Dioni 3:3 - Panake Pi La: Ula: Buka pita: Kine Pieke Buka

³ Koto pi leeke handa Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali epima꞉ pa panake weki leke na mendia꞉ka꞉na꞉ta꞉ kota꞉ Koda꞉ ipika꞉ Kilu Tombuao Hala꞉eki na handilieke leekeme.

Dioni 3:3 Mawu Ofanana

Ma꞉tiu 16:17

Yesuma꞉ ipiki pa꞉ta꞉ alota꞉ Saimono Dionina꞉ eiyekeo. Nakana꞉ma꞉ta꞉ epeke tupa꞉ hombo peaeme. Pa ekipeke do ota꞉ tikitikina꞉ hombo peae ekita꞉ hali ma꞉nda꞉ma꞉ na la kia꞉pate ya hepeni hala꞉ Apa꞉ma꞉ neke pa꞉ta꞉ tiki tiki kia꞉me.

Ma꞉tiu 19:24

Iki pa꞉ta꞉ paa taa alo handa꞉e. Mo kemolo ma꞉na꞉ma꞉ mo no̱i̱ ka꞉ka꞉na꞉ pa꞉ta꞉ ana꞉na꞉ honda꞉ pamba yopua꞉peke ekina꞉ ka꞉nda꞉ta꞉ pa mo hamoko halima꞉ Koda꞉na꞉ Kilu Tombuao Hala꞉ tukiki pa꞉ta꞉ pua꞉peke ekina꞉ mia꞉peke ka꞉nda꞉ tupa꞉ na milieke alome leekeme.

Ma꞉tiu 21:31

Kutupa koto weki yaapo ma꞉nda꞉ hondoma꞉ta꞉ mo hande atekema꞉ hone piekeeki peayekepe leekeme. Ikana꞉ma꞉ hombo peaaso alota꞉ Ipika꞉ mupeke wekima꞉ homekee. Koto laata꞉ Yesuma꞉ alota꞉ I̱ma꞉ iki pa꞉ta꞉ ota꞉ pi alome. Hande dakisi mu hala꞉ haliweki pita꞉ yolo haleme tapakema꞉ iki mina꞉pa꞉lao ikana꞉ma꞉ amba꞉la oli Koda꞉na꞉ Kilu Tombuao Hala꞉ pa꞉ta꞉ pu halememe.

Ma꞉tiu 5:18

Ota꞉ pi alome. Oli hepeni do kenke yaapo a̱i̱ na paeke pa ula꞉ tomona꞉ta꞉ mo Mosesima꞉ la꞉ wieke pi ula꞉eki wape pea ula꞉ pi homeke siki make o tombo hodikali siki make ma꞉nda꞉ amba꞉la ota꞉ na alu pilieke. Kotoeki na pikita꞉ do kenke ya yaapo paelia꞉ natena꞉ mandake paeyaena꞉ pa wilieke.

Maka 9:47

Naka꞉ lekema꞉ hoke hau puelena꞉ lea꞉ka꞉na꞉ta꞉ naka꞉ leke yoka꞉ mea baapeke leekeme. Leke homeke hata꞉ Koda꞉na꞉ Kilu Tombuao Hala꞉eki pa꞉ta꞉ peka꞉na꞉ta꞉ epelieke. Leke yaapo haeka꞉na꞉ta꞉ mo ti to hala꞉ alena꞉ neke mea lopaeya꞉ka꞉na꞉ta꞉ hoelieke leekeme.

Dioni 1:13

Koto ekina꞉ Koda꞉ma꞉ mo wanda꞉halita꞉ ipika꞉ weki wandiki haena꞉ leekepate kenke halima꞉ mendiaasa꞉ tupa꞉ na mendiaeyekeme. Koda꞉ kone ika꞉ apa꞉ hayekeme.

Dioni 1:5

Mo hande pa̱a̱ peaasa꞉ ekima꞉ta꞉ mo timba꞉ la꞉pa pula꞉ pa꞉ta꞉ pa̱a̱ peaasa꞉pate kone mo hande timba꞉ la꞉la꞉ ekima꞉ta꞉ pa̱a̱ pa꞉la꞉eki na honiao hala꞉me.

Dioni 1:51

Yesuma꞉ iki pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Ikita꞉ hepeni nane lomba꞉pa ula꞉ alena꞉ Koda꞉ ipika꞉ enisolo haliweki mo Wanda꞉halina꞉ Eiyeke pa꞉ta꞉ a꞉pa hata꞉ hola꞉pa꞉niatiki a꞉meiyatiki pilimieki handilimikie leekeme.

