Dioni 2:4 - Panake Pi La: Ula: Buka pita: Kine Pieke Buka

⁴ Kutupa Yesuma꞉ ipika꞉ ama꞉ pa꞉ta꞉ alota꞉ Wanda꞉o. Ya pulu poloeki nakana꞉ma꞉ dupi dupi laa I̱ pa꞉ta꞉ na lelipikie laata꞉ Ya nateta꞉ a̱i̱ na ipula꞉me leekeme.

Dioni 2:4 Mawu Ofanana

Ma꞉tiu 15:28

Koto leeke Yesuma꞉ hombo peaaso alota꞉ Neketa꞉ hone wopu tulaasa꞉ wanda꞉ ya꞉ka꞉ta꞉me. Koto ekina꞉ta꞉ naka꞉ hone pa꞉la꞉ hauta꞉ ota꞉ pealueke leekeme. Yesuma꞉ koto alo haena꞉ kone mo wanda꞉na꞉ waneketa꞉ paa epeke tupa꞉ tiao hayekeme.

Ma꞉tiu 8:29

Koto hali yaapoma꞉ Yesu handolo hata꞉ koto kone wi la alota꞉ Koda꞉na꞉ Eiyekeo. Niki pa꞉ta꞉ eki hau puluekema꞉ ipulipe laa Mo hande niki hoeyaalo pa꞉la꞉ nate a̱i̱ na epeke haena꞉ niki hoeyaaluekema꞉ a꞉pa pipe lemekeme.

Luku 2:49

Yesuma꞉ inkikina꞉ pi hombo peaaso alota꞉ Ekipeke ipilikana꞉ma꞉ I̱ weiya꞉ mea pomua pelepepe. I̱ta꞉ yaka Apa꞉na꞉ da pa꞉ta꞉ pitoloeki ipilikana꞉ma꞉ta꞉ hone na wipipa꞉ laa loa꞉me leekeme.

Dioni 12:23

Yesuma꞉ ipilika꞉ pi hombo peaaso alota꞉ Wanda꞉halina꞉ Eiyekema꞉ mo pa̱a̱ piki kapu tieke mulu pa꞉la꞉ di ame ipula꞉me.

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 2:3

Mo hande waini ikali no paeyao ma꞉nda꞉ na pitieketa꞉ Yesuna꞉ inkikima꞉ ipika꞉ weki Yesu pa꞉ta꞉ alota꞉ Hande waini ikali no paeyao ma꞉nda꞉ na pila꞉me leekeme.

Dioni 20:13

Ipilikana꞉ma꞉ Meti pa꞉ta꞉ alota꞉ Wanda꞉o. Ekipeke e̱ alepe lepekeme. Ipikana꞉ma꞉ ipiliki pa꞉ta꞉ alota꞉ Ikana꞉ma꞉ yaka Tekehali mea pua wilimi pa꞉ta꞉ make I̱ na handolome leekeme.

Dioni 20:15

Yesuma꞉ ipiki pa꞉ta꞉ alota꞉ Wanda꞉o. Ekipeke e̱ alepe. Epi weitolo alepe leekeme. Mo wanda꞉na꞉ hone wieke ekita꞉ mo e handeteke hayeke hali patema꞉ ipiki pa꞉ta꞉ alota꞉ Aneke halio. Nakana꞉ma꞉ ipiki mea pua wika꞉na꞉ta꞉ kota꞉ koto wili alena꞉ I̱ pa꞉ta꞉ la kie. Kutu pika꞉na꞉ta꞉ I̱ma꞉ mulu polueke leekeme.

Dioni 7:30

Koto leeketa꞉ ipiki da꞉ka꞉pa꞉ minuluekema꞉ pimikipate ipika꞉ nate a̱i̱ dia꞉yeke handaa hali ma꞉nda꞉ma꞉ ipiki na miniekeme. Wanda꞉hali wopuma꞉ ipiki pa꞉ta꞉ hone tulaaso hata꞉ alota꞉

Dioni 7:6

Yesuma꞉ mo haliweki pa꞉ta꞉ alota꞉ Yaka nate a̱i̱ na a꞉pa꞉la꞉me laata꞉ ika꞉ ekita꞉ amba꞉ a꞉pa꞉la꞉me.

Dioni 7:8

Ikita꞉ hande ne pambolo pa꞉la꞉ ekina꞉ pua꞉pa꞉peke. I̱ta꞉ yaka nate a̱i̱ na a꞉pa꞉la꞉ ekina꞉ na polueke leekeme.

Dioni 8:20

Koto leeke pi manuta꞉ Yesuma꞉ta꞉ pi walolo mo mani wimiki tembolo da panda꞉ pa꞉ta꞉ hata꞉ leekeme. Kutupa ipika꞉ nate a̱i̱ dia꞉yeke handaa hali ma꞉nda꞉ma꞉ ipiki na da꞉ka꞉pa꞉ miniekeme.

2 Kotindi 5:16

Koto ekina꞉ta꞉ ameta꞉ ma꞉nda꞉na꞉ manda hauna꞉ dupiki somee dupiki somee pi na aloma꞉me. Kenke hali tupa꞉ mo nate ma꞉nda꞉na꞉ Ketisota꞉ dupiki somee o mukutu piki somee loma꞉ ekita꞉ ameta꞉ kotoeki ota꞉ pa na aloma꞉me.