Dioni 4:1 - Panake Pi La: Ula: Buka pita: Kine Pieke Buka

¹ Koto natena꞉ta꞉ mo hande Pa꞉tisi haliweki pa꞉ta꞉ pi dupa la꞉niaeyekeme. Yesuma꞉ disaipolo wanda꞉hali wopu meaata꞉ bapitaisi peao pita꞉la꞉ ekima꞉ Dionima꞉ pita꞉la꞉ ekita꞉ wetepe yaasa꞉me laa la꞉niaeyekeme.

Dioni 4:1 Mawu Ofanana

Luku 1:76

Koto ekina꞉ ya wekio. Neketa꞉ Ota꞉ Manda Hala꞉ Koda꞉ ipika꞉ pi la꞉mea halo hala꞉ hali haleme laa lelimikie. Kutupa Tekehali wetepena꞉ epena꞉ nakana꞉ma꞉ ipika꞉ pota꞉ tikitiki yawaluekema꞉ amba꞉la pelipikie.

Luku 19:31

Kutu pipikina꞉ ma꞉nda꞉ma꞉ ipiliki lota꞉ pia꞉ka꞉na꞉ta꞉ kota꞉ ipilikana꞉ma꞉ alota꞉ Tekehalima꞉ muluekema꞉ hone pa꞉la꞉me lapa꞉peke leekeme.

Luku 19:34

Tekehalima꞉ muluekema꞉ hone pa꞉la꞉me lepekeme.

Luku 2:11

Ame do timbata꞉ oni hande Deipidina꞉ da teke pa꞉ta꞉ta꞉ ika꞉ da꞉taalo pa꞉la꞉ Tekehali amba꞉ mendia꞉la꞉me. Ipikita꞉ Tekehali Ketisoe.

Luku 7:13

Tekehalima꞉ mo hande kineke wanda꞉ handaata꞉ ipika꞉ pukima꞉ a꞉ta꞉ tiekema꞉ homolo hata꞉ ipikana꞉ma꞉ mo wanda꞉ pa꞉ta꞉ alota꞉ E na lapee leekeme.

Luku 7:19

alota꞉ Tekehali pa꞉ta꞉ pua dupa lota꞉ pea꞉pa꞉peke. Neketa꞉ hande Dionima꞉ Ipilieke leeke niki paeyaoma꞉ yu wia haloma꞉ hande hali ya꞉ka꞉ta꞉pe o hali ma꞉nda꞉ epena꞉ yu wia hamonope laa Yesu pa꞉ta꞉ lota꞉ pea꞉pa꞉peke leekeme.

Dioni 3:22

Koto hoki naneta꞉ Yesu ipika꞉ disaipolo haliweki ame̱le̱ mo Diudia nane pua koto pa꞉ta꞉ hata꞉ wanda꞉hali bapitaisi peatiki pimikime.

Dioni 3:26

Koto ekina꞉ Dioni pa꞉ta꞉ pua alota꞉ Disao. Mo Diodani ikali mone tena꞉ neke yaapo mandakena꞉ haya꞉ halita꞉ hande nakana꞉ma꞉ niki pa꞉ta꞉ walea꞉ halima꞉ta꞉ kota꞉ ameta꞉ ipikana꞉ma꞉ bapitaisi peaaseke handaa wanda꞉hali wopu ipiki pa꞉ta꞉ pua꞉tiki pitelememe lemekeme.

Aposolo 10:36

Ikana꞉ma꞉ do ekita꞉ amba꞉ ta handeleme handa꞉e. Koda꞉ma꞉ mo Isulai wanda꞉hali pa꞉ta꞉ pi tapaeyekeeki loa꞉me. Ipikana꞉ma꞉ mo a꞉nda꞉ peliaasa꞉ Pi Seliapota꞉ Yesu Ketiso pa꞉ta꞉ yama꞉ walena꞉ leekeme. Yesuta꞉ wanda꞉hali make ala꞉ta꞉ ala꞉ta꞉ make paeyaona꞉ Tekehalie.

1 Kotindi 1:17

Ketisoma꞉ I̱ma꞉ wanda꞉hali bapitaisi pealuekema꞉ na tapaeya꞉pate hande Pi Seliapo walonoyeke tapaeya꞉me. Kutupa mo hande a꞉ka꞉tei wape piki tina꞉ Ketiso endiaemeke ekina꞉ pi manu ula꞉ wele pita꞉la꞉ ekita꞉ pa tunkulaama꞉na꞉ I̱ma꞉ta꞉ hande Pi Seliapota꞉ mo kenke haliwekima꞉ hone witeleme tupa꞉ walonoyeke I̱ na tapaeya꞉me.

1 Kotindi 15:47

Titina꞉ A꞉da꞉ma꞉ta꞉ kenke dokoloma꞉ wepia haena꞉ leeke halie. Namba 2 A꞉da꞉ma꞉ta꞉ hepeni nane hao epeeke halie.

1 Kotindi 2:8

Do kenke kilu tombuao haleme haliwekima꞉ta꞉ do hone wotu wita꞉la꞉ ekita꞉ na handemekeme. Handemeka꞉na꞉ yoluta꞉ hande pa̱a̱ piki Tekehalita꞉ mo a꞉ka꞉tei wape piki tina꞉ na endiaalo pimime.

2 Kotindi 4:5

Nikana꞉ma꞉ta꞉ nikina꞉ na waloloma꞉pate pa Yesu Ketisota꞉ Tekehalie laa nikita꞉ waloloma꞉me. Kutupa Yesuna꞉ hone pa꞉la꞉ ekina꞉ ika꞉ pa hameke e pokaasoma꞉ haliwekie laa waloloma꞉me.

Dia꞉mesi 2:1

Ya kametitio. Hande pa̱a̱ pa꞉la꞉ Tekehalita꞉ nika꞉ Tekehali Yesu Ketiso pa꞉ta꞉ hone tulao hata꞉ wanda꞉hali pa꞉ta꞉ honditi na pea꞉pa꞉peke.

Peneme Yaeyekeeki 19:16

Ipika꞉ aka꞉ hokuluna꞉ make ipika꞉ palekena꞉ maketa꞉ biki dupa laeya꞉me. Kini paeyaona꞉ kinie laa Tekehali paeyaona꞉ Tekehalie.