Dioni 12:40

Koda꞉ma꞉ ika꞉ leke holu peaota꞉ ika꞉ pukita꞉ taka꞉la꞉pa pua hata꞉ta꞉ toopi leke wina꞉ leekeme. Wanda꞉halima꞉ ika꞉ lekema꞉ handaama꞉na꞉ make ika꞉ puki tooluma꞉ hone wiaama꞉na꞉ pua꞉me. I̱ma꞉ iki wamo peaanoyeke I̱ pa꞉ta꞉ na la꞉ka꞉la haena꞉yeke pua꞉me laa leekeme.

Dioni 3:4

Nikodimasima꞉ alota꞉ Keileke halima꞉ta꞉ ekipa panake weki leke paa mendiliekepe laa Ipika꞉ inkikima꞉ hoto yaapo peao paa mendina꞉ alepe leekeme.

2 Kotindi 4:4

Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

Ka꞉leisia 6:15

Sekemesaisi hau pita꞉ sekemesaisi na pita꞉la꞉ hau yaapota꞉ pa manda hau yaapoe. Ota꞉ hau tieketa꞉ Koda꞉ma꞉ niki panake wanda꞉hali mea haasa꞉eki homeke ota꞉ tumikiekie.

Epesese 2:1

Amba꞉ ikita꞉ pi na opiki hoke hau pimiki ekima꞉ ika꞉ temokomanu homa wimikime.

Taitasi 3:5

ipikana꞉ma꞉ niki pa꞉ta꞉la tamba꞉ miekeme. Pa nikana꞉ma꞉ nika꞉ epeke hau pumeke handa na pieke yekepate pa mo ipika꞉ a꞉ta꞉ma꞉ homeeke ekina꞉ niki tamba꞉ miekeme. Kutu piekeeki manuta꞉ niki panake weki tupa꞉ da꞉ta hamono Koda꞉ma꞉ ipika꞉ Holi Sipitidi pa꞉ta꞉ yama꞉ tanda pa꞉la꞉me.

Dia꞉mesi 3:17

Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.

1 Dioni 2:29

Ketisota꞉ tikitiki pa꞉la꞉me laata꞉ ika꞉ hone wilimime. Kota꞉ ma꞉nda꞉ epi ameda tikitiki piki hau pu haya꞉ka꞉na꞉ta꞉ Koda꞉na꞉ wekiwandikie laata꞉ ika꞉ hone witolo pelememe.

1 Dioni 3:9

Ma꞉nda꞉ epita꞉ Koda꞉na꞉ eiyeke haya꞉ka꞉na꞉ta꞉ kota꞉ hoke hau pa na putia pu hala꞉me. Pa ekipeke Koda꞉na꞉ da꞉ta꞉la꞉eki kone ipiki pa꞉ta꞉ pila꞉me. Kutupa Koda꞉ta꞉ ipika꞉ Apa꞉ yaalo ipikana꞉ma꞉ hoke hau pa putia pua꞉peke na ya꞉la꞉me.

1 Dioni 5:1

Ma꞉nda꞉ epima꞉ Yesuta꞉ Ketisoe laa hone tulaeya꞉ka꞉na꞉ta꞉ ipikita꞉ Koda꞉na꞉ eiyeke hala꞉me. Kutupa ma꞉nda꞉ epima꞉ ateke pa꞉ta꞉ pukima꞉ homea꞉ka꞉na꞉ta꞉ kota꞉ ipika꞉ eiyeke make pukima꞉ homa꞉la꞉me.

1 Dioni 5:18

Nikana꞉ma꞉ mo Koda꞉na꞉ weki wandikima꞉ta꞉ hoke hau pa na pitolo ombu hala꞉me laa hone uluma꞉me. Pa ekipeke mo Koda꞉na꞉ Eiyekema꞉ iki handeteke hala꞉me ekita꞉ mo Hoke Temokoma꞉ iki hoeyaapeke na ya꞉la꞉me.

1 Dioni 5:4

Paa ekipeke Koda꞉na꞉ wekiwandiki paeyaoma꞉ta꞉ do kenke hauta꞉ ota꞉ ana꞉na꞉ bepolapeke ya꞉la꞉me. Kutupa nika꞉ hone tulaaloma꞉ ekima꞉ta꞉ do kenkena꞉ hau bepolatia pu haloma꞉me.

Peneme Yaeyekeeki 3:14

Mo Leiodisia siosina꞉ enisolo pa꞉ta꞉ dupa lae. Do pita꞉ mo hande ipika꞉ biki ma꞉nda꞉ taapo wiaaso hata꞉ Kutu pina꞉taa leleme somema꞉ ala꞉me. Ipikita꞉ kima꞉ na homeke ota꞉ hauna꞉ walo hala꞉ halie. Kutupa make ipikita꞉ mo hande Koda꞉ma꞉ wa꞉pa꞉la꞉ alemanu paeyaona꞉ teke somee.