Dioni 2:2 - Panake Pi La: Ula: Buka pita: Kine Pieke Buka

² Yesu ipika꞉ disaipolo haliweki ame̱le̱ tonka꞉na꞉ mo wanda꞉ hapieke alena꞉ ipupe laa wi leekeme.

Dioni 2:2 Mawu Ofanana

Ma꞉tiu 12:19

Ipikana꞉ma꞉ ma꞉nda꞉ lu tombualuekema꞉ mineke pi make o lu tombuake pi na lelieke. Kutupa mo pota꞉ ka꞉pa nina꞉ hata꞉ make pi tiekemanu na lelieke.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

Ma꞉tiu 25:45

kota꞉ ika꞉ pita꞉ mo Kini Halima꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ do biki na wiki kame homeke ma꞉nda꞉ siki tamba꞉ muluekema꞉ kiaemeketa꞉ kota꞉ I̱ kone tamba꞉ na miki kiaememe laa lelieke.

Dioni 2:12

Kutu pieke hoki naneta꞉ Yesu make ipika꞉ inkiki make ipika꞉ hameketiti make ipika꞉ disaipolo haliweki tonka꞉na꞉ paeyao Kapeneami da pa꞉ta꞉ pua hoto mandane ekimanu koto pa꞉ta꞉ haemekeme.

Dioni 2:17

Ipika꞉ disaipolo haliwekima꞉ mo Baibolo bukana꞉ wape pa꞉la꞉eki hone wimikime dupae. Koda꞉o. Naka꞉ da epeaalo polo hone witolo ekita꞉ I̱ta꞉ titipu wopu polome wape pa꞉la꞉me.

Dioni 2:22

Koto ekina꞉ Yesu homeeke Koda꞉ma꞉ pa mea tiaeyeke natena꞉ ipika꞉ disaipolo haliwekima꞉ do leeke pi hone wimikime. Kutupa mo Baibolo bukana꞉ wape pa꞉la꞉eki make Yesuma꞉ leeke pimanu make hone tulaemekeme.

Dioni 2:3

Mo hande waini ikali no paeyao ma꞉nda꞉ na pitieketa꞉ Yesuna꞉ inkikima꞉ ipika꞉ weki Yesu pa꞉ta꞉ alota꞉ Hande waini ikali no paeyao ma꞉nda꞉ na pila꞉me leekeme.

Dioni 3:22

Koto hoki naneta꞉ Yesu ipika꞉ disaipolo haliweki ame̱le̱ mo Diudia nane pua koto pa꞉ta꞉ hata꞉ wanda꞉hali bapitaisi peatiki pimikime.

Dioni 4:2

Koto la꞉niaeyekepate Yesu ipikana꞉ma꞉ bapitaisi na peaake ipika꞉ disaipolo haliwekima꞉ homeke bapitaisi peatiki pimikime.

Dioni 4:33

Koto leekeeki opuaata꞉ mo disaipolo haliwekima꞉ ika꞉ kone ane la꞉ mone la꞉ pitolo alota꞉ Ma꞉nda꞉ma꞉ ipika꞉ ne mea a꞉pao halea꞉pe lemekeme.

Dioni 4:8

Ipika꞉ disaipolo haliwekima꞉ mo daoni pa꞉ta꞉ ne hambolo pena꞉ pita꞉ leekeme.

Dioni 6:12

Wanda꞉hali paeyao ne naa weleke hao pitina꞉ Yesuma꞉ ipika꞉ disaipolo haliweki pa꞉ta꞉ alota꞉ Mo hande ne putupilikimanu minolota꞉ popusunu kone na wina꞉ lapa꞉peke leekeme.

Dioni 6:16

Welealo naneta꞉ Yesu ipika꞉ disaipolo haliwekita꞉ oni tunkula꞉pa pitieke ikali kendo pa꞉ta꞉ hola꞉pa꞉niaota꞉

Dioni 6:60

Ipika꞉ disaipolo haliweki wopuma꞉ koto leekeeki opua alota꞉ Do pita꞉ ka꞉nda꞉ wopu piki pie. Epi amedama꞉ opua꞉peke ya꞉la꞉pe lemekeme.

Dioni 6:66

Koto leeke handaa Yesu ipika꞉ hoki nane telimiki haliweki wopuma꞉ Yesu kiao mina꞉pa꞉lao ipiki ame̱le̱ paa na pomu haemekeme.

