Dioni 3:10 - Panake Pi La: Ula: Buka pita: Kine Pieke Buka

¹⁰ Yesuma꞉ ipika꞉ pi hombo peaaso alota꞉ Neketa꞉ do Isulai wanda꞉halina꞉ wala꞉la꞉ hali tieke ma꞉nda꞉ halepate do aloeki manuta꞉ hone na wiaalepe.

Dioni 3:10 Mawu Ofanana

Ma꞉tiu 11:25

Koto toma꞉na꞉ Yesuma꞉ Koda꞉ pa꞉ta꞉ alota꞉ Apa꞉o. Neketa꞉ do kenke oli hepeni yaapona꞉ Tekehalio. Keiyae tieke aloe. Pa ekipeke. Nakana꞉ma꞉ mo hande handa꞉wiki wanda꞉hali pa꞉ta꞉ a꞉mbao wina꞉ le hau manuta꞉ pa mo hone wopu na wiki wanda꞉hali pa꞉ta꞉ peneme yaaleme.

Ma꞉tiu 15:14

Pina꞉ma꞉ hone ma꞉nda꞉ na wia꞉pa꞉pe. Ikita꞉ mo leke holu piki wanda꞉halina꞉ leke holu piki you haliweki halememe. Koto ekina꞉ta꞉ leke holu piki somema꞉ mo leke holupiki some ma꞉nda꞉ hatuku mea pea꞉ka꞉na꞉ta꞉ kota꞉ ipiliki telipuna꞉ hombo pa꞉ta꞉ hopulu paleke mandake lopilipikie leekeme.

Ma꞉tiu 22:29

Yesuma꞉ ika꞉ pi hombo peaaso alota꞉ Ikana꞉ma꞉ pi tieke lo hoeyaasememe. Pa ekipeke. Ikana꞉ma꞉ mo Baibolo bukana꞉ wape pea ula꞉ ekimanu pita꞉ Koda꞉na꞉ wele pu hala꞉ ekimanu yaapo na handelememe.

Luku 2:46

Nate tepo peaota꞉ oli yeni pu haemeke da pa꞉ta꞉ Yesu pitiekeeki handa꞉ wipikime. Yesuta꞉ mo Diu wanda꞉halina꞉ pi walo hayeke haliweki ame̱le̱ pita꞉ ika꞉ pi opitolo hata꞉ make lota꞉ pita꞉la꞉ ekimanu pitolo pitimikime

Luku 5:17

Nate ma꞉nda꞉na꞉ Yesuma꞉ wanda꞉hali pa꞉ta꞉ Koda꞉na꞉ pi walolo haena꞉ta꞉ mandane Pa꞉tisi haliweki make mo Lo Pimanu wala꞉la꞉ haliweki make pitimikime. Koto haliwekita꞉ Ka꞉lili kenke pa꞉ta꞉ hala꞉ daonimanu make Diudia kenke pa꞉ta꞉ hala꞉ daonimanu make mo Diutuseleme teke da pa꞉ta꞉ make a꞉pa pitimikime. Koto natena꞉ta꞉ mo yeni homemeke wanda꞉hali paeyao Yesuma꞉ mea epeaena꞉ mo Tekehali Koda꞉na꞉ weleta꞉ ipiki pa꞉ta꞉ aneke hapu hayekeme.

Dioni 3:9

Kotoeki opua Nikodimasima꞉ lota꞉ pitolo alota꞉ Nakana꞉ma꞉ koto ale ekita꞉ ekipa peaaliepe leekeme.

Aposolo 5:34

ka̱le̱sete hali homeke ma꞉nda꞉ta꞉ Pa꞉tisi hali ipika꞉ bikita꞉ Kamaliele pitiekeme. Ipikana꞉ma꞉ mo hande Lo Pimanu wala꞉la꞉ hali hata꞉ wanda꞉hali paeyaoma꞉ Ipikita꞉ epeke halie laa ipika꞉ pi lao haemekeme. Koto hali ipikana꞉ma꞉ta꞉ mo ka̱le̱sete haliweki momba꞉la pitina꞉ ipiki tiao hata꞉ alota꞉ Mo aposolo haliweki hama꞉ nane hatuku pupe laa

Loma꞉ 2:28

Ota꞉ Diu halita꞉ epipe. Ota꞉ sekemesaisi hau peaala꞉ halita꞉ epipe. Diu hali ma꞉nda꞉ta꞉ pa manda hata꞉ pia꞉ka꞉na꞉ta꞉ kota꞉ kutupiki halita꞉ ota꞉ Diu hali na halieke. Kutupa make sekemesaisi hau pita꞉la꞉ ekita꞉ pa manda lokena꞉ pita꞉la꞉eki dia꞉me.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Kolosi 2:11

Ketiso yaapo tunaaleme ekima꞉ta꞉ ikita꞉ sekemesaisi hau pelememe. Kenke halima꞉ peaasa꞉ sekemesaisi hauna꞉ dia꞉ya꞉la꞉pate pa Ketisoma꞉ peala꞉ sekemesaisi haue. Koto hauta꞉ mo niki tukiki pa꞉ta꞉ ula꞉ hoke hau teke yoko baasa꞉ haue.