Na꞉sa꞉tete hali Yesuma꞉ do da teke hoeyao Mosesima꞉ waleeke ekimanu make topo pea panakeeki walieke lea꞉ ekita꞉ pea꞉ma꞉ opuma꞉me lemekeme.

Epesese 2:18

Ketisoma꞉ peaala꞉ ekima꞉ta꞉ Diu wanda꞉hali make Diendaili wanda꞉hali make niki paeyaoma꞉ta꞉ homeke Sipitidi meata꞉ Koda꞉ hala꞉ pa꞉ta꞉ pua꞉peke ya꞉la꞉me.

Epesese 3:14

Koto pa꞉la꞉ ekina꞉ I̱ma꞉ Apa꞉ pa꞉ta꞉ tumiki yotuao panda꞉puniao pilume.

1 Timodi 2:8

I̱ma꞉ Siosi paeyao pa꞉ta꞉ halima꞉ yeni pina꞉ hone pa꞉la꞉me. Hali epima꞉ ma꞉nda꞉ pa꞉ta꞉ mineke pankolo o kake neli pita꞉la꞉ hau na piki ota꞉ yako piki hone u paleke hala꞉ hali manuma꞉ mo siosina꞉ mombilimi pa꞉ta꞉ kiki a꞉meiyao yeni pina꞉e.

1 Pida 1:17

Ikana꞉ma꞉ yeni pitolo hata꞉ Apa꞉o lo haleme Koda꞉ma꞉ta꞉ wanda꞉hali paeyao homeke hone witolo hata꞉ta꞉ iki homeke homekema꞉ pu haeme hauna꞉ pi yoka꞉ alu pilieke. Koto ekina꞉ta꞉ ika꞉ ame do kenkena꞉ haleme natena꞉ta꞉ Koda꞉ pa꞉ta꞉ homu pea hao hapa꞉peke.

Peneme Yaeyekeeki 21:22

I̱ma꞉ta꞉ mo daoni pa꞉ta꞉ta꞉ tembolo da na handoa꞉me. Pa ekipeke mo Aneke Tekehali Koda꞉ pita꞉ mo hande Sipisipi Ma꞉na꞉ Ikiki yaapota꞉ mo tembolo da yekeme.