Dioni 6:67

Koto ekina꞉ Yesuma꞉ hande 12 disaipolo haliweki pa꞉ta꞉ alota꞉ Ikana꞉ma꞉ make I̱ kiao pelimikipe.

Dioni 6:70

Yesuma꞉ ika꞉ pi hombo peaaso alota꞉ Iki 12 haliwekita꞉ I̱ma꞉ na talopu mea hamina꞉ loeke yekea. Kutu pua꞉pate iki ame̱le̱ hala꞉ hali homeketa꞉ hoke temoko hala꞉me leekeme.

Dioni 6:71

Koto leeke ekita꞉ ipikana꞉ma꞉ mo Isekatioti hali Saimonona꞉ eiyeke Diudasi pa꞉ta꞉ leekeme. Ipikita꞉ hande 12 haliweki ame̱le̱ haemeke hali kone wetepeta꞉ Yesu lina꞉yeke a꞉nda꞉ lombeekeme.

Dioni 6:8

Ipika꞉ disaipolo hali ma꞉nda꞉ta꞉ Saimono Pidana꞉ hameke A꞉ndutuma꞉ alota꞉

Dioni 7:3

Koto ekina꞉ Yesuna꞉ hameke titima꞉ ipiki pa꞉ta꞉ alota꞉ Naka꞉ disaipolo haliwekima꞉ naka꞉ pitele ekimanu handena꞉yeke do pa꞉ta꞉ mina꞉pa꞉lao Diudia nane pua꞉peke.

Aposolo 11:26

Kutupa handa꞉ wiata꞉ mo A꞉ndioko da pa꞉ta꞉ hatuku epeekeme. Bapi homeke koto pa꞉ta꞉ hata꞉ mo siosi tapake ame̱le̱ pi hotu haota꞉ wanda꞉hali wopu pi walo haepekeme. Koto da pa꞉ta꞉ pi mimiki wanda꞉hali ikita꞉ mo Ketiso wanda꞉halie laa mo koto bikita꞉ koto da pa꞉ta꞉ kini pu mimikime.

Aposolo 11:29

Kutupa mo disaipolo wanda꞉halima꞉ hone wia alota꞉ Nika꞉ Diudia nane haleme kametiti tamba꞉ mumana꞉ paeyaoma꞉ ana꞉na꞉ halomana꞉e lemekeme.

1 Kotindi 10:31

Pate ikana꞉ma꞉ ika꞉ hau paeyao piteleme ekima꞉ make mo ne ikali naleme ekima꞉ make mo Koda꞉na꞉ biki daeyaena꞉ loluekema꞉ hau paeyao pea꞉pa꞉peke.

1 Kotindi 7:39

Kutupa mo halina꞉ da pa꞉la꞉ wanda꞉ma꞉ta꞉ ipika꞉ haliki paa haya꞉ka꞉na꞉ta꞉ kota꞉ ipika꞉ haliki pa꞉ta꞉ hapeke ya꞉la꞉me. Koto pa꞉la꞉pate ipika꞉ haliki homea꞉ka꞉na꞉ta꞉ kota꞉ ipika꞉ hone pa꞉la꞉ halina꞉ da pa꞉ta꞉ pua꞉peke ya꞉la꞉pate pa ota꞉ Ketiso halina꞉ da pea꞉ka꞉na꞉ta꞉ ana꞉ pilieke.

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.

Hibulu 13:4

Wanda꞉ hapua mina꞉la꞉ hauta꞉ ota꞉ a꞉pa꞉la꞉ hauma꞉ pa꞉la꞉ma꞉ hone wopu wia handeteke hapa꞉peke. Tooli haepeka꞉na꞉ta꞉ kota꞉ ipilika꞉ loke homeke hone ualu pea hapa꞉peke. Mo suseke haasa꞉ hau pu make tooli hoeyaaso pake nala꞉ hau pu haleme wanda꞉halita꞉ Koda꞉ma꞉ pi yokaalu pilieke.

Peneme Yaeyekeeki 3:20

Opua꞉pe. I̱ta꞉ pota꞉ kake pa꞉ta꞉ hata꞉ kili kili lao halome. Ma꞉nda꞉ epima꞉ yaka pi ho̱la̱꞉make opua pota꞉ lombea꞉ka꞉na꞉ta꞉ I̱ta꞉ ipika꞉ da pa꞉ta꞉ a꞉pa ipiki yaapo ne nolueke. Kutupa ipikana꞉ma꞉ make I̱ yaapo ne nelieke.