Dioni 3:16 - Panake Pi La: Ula: Buka pita: Kine Pieke Buka

¹⁶ Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Dioni 3:16 Mawu Ofanana

Kini Pieke 22:12

Koto leeke mo enisoloma꞉ alota꞉ Mo weki na liki ipiki pa꞉ta꞉ hau ma꞉nda꞉ na pia꞉pee. Nakana꞉ma꞉ naka꞉ homeke weki homeketa꞉ na sa꞉sa꞉ pele ekina꞉ ameta꞉ nakana꞉ma꞉ Koda꞉ paala꞉ma꞉ homeka꞉ta꞉me laa hone ulume leekeme.

Kini Pieke 22:2

Koda꞉ma꞉ alota꞉ Mo ota꞉ naka꞉ pukima꞉ homele homeke weki Aisa꞉keta꞉ hatuku mo Motaeya kenke pa꞉ta꞉ pue. Kutupa koto pate I̱ma꞉ walua꞉ potena꞉ naka꞉ weki lia I̱ pa꞉ta꞉ kuelena꞉ loa꞉me leekeme.

Ma꞉tiu 9:13

Hande Baiboloma꞉ alota꞉ Mo hoteke lia hala꞉la꞉ ekita꞉ I̱ma꞉ hone na pa꞉la꞉pate a꞉ta꞉ma꞉ homo hasa꞉ hau homeke hone pa꞉la꞉me la꞉la꞉ pina꞉ tekemanu amba꞉la hone uemena꞉ ikana꞉ma꞉ pua weiya꞉pe. I̱ma꞉ta꞉ epeke hau pu hala꞉ wanda꞉hali hone ma꞉nda꞉ la꞉ka꞉la wina꞉yeke wi loluekema꞉ na epoa꞉pate pa hoke hau pu hala꞉ wanda꞉halima꞉ hone ma꞉nda꞉ la꞉ka꞉la wina꞉yeke wi loluekema꞉ epoa꞉me leekeme.

Maka 12:6

Mo e teke hali yaapota꞉ homeketa꞉ pa hayekeme. Ipika꞉ puki piki weki homeke pa hayekeme. Paeyaaso hata꞉ mo haliweki pa꞉ta꞉ ipika꞉ eiyeke tapaaso hata꞉ alota꞉ Yaka wekina꞉ pi opua homu pea halimikie leekeme.

Luku 2:14

Oli ya manda hala꞉ Koda꞉na꞉ pi lapa꞉peke. Ipikana꞉ma꞉ ta꞉na꞉ma꞉ homolo hata꞉ kenkena꞉ haleme haliwekina꞉ puki lopaala꞉me laa lemekeme.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Dioni 10:28

Iki pa꞉ta꞉ da꞉ta hao hala꞉eki halono ikita꞉ ota꞉ na homilimikie. Kutupa ikita꞉ ya kiki pa꞉ta꞉ haena꞉ hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me.

Dioni 3:15

ipiki pa꞉ta꞉ hone tulao haleme wanda꞉halima꞉ deto hala꞉eki mina꞉yeke haliwekima꞉ ipiki mea a꞉meiyalieke.

Dioni 3:18

Kutupa hali epima꞉ mo hande Weki pa꞉ta꞉ hone tulao haya꞉ka꞉na꞉ta꞉ pi yokaalu pilieeki pa꞉ta꞉ na pelieke. Pate hali epima꞉ hone na tulao haya꞉ka꞉na꞉ta꞉ hande pi yokaalu pilie natena꞉ Koda꞉na꞉ Weki homeke pa꞉ta꞉ hone na tulao hayeke ekina꞉ ipikana꞉ma꞉ wini pea꞉peke na ya꞉la꞉me.

Dioni 3:36

Hali epima꞉ hande Eiyeke pa꞉ta꞉ hone tulao haya꞉ka꞉na꞉ta꞉ kota꞉ koto halima꞉ da꞉ta꞉ hao halo pa꞉la꞉pate hali epima꞉ hande Eiyekena꞉ kakena꞉ na homea꞉ka꞉na꞉ta꞉ deto hala꞉eki na miki haena꞉ Koda꞉ ipika꞉ mineke panka꞉la꞉eki koto hali pa꞉ta꞉ ula꞉me.

