Dioni 19:9 - Panake Pi La: Ula: Buka pita: Kine Pieke Buka

⁹ mo da tieke pa꞉ta꞉ paa honda꞉ pamba pua Yesu pa꞉ta꞉ alota꞉ Neketa꞉ hanema꞉ a꞉pa pipe leekepate pa ipika꞉ pi Yesuma꞉ na yoka꞉ mea haleekeme.

Dioni 19:9 Mawu Ofanana

Ma꞉tiu 26:63

Koto leekepate Yesuma꞉ pi na honda꞉ mea leke pa hayekeme. Koto ekina꞉ta꞉ mo yeni peao hayeke you halima꞉ ipiki pa꞉ta꞉ alota꞉ Mo deto hala꞉ Koda꞉na꞉ bikina꞉ hali keke pi alo hata꞉ nakana꞉ma꞉ niki pa꞉ta꞉ ota꞉ pi lapeke la alota꞉ Neketa꞉ mo hande Koda꞉na꞉ Eiyeke Ketisope a̱i̱ lakie leekeme.

Ma꞉tiu 27:27

Kutu pieketa꞉ mo dolo a꞉ndeli miniki haliwekima꞉ Yesuta꞉ mo Kapomani tiekena꞉ da tukiki pa꞉ta꞉ panda꞉ tieke ma꞉nda꞉ pa꞉ta꞉ hatuku peeketa꞉ ika꞉ ami tapake mandaneeki paeyaoma꞉ ipiki a꞉pa ambulao haemekeme.

Luku 23:9

Koto ekina꞉ Hetodima꞉ Yesu pa꞉ta꞉ anemone lota꞉ pita꞉la꞉ ekimanu wotu lota꞉ piekepate Yesuma꞉ hombo peaasa꞉eki ma꞉nda꞉ ota꞉ na piekeme.

Dioni 18:28

Kaiya꞉pasi hayeke alena꞉ mina꞉pa꞉lao mo Kapomani You halina꞉ da pa꞉ta꞉ Yesu hatuku mea pemekeme. Da panake ka꞉la꞉polo haena꞉ mea pemekeme. Diu haliwekima꞉ta꞉ mo Lombei Pupa Yapeeke ekina꞉ ne pambemekeeki noluekema꞉ iki hoeyaama꞉na꞉ ika꞉ nindi pelemeeki hone witolo hata꞉ mo da tukiki pa꞉ta꞉ na peke hama꞉ nane pa haemekeme.

Dioni 18:33

Pailedima꞉ da tukiki pa꞉ta꞉ la꞉ka꞉la pua hata꞉ Yesu epena꞉ wi laa ipiki pa꞉ta꞉ lota꞉ pitolo alota꞉ Neketa꞉ Diu wanda꞉halina꞉ kini hali halepe leekeme.

Dioni 18:34

Yesuma꞉ ipika꞉ pi hombo peaaso alota꞉ Nakana꞉ma꞉ naka꞉ hone wia I̱ lota꞉ pitolo alepe o mandane haliwekima꞉ I̱ma꞉ poloeki neke pa꞉ta꞉ la kia꞉pe leekeme.

Dioni 18:37

Koto leeke ekina꞉ Pailedima꞉ ipiki lota꞉ pitolo alota꞉ Kota꞉ neketa꞉ kini hali ya꞉ka꞉ta꞉pe leekeme. Yesuma꞉ ipika꞉ pi hombo peaaso alota꞉ I̱ pa꞉ta꞉ kini halie ale ekita꞉ naka꞉ alee. I̱ta꞉ hau homeke puluekema꞉ epoa꞉me. Mo ota꞉ pi waluekema꞉ loa꞉me. Kutu pionoyeke yaka ama꞉ma꞉ I̱ mendieke do kenkena꞉ epoa꞉me. Kutupa mo ota꞉ pi opuluekema꞉ katake na a꞉mba haleme wanda꞉halima꞉ I̱ma꞉ pi alo ekita꞉ opu halememe.

Dioni 19:10

Koto ekina꞉ Pailedima꞉ ipiki pa꞉ta꞉ alota꞉ I̱ pa꞉ta꞉ pi ma꞉nda꞉ na lelipiki laa neke da paa tapaowa꞉ka꞉na꞉ make a꞉ka꞉tei wapepiki tina꞉ neke tamendiao lina꞉ loa꞉ka꞉na꞉ make I̱ma꞉ ana꞉na꞉ pea꞉peke ya꞉la꞉pate nakana꞉ma꞉ koto ekita꞉ hone na witele leekeme.

Dioni 19:8

Pailedima꞉ koto lemeke pi opuaata꞉ paala꞉ma꞉ wotu homaata꞉

Dioni 8:14

Yesuma꞉ ika꞉ pi hombo peaaso alota꞉ Dia꞉me. I̱ma꞉ pitoloeki I̱ma꞉ kone la kua꞉ka꞉na꞉ta꞉ ota꞉ pi alome. Do ekina꞉yeke loa꞉me. I̱ hao epoa꞉eki make wetepena꞉ polo polo alena꞉ make I̱ma꞉ta꞉ handolopate I̱ hao epoa꞉eki make wetepena꞉ polo polo alena꞉ make iki na handelememe.

Pilipai 1:28

Ikana꞉ma꞉ ika꞉ a꞉nda꞉ tunkuliki wanda꞉halita꞉ paala꞉ma꞉ na homeke hoto paeyao aela꞉ bao hapa꞉peke. Ika꞉ aela꞉ baalo peleme ekita꞉ mo a꞉nda꞉ tunkuliki wanda꞉hali pa꞉ta꞉ pate hauma꞉ wala꞉la꞉eki yelieke. Koto pate hau handolota꞉ ikana꞉ma꞉ mo iki Ketiso wanda꞉halima꞉ iki ota꞉ bepolaalimikie hone wilimikie. Koda꞉ma꞉ ka꞉la꞉ wele homekema꞉ bepolao halimikie.