Dioni 2:11 - Panake Pi La: Ula: Buka pita: Kine Pieke Buka

¹¹ Yesuma꞉ta꞉ mo Ka꞉lili nane hayeke da Keina da pa꞉ta꞉ hata꞉ ipika꞉ wele piekeeki koto pa꞉ta꞉ amba꞉la piekeme. Koto pa꞉ta꞉ hata꞉ ipikana꞉ma꞉ ipika꞉ kapu tieke hala꞉eki peneme yao waleeke handaa ipika꞉ disaipolo haliwekima꞉ ipiki pa꞉ta꞉ hone tulaemekeme.

Dioni 2:11 Mawu Ofanana

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Dioni 1:43

Da kelepeeketa꞉ Yesuta꞉ Ka꞉lili nane polueke hone wiekeme. Ipikana꞉ma꞉ Pilipi handa꞉ wia ipiki pa꞉ta꞉ alota꞉ Dika꞉ pana꞉ epoe leekeme.

Dioni 1:50

Yesuma꞉ alota꞉ I̱ma꞉ neketa꞉ nose ti teke pa꞉ta꞉ pitieki handoa꞉me loa꞉ ekina꞉ hone tulaaso alepe laa kutupiki hausunu ankulalo peleme hau tieke tiekemanu pulu pa꞉la꞉eki handilipikie leekeme.

Dioni 10:41

Wanda꞉hali wopuma꞉ ipiki pa꞉ta꞉ pua mombolo hata꞉ alota꞉ Dionima꞉ wele wotu pita꞉la꞉eki wopu na piekepate ipikana꞉ma꞉ do hali pa꞉ta꞉ leeke pi paeyao amba꞉ yaala꞉me lemekeme.

Dioni 11:15

Koto pa꞉la꞉pate ikana꞉ma꞉ hone tulao hamina꞉yeke iki pa꞉ta꞉ hone witolo hata꞉ ipiki yaapo na haowa꞉ ekima꞉ ta꞉na꞉ma꞉ homolome laa ipiki pa꞉ta꞉ pomana꞉e leekeme.

Dioni 11:47

Koto ekina꞉ mo Pa꞉tisi haliweki make mo yeni peao haemeke you haliweki make mo Ka̱le̱sete tapake ame̱le̱ momba꞉lalo hata꞉ alota꞉ Nikana꞉ma꞉ta꞉ eki pumana꞉pe. Do hande halima꞉ wele wotu pa꞉la꞉ ekimanu pita꞉la꞉me.

Dioni 12:18

Koto wele wopu pieke ekina꞉ wanda꞉hali paeyaoma꞉ opuata꞉ Yesu manda꞉hande pulu pemekeme.

Dioni 12:37

Ipikana꞉ma꞉ta꞉ wanda꞉halina꞉ leke popelekena꞉ hata꞉ kone wele wotu pieke ekimanu mo wanda꞉halima꞉ handaa kone ipiki pa꞉ta꞉ hone na tulaemekeme.

Dioni 12:41

Koto leeke pita꞉ Aisayama꞉ta꞉ Yesuma꞉ ipika꞉ pa̱a̱ tieke mea hayekeeki handeeke ekina꞉ Yesu pa꞉ta꞉ mulu pa꞉la꞉eki hone witolo hata꞉ leekeme.

Dioni 14:13

Kutupa ala꞉ta꞉ ma꞉nda꞉ yaka bikima꞉ honke alo hata꞉ lemeka꞉na꞉ta꞉ hande Atekema꞉ hande Eiyeke pa꞉ta꞉ yama꞉ pa̱a̱ peaena꞉yeke I̱ma꞉ peaalueke leekeme.

Dioni 16:27

Pa ekipeke yaka Apa꞉ma꞉ kone iki pa꞉ta꞉ pukima꞉ homa꞉la꞉ ekina꞉ loa꞉me. Ikana꞉ma꞉ I̱ pa꞉ta꞉ pukima꞉ homa I̱ta꞉ Koda꞉ yaapo hao epoloeki opimiki handaa pita꞉la꞉me.

Dioni 16:30

ameta꞉ nikana꞉ma꞉ handoloma꞉me laa hali ma꞉nda꞉ma꞉ neke pa꞉ta꞉ amba꞉la lota꞉ pina꞉yeke na handeteke haleme. Nakana꞉ma꞉ hau paeyao handeleme. Koto pa꞉la꞉ ekina꞉ neketa꞉ Koda꞉ yaapo hao epele ekita꞉ opoloma꞉me.

Dioni 2:1

Nate yaapo paeyeketa꞉ mo Ka꞉lili nane hayeke da Keina da pa꞉ta꞉ta꞉ hali homekema꞉ wanda꞉ miekeme. Kutupa Yesuna꞉ inkiki make koto pa꞉ta꞉ hayekeme.

Dioni 2:23

Mo hande Lombei Pupa Yapeeke ne pambemeke dina꞉ta꞉ Yesuma꞉ mo Diutuseleme da pa꞉ta꞉ hata꞉ ipikana꞉ma꞉ wele wotu pieke ekimanu wanda꞉hali wopuma꞉ handaata꞉ ipiki pa꞉ta꞉ hone tulaemekepate

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Dioni 4:3

Koto la꞉niaeyeke pita꞉ Yesuma꞉ make opuaata꞉ mo hande Diudia nane mina꞉pa꞉lao mo Ka꞉lili nane peekeme.

Dioni 4:46

Kutupa Yesuta꞉ mo Ka꞉lili nane hayeke da Keina pa꞉ta꞉ opolo peekeme. Amba꞉ta꞉ koto da pa꞉ta꞉ hata꞉ Yesuma꞉ ota꞉ ikali kone waini ikali pitina꞉ leekeme. Koto da pa꞉ta꞉ta꞉ kapomani hali homeke hayekepate ipika꞉ wekita꞉ Kapeneami da pa꞉ta꞉ yeni hayekeme.

Dioni 4:54

Yesuta꞉ Diudia nane mina꞉pa꞉lao Ka꞉lili nane pua hayeke pita꞉ta꞉ do wele wopu pieke ekita꞉ hoto yaapo peaoeki piekeme.

Dioni 5:23

Koto ekina꞉yeke wanda꞉hali paeyaoma꞉ Apa꞉na꞉ pi laaseme tupa꞉ Eiyekena꞉ pi make koto tupa꞉ kone laena꞉yeke la꞉la꞉me. Hali epima꞉ Eiyekena꞉ pi na laeya꞉ka꞉na꞉ta꞉ kota꞉ ipiki tapaala꞉ Apa꞉na꞉ pi kone na laasa꞉me leekeme.

Dioni 6:14

Mo wanda꞉halima꞉ta꞉ Yesuma꞉ koto pa꞉ta꞉ wele wopu piekeeki hando hao alota꞉ Do halita꞉ hande kenkena꞉ epolo pa꞉la꞉ ota꞉ Potopede hali ya꞉ka꞉ta꞉me lemekeme.

Dioni 6:2

Wanda꞉hali paeyaoma꞉ta꞉ Yesuma꞉ mo yeni haemeke wanda꞉halina꞉ yeni tandeleaaso hata꞉ wele wopu pieke ekimanu handemeke ekina꞉ Yesu telia꞉ mea pemekeme.

Dioni 6:26

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Hande wele pita꞉la꞉eki pua꞉eki handeme ekina꞉ I̱ weiya mea na epeke hande palaowa naa weleke haemeke ekina꞉ hone witolo hata꞉ I̱ weiya mea ipulimime.

Dioni 6:30

Mo wanda꞉halima꞉ ipika꞉ pi hombo peaaso alota꞉ Nikana꞉ma꞉ neke pa꞉ta꞉ hone tulamonoyeke eki wele pita꞉la꞉eki ma꞉nda꞉ nikana꞉ma꞉ handomono pilipikipe lemekeme.

Dioni 7:31

Hande Ketiso epea꞉ka꞉na꞉ta꞉ do halina꞉ wele pita꞉la꞉ ekimanu ankulaliepe lemekeme.

Dioni 9:16

Mandane Pa꞉tisi haliwekima꞉ alota꞉ Do hau pa꞉la꞉ halita꞉ mo Hoto Pila꞉ Natena꞉ pi ula꞉eki yamba꞉la꞉la꞉ ekina꞉ ipikita꞉ Koda꞉ma꞉ na tapaala꞉me lemekepate mandane haliwekima꞉ alota꞉ Dupiki wele pita꞉la꞉ ekita꞉ hoke hau pa꞉la꞉ halima꞉ ekipa piliepe la lemekeme. Koto ekina꞉ ika꞉ kone putupaalu pea pi ta꞉ta꞉ ta꞉ta꞉ lemekeme.

2 Kotindi 3:18

Kota꞉ niki paeyaota꞉ mo Tekehalina꞉ pa̱a̱ta꞉ na a꞉mbake nika꞉ leke popelekema꞉ta꞉ ipika꞉ pa̱a̱na꞉ su̱a̱ su̱a̱ waloma꞉me. Kutupa koto homeke pa̱a̱ma꞉ kone Tekehali hande Sipitidi pa꞉ta꞉ yama꞉ ipula꞉ ekima꞉ta꞉ nikita꞉ mo hoto paeyao pa daeya꞉tiki pu hala꞉ pa̱a̱ tieke pa꞉ta꞉ ipikima꞉ handomono topo peao hala꞉me.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

1 Dioni 5:13

I̱ma꞉ iki pa꞉ta꞉ do laaso ekita꞉ mo da꞉ta꞉la꞉eki ikana꞉ma꞉ amba꞉ melememe laa hone uemena꞉yeke pitolome. Koto mo Koda꞉na꞉ Eiyeke pa꞉ta꞉ hone tulaaseme wanda꞉hali iki pa꞉ta꞉ loa꞉me