Dioni 6:40

Yaka Apa꞉na꞉ hone pa꞉la꞉eki dupae. Eiyeke handaa ipiki pa꞉ta꞉ hone tulaaseme wanda꞉hali paeyaota꞉ deto hala꞉eki mina꞉yeke hone pa꞉la꞉me. Kutupa mo hande paelie dina꞉ make I̱ma꞉ mo wanda꞉hali pa mea tiawaalueke leekeme.

Loma꞉ 5:10

Amba꞉ nikita꞉ Koda꞉ ipika꞉ a꞉nda꞉ tunkuliki wanda꞉hali haoma꞉pate ipika꞉ Eiyekena꞉ homeeke ekima꞉ nikita꞉ ipika꞉ yankekesunu hamono la꞉la꞉me. Ame nikita꞉ Koda꞉ ipika꞉ yankekesunu haloma꞉ ekina꞉ Ketiso ipika꞉ da꞉ta hala꞉ ekima꞉ Koda꞉ma꞉ niki wotu tamba꞉ milieke.

Loma꞉ 5:8

Kutu pulu pa꞉la꞉pate Koda꞉ma꞉ niki pa꞉ta꞉ ipika꞉ pukima꞉ wopu homa꞉la꞉ ekita꞉ peneme yao yaala꞉ ekita꞉ dupa. Nikita꞉ hoke hau pu haloma꞉ wanda꞉hali hamono kone Ketisota꞉ nika꞉eki peaaso hata꞉ homeekeme.

Loma꞉ 8:32

Koda꞉ma꞉ ota꞉ ipika꞉ Eiyeke sa꞉sa꞉ na piki kone niki paeyaona꞉eki peaaso homena꞉ kiekeme. Ipika꞉ Eiyeke niki ka꞉la꞉ ekina꞉ koto tupa꞉ ala꞉ta꞉ ala꞉ta꞉ paeyao make ipikana꞉ma꞉ kiki tindipao na kiliepe. Dia꞉me. Ota꞉ kilieke.

Epesese 2:4

Nikana꞉ma꞉ pi na opu haoma꞉ ekina꞉ nika꞉ temokomanu homa wimikipate kone Koda꞉ma꞉ a꞉ta꞉ma꞉ wopu homolo hata꞉ niki pa꞉ta꞉ pukima꞉ wotu homeeke ekina꞉ Ketiso ame̱le̱ niki mea da꞉taeyekeme. Koda꞉ ipika꞉ pa hameke a꞉ta꞉ma꞉ homeeke ekima꞉ iki mea da꞉taala꞉me.

2 Desalonaika 2:16

Koda꞉ nika꞉ Apa꞉ma꞉ niki pukima꞉ homolo hata꞉ ipika꞉ a꞉ta꞉ma꞉ homa tamba꞉ mina꞉la꞉ ekina꞉yeke mo na paelo pa꞉la꞉ aela꞉ baasa꞉ hau make epeke hone tulaasa꞉ hau make niki kia꞉me.

Taitasi 3:4

Kutu puma꞉pate mo hande nika꞉ da꞉taasa꞉ Koda꞉na꞉ a꞉ta꞉ma꞉ homa꞉la꞉eki make pukima꞉ homa꞉la꞉eki make peneme yaalo epeke pita꞉ma꞉ta꞉

Hibulu 2:9

Pate pa Yesu handoloma꞉me. Ipikana꞉ma꞉ Koda꞉na꞉ a꞉ta꞉ma꞉ homa tamba꞉ mina꞉la꞉eki pa꞉ta꞉ yama꞉ wanda꞉halina꞉ anketeke mea homaena꞉ Koda꞉ma꞉ ipiki enisolo manuna꞉ oto nane hosiki haena꞉ leekeme. Pate ameta꞉ nika꞉na꞉ tanda tieke mea homeeke yekema꞉ koto ekima꞉ta꞉ Koda꞉ma꞉ mo yeiya꞉ laasa꞉eki tieke pita꞉ pa̱a̱ peaasa꞉eki tieke yaapo ipiki pa꞉ta꞉ dopuaeyeke ekita꞉ handoloma꞉me.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

1 Dioni 4:19

Koda꞉ma꞉ta꞉ niki amba꞉la pukima꞉ homeeke handaa nikana꞉ma꞉ make pukima꞉ homo haloma꞉me.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.