Dioni 3:13 - Panake Pi La: Ula: Buka pita: Kine Pieke Buka

¹³ Kutupa hali homeke a꞉nda꞉ oli hepeni nane na pa꞉la꞉pate hande Wanda꞉halina꞉ Eiyeke hepeni nane hao a꞉pa꞉la꞉ hali homekee laa leekeme.

Dioni 3:13 Mawu Ofanana

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Ma꞉tiu 8:20

Yesuma꞉ ipika꞉ pi hombo peaaso alota꞉ Keao hala꞉ kika manuma꞉ kone ika꞉ polu peleme ale ula꞉me. Kutaa ba manuma꞉ make ika꞉ pelia꞉pa꞉peke dakemanu hao hala꞉me. Pate mo Wanda꞉halina꞉ Eiyekema꞉ ipika꞉ you wia pelia꞉peke da panda꞉ ma꞉nda꞉ na ula꞉me.

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Dioni 13:3

Yesuma꞉ta꞉ hande ipika꞉ Atekema꞉ ala꞉ta꞉ ala꞉ta꞉ paeyao ipiki pa꞉ta꞉ haleekeeki make ipikita꞉ Koda꞉ yaapo hao a꞉pa Koda꞉ pa꞉ta꞉ polo piekeeki make hone wiekeme.

Dioni 17:5

Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.

Dioni 3:12

Do kenkena꞉eki I̱ma꞉ walolo ekimanu na opimika꞉na꞉ta꞉ kota꞉ oli hepeni nane pita꞉la꞉ ekimanu waloa꞉ka꞉na꞉ make ekipa opilimikipe.

Dioni 3:31

Oli manda hao a꞉pa꞉la꞉ halita꞉ paeyao pa꞉ta꞉ manda halieke. Kenkena꞉ hao a꞉pa꞉la꞉ halima꞉ta꞉ kenkena꞉ hali hata꞉ kenke pimanu lelieke. Oli manda hepeni nane hao a꞉pa꞉la꞉ halima꞉ta꞉ paeyao manda hata꞉ta꞉

Dioni 6:33

Do hande Koda꞉ma꞉ kita꞉la꞉ palaowata꞉ ipikana꞉ma꞉ hepeni mina꞉pa꞉lao hola꞉pa꞉niao a꞉paata꞉ kenke wanda꞉hali pa꞉ta꞉ da꞉ta꞉la꞉eki hala꞉la꞉me leekeme.

Dioni 6:38

I̱ma꞉ta꞉ oli hepeni nane hao hola꞉pa꞉niao a꞉pa yaka hone pa꞉la꞉eki puluekema꞉ na epeke I̱ tapaala꞉ halina꞉ hone pa꞉la꞉eki puluekema꞉ epolo ekina꞉ loa꞉me.

Dioni 6:42

Koto ekina꞉ mo wanda꞉halima꞉ alota꞉ Do halita꞉ Yesue la Diosepena꞉ eiyeke na hala꞉pe laata꞉ inkiki ateke yaapo amba꞉ handoloma꞉me. Ekipeke I̱ta꞉ oli hepeni nane hao hola꞉pa꞉niao epoa꞉me ala꞉pe lemekeme.

Dioni 6:46

I̱ma꞉ do alo ekina꞉ aloma꞉ hali homeke ma꞉nda꞉ma꞉ hande Apa꞉ ota꞉ na handa꞉la꞉me. Koda꞉ yaapo hao do a꞉pa hala꞉ halima꞉ homeke handa꞉la꞉me.

Dioni 6:51

Oli hepeni nane hao hola꞉pa꞉niao a꞉pa꞉la꞉ da꞉ta꞉la꞉ palaowata꞉ I̱e leekeme. Hali epima꞉ do palaowa nea꞉ka꞉na꞉ta꞉ da꞉ta hao halieke. Kutupa mo hali pa꞉ta꞉ I̱ma꞉ halo polo palaowata꞉ yaka loke mindiki kone halueke. Kenke wanda꞉hali paeyaoma꞉ da꞉ta꞉la꞉eki mina꞉yeke yaka loke mindiki halueke leekeme.

Dioni 6:62

Wanda꞉halina꞉ Eiyeketa꞉ amba꞉ hao epea꞉ nane paa la꞉ka꞉la polo pa꞉la꞉eki handemeka꞉na꞉ta꞉ eki piliepe.

Dioni 8:42

Yesuma꞉ iki pa꞉ta꞉ alota꞉ Koda꞉ta꞉ ika꞉ Apa꞉ haya꞉ka꞉na꞉ yoluta꞉ I̱ pa꞉ta꞉ pukima꞉ homolo pimime. I̱ta꞉ Koda꞉ pa꞉ta꞉ hao a꞉pa ame do halo ekina꞉ loa꞉me. Ya hone wia na epeke ipikana꞉ma꞉ I̱ tapaeyeke a꞉pa halo ekina꞉ loa꞉me.

Aposolo 2:34

Deipidima꞉ta꞉ oli ya nane na a꞉meiyekepate pa ipikana꞉ma꞉ alota꞉ Mo Tekehalima꞉ yaka Tekehali pa꞉ta꞉ alota꞉

Aposolo 20:28

Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.

Loma꞉ 10:6

Koto la꞉la꞉pate hande Koda꞉ pa꞉ta꞉ hone tulao hata꞉ ipiki yaapo tikitiki yao haluekema꞉ pita꞉la꞉eki pa꞉ta꞉ mo Baibolo bukana꞉ wape pa꞉la꞉ ekita꞉ dupae. Nakana꞉ma꞉ naka꞉ kone dupa lota꞉ na pea꞉peke. Oli hepeni naneta꞉ epi a꞉meiliepe laa lea꞉ka꞉na꞉ta꞉ kota꞉ mo Ketiso niki pa꞉ta꞉ hola꞉pa꞉niao epena꞉yeke honke lolo a꞉meilu pele ekina꞉ loa꞉me.

1 Kotindi 15:47

Titina꞉ A꞉da꞉ma꞉ta꞉ kenke dokoloma꞉ wepia haena꞉ leeke halie. Namba 2 A꞉da꞉ma꞉ta꞉ hepeni nane hao epeeke halie.

Epesese 1:23

Hande siosita꞉ Ketiso ipika꞉ loke haloma꞉me. Ketisoma꞉ta꞉ ala꞉ta꞉ ala꞉ta꞉ paeyao tukiki pa꞉ta꞉ pita꞉ tumba ula꞉me. Kutupa siosi wanda꞉hali tukiki pa꞉ta꞉ pita꞉ta꞉ tumba pila꞉me.