Dioni 2:10 - Panake Pi La: Ula: Buka pita: Kine Pieke Buka

¹⁰ ipiki pa꞉ta꞉ alota꞉ Haliweki paeyaoma꞉ waini ikali ota꞉ epekeeki amba꞉la hale hale pea kutupa mo ne nolo epo laa epemeke wanda꞉halima꞉ waini ikali wopu nemeke hoki naneta꞉ mo hosiki metoko piki waini ikali hale hale pilieke. Pate nakana꞉ma꞉ mo ota꞉ epeke waini ikalita꞉ hosiki sa꞉sa꞉ pea wia hao ame kone hale hale pina꞉ aleme leekeme.

Dioni 2:10 Mawu Ofanana

Kini Pieke 43:34

Mo neta꞉ Diosepena꞉ teipolona꞉ pana꞉ piekeme. Kutupa Benisaminita꞉ mo hameke tonuna꞉eki make ankulao haka꞉ta꞉pao mo ipika꞉ ne yunki peao mulu pieke tupa꞉ haleekeme. Koto ekina꞉ mo tapaketa꞉ Diosepe ame̱le̱ ne ikali no opu hao keaemekeme.

Ma꞉tiu 24:49

ipika꞉ e mandake pokaaseme haliweki lu yombua꞉tiki pu make hoke ikali nemeke tapake ame̱le̱ apa꞉tao ne ikali naa kea꞉tiki pu haya꞉ka꞉na꞉ta꞉

Luku 12:45

Kutu pulu pa꞉la꞉pate mo e pokaasa꞉ halima꞉ta꞉ ipika꞉ kone alota꞉ Yaka you someta꞉ di hokulu hokulu pitolo hata꞉ a̱i̱ na ipula꞉me laa mo mandane e pokaasa꞉ wanda꞉ pita꞉ hali yaapo kini pea hali lu yombitolo hata꞉ ikali ne nalo keaaso hata꞉

Luku 16:25

Koto leekepate Eipoloha꞉ma꞉ma꞉ alota꞉ Ya wekio. Hone niminae. Neketa꞉ hande kenkena꞉ hae natena꞉ta꞉ kota꞉ epeke alemanu wotu wia haepate La꞉satesita꞉ ota꞉ hoke alemanu homeke mia꞉me. Kutu piekepate ameta꞉ ipikita꞉ ta꞉na꞉ma꞉ homo haena꞉ta꞉ neketa꞉ tanda naleme.

Aposolo 2:15

Mandane haliweki ika꞉ honema꞉ta꞉ do haliwekita꞉ hoke ikali naa keaaso pitelememe alemepate dia꞉me. Ameta꞉ pa 9 okoloko nate minolo haena꞉ kone haloma꞉me.

1 Kotindi 11:21

Do ekina꞉yeke loa꞉me. Iki homeke homeke loma꞉ ika꞉ ne kone a̱i̱ nolueke laa pitolo hamina꞉ kone mo some homeke ma꞉nda꞉ tea꞉ma꞉ homa haena꞉ laata꞉ ma꞉nda꞉ma꞉ta꞉ hoke ikali naa keaasa꞉me.

Epesese 5:18

Kutupa hoke ikali naa keaasa꞉ ekima꞉ iki hoeyaapa꞉na꞉ kotoeki na piki Koda꞉na꞉ Holi Sipitidima꞉ iki tumbaatiki pita꞉la꞉eki muemena꞉ ota꞉ pea꞉pa꞉peke.

1 Desalonaika 5:7

Timbata꞉ wanda꞉halina꞉ u̱ pelieleme die. Kutupa timba kone wanda꞉halima꞉ hoke ikali naa keaaseme die.

Peneme Yaeyekeeki 17:2

Do kenkena꞉ hala꞉ kini manuma꞉ta꞉ mo wanda꞉ ame̱le̱ hoke loke hoeyaasa꞉ hau pu ombu haememe. Kutupa mo kenke wanda꞉halima꞉ta꞉ ipika꞉ loke hoeyaasa꞉ hau manuna꞉ waini ikali naa keaememe lea꞉me.

Peneme Yaeyekeeki 17:6

Kutupa mo wanda꞉ta꞉ Koda꞉na꞉ wanda꞉halina꞉ make Yesu pa꞉ta꞉ hone tulaa pelia haemeke handa limiki wanda꞉halina꞉ we na̱a̱ keaya꞉eki handoa꞉me. I̱ma꞉ moeki hando haota꞉ ota꞉ hoke tupa꞉ penkilipa꞉tia pomua꞉me.