Dioni 20:1 - Panake Pi La: Ula: Buka pita: Kine Pieke Buka

¹ Da kelepuluekema꞉ yu pa̱a̱ pitolo haena꞉ Sande kone Ma꞉kadala wanda꞉ Metita꞉ hande hali hoimiki pa꞉ta꞉ puaata꞉ hande naku kake a꞉mbaniao wimiki toopita꞉ paa londolo wiekeeki handeekeme.

Dioni 20:1 Mawu Ofanana

Ma꞉tiu 27:56

Koto wanda꞉weki ame̱le̱ta꞉ hande Ma꞉kadala wanda꞉ Meti make Dia꞉mesi Diosepe yaapona꞉ inkiki Meti make Sepedina꞉ weteke make haemekeme.

Ma꞉tiu 27:60

ipika꞉ panake awa wieke tikene dama꞉ handeke lapa꞉ pa꞉ta꞉ mea pua wiekeme. Koto lapa꞉ data꞉ Diosepema꞉ manda꞉ piki toopi manda tomba꞉la awa wieke ekie. Mo hali toko wina꞉ laata꞉ Diosepema꞉ toopi homeke ma꞉nda꞉ mea pete pete peatiki pua mo toopi ka꞉ka꞉na꞉ a꞉mbaata꞉ peekeme.

Ma꞉tiu 27:64

Koto ekina꞉ta꞉ naka꞉ ami haliwekima꞉ ipika꞉ lapa꞉ta꞉ hoto tepo natena꞉ sembepela handeteke hapa꞉peke laa lae. Do aloma꞉ ekina꞉ teketa꞉ wetepe ipika꞉ disaipolo haliwekima꞉ pua ipika꞉ toko pake mea wanda꞉hali pa꞉ta꞉ alota꞉ Ipikita꞉ da꞉taa tiao pa꞉la꞉me laapa꞉na꞉ yeke aloma꞉me. Do koto tupa꞉ lelimi ya pita꞉ mo hande amba꞉ titina꞉ lea꞉ ya pi ota꞉ lombei pikieki laapa꞉na꞉ aloma꞉me lemekeme.

Ma꞉tiu 27:66

Koto leeketa꞉ ikana꞉ma꞉ Pailedi mina꞉pa꞉lao mo hali lapa꞉ pa꞉ta꞉ pua mo lapa꞉ kake a꞉mbeeke toopi ka꞉ka꞉na꞉ manuta꞉ domama꞉ a꞉mbo hopa꞉liao paeyeketa꞉ mo hande sa꞉sa꞉ pita꞉la꞉ tapakema꞉ handeteke haena꞉ laa pemekeme.

Ma꞉tiu 28:1

Mo Diu wanda꞉halina꞉ hoto pitu haemeke nate (Sa꞉ta꞉de) paeyeketa꞉ mo Sande da siki panake ka꞉la꞉ polo haena꞉ hande Ma꞉kadala wanda꞉ Meti make Meti ma꞉nda꞉ yaapoma꞉ mo hande Yesu hoiyeke lapa꞉ toopi apa꞉nda꞉ handuluekema꞉ mo lapa꞉ teke pa꞉ta꞉ opolo pu alu pitolo haena꞉ta꞉

Ma꞉tiu 28:2

koto kone yu momeni tieke piekeme. Kutu pieke taapuna꞉ta꞉ Tekehali Koda꞉na꞉ enisolo homeke oli hepeni nanema꞉ hola꞉pa꞉niao a꞉pa hata꞉ mo hande apa꞉nda꞉ kake a꞉mbeeke toopi londolo pete pete peaota꞉ mo toopi manda ipiki pitiekeme.

Maka 15:46

Diosepema꞉ epeke hakepiki dau seliapo hambaata꞉ Yesuna꞉ toko honda꞉ mea hande dau te̱liao tonka mea tiaa puaata꞉ toopi ka꞉ka꞉na꞉ pa꞉ta꞉ lapa꞉ piekeme. Toopi homeke ma꞉nda꞉ mea petepete peatiki pua mo toopi ka꞉ka꞉na꞉ a꞉mbeekeme.

Maka 16:9

[Yesuma꞉ta꞉ Sande da panake ka꞉la꞉polo haena꞉ tiaota꞉ titina꞉ amba꞉la mo Ma꞉kadala wanda꞉ Metima꞉ handena꞉yeke peneme yaeyekeme. Mo wanda꞉ta꞉ Yesuma꞉ amba꞉ kone ipika꞉ hoke temoko watake hata꞉ tolu lieke wanda꞉e.

Dioni 11:38

Yesuma꞉ pa puki tetoma꞉ homolo hata꞉ mo lapa꞉ pimiki alena꞉ peekeme. Mo lapa꞉ pimiki ekita꞉ tikene da pa꞉ta꞉ toopima꞉ a꞉mba wimikime.

Dioni 11:41

Kutupa hande toopi pa nane mea wimikime. Yesuma꞉ handa꞉liao hata꞉ alota꞉ Apa꞉o. Nakana꞉ma꞉ yaka pi opu hale ekina꞉ neke pa꞉ta꞉ keiyae pi alome.

Dioni 19:25

Mo Yesu ipika꞉ a꞉ka꞉tei wapepiki ti teke pa꞉ta꞉ta꞉ ipika꞉ inkiki make inkikina꞉ hakepiki make Keliopasina꞉ wanda꞉ Meti kutupa mo Ma꞉kadala wanda꞉ Meti make paeyao koto pambo haemekeme.

Dioni 20:26

Kutupa pula homeke paeyeketa꞉ hande disaipolo haliweki Tomasi ame̱le̱ mo da tukiki pa꞉ta꞉ pa momba꞉la haemekeme. Mo pota꞉manu loka꞉ hao haemekepate Yesu a꞉paata꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopao pita꞉pe laata꞉

Aposolo 20:7

Mo Sande natena꞉ nikita꞉ palaowa pindi pindi puluekema꞉ momba꞉la hamono Poloma꞉ mo wanda꞉hali pa꞉ta꞉ pi walea꞉me. Ipikana꞉ma꞉ da ka꞉la꞉paaso polueke hone wiaata꞉ timba buta꞉hokina꞉ make pi ombu walea꞉me.

1 Kotindi 16:2

Sande paeyaona꞉ iki paeyaona꞉ homeke homeke lo amba꞉ pulana꞉ melemeeki dimina handaata꞉ ana꞉na꞉ putupa pa mandaneeki ika꞉ da pa꞉ta꞉ wia꞉tiki pu hapa꞉peke. Koto ekina꞉ wetepena꞉ I̱ epoa꞉ka꞉na꞉ta꞉ ikana꞉ma꞉ mani weiyaama꞉na꞉ yeke loa꞉me.

Peneme Yaeyekeeki 1:10

Mo Tekehalina꞉ natena꞉ta꞉ hande Sipitidima꞉ I̱ handeteke hata꞉ e pokea꞉me. Kutupa bu kanakena꞉ e̱ma꞉ handeke pi ho̱la̱꞉make tiekema꞉ yaka hoki nane pi lea꞉eki opua꞉me.