Dioni 17:2 - Panake Pi La: Ula: Buka pita: Kine Pieke Buka

² Nakana꞉ma꞉ ipikita꞉ wanda꞉hali paeyaona꞉ you haena꞉ laata꞉ Nakana꞉ma꞉ ipiki pa꞉ta꞉ halo pele wanda꞉hali paeyaota꞉ ipikana꞉ma꞉ da꞉tao hao haena꞉yeke lele ekina꞉ loa꞉me.

Dioni 17:2 Mawu Ofanana

Ma꞉tiu 11:27

Ala꞉ta꞉ ala꞉ta꞉ paeyaota꞉ ya Apa꞉ma꞉ I̱ pa꞉ta꞉ amba꞉ ka꞉la꞉me. Eiyeketa꞉ hali ma꞉nda꞉ma꞉ ota꞉ na handa꞉la꞉pate Apa꞉ma꞉ homeke handa꞉la꞉me. Koto mandake tupa꞉ kone Apa꞉ta꞉ hali ma꞉nda꞉ma꞉ ota꞉ na handa꞉la꞉pate Eiyekema꞉ homeke handa꞉la꞉me. Koto pa꞉la꞉ ekina꞉ mandane wanda꞉halima꞉ make Ateke handena꞉ Eiyekema꞉ iki ma̱leke lia peneme yaeya꞉ka꞉na꞉ta꞉ handilimikie.

Ma꞉tiu 25:46

Koto wanda꞉halita꞉ honiki na paeyo hala꞉ hoke yenki mu hala꞉ pa꞉ta꞉ tapaalieke. Pate mo tikitiki wopu piki wanda꞉hali ikita꞉ honiki na paeyo deto hala꞉ pa꞉ta꞉ pelimikie leekeme.

Ma꞉tiu 28:18

Yesuma꞉ teke pa꞉ta꞉ opolo ipulu iki pa꞉ta꞉ alota꞉ Mo hepeni handeteke hapeke wele make do kenke handeteke hapeke wele make Koda꞉ma꞉ I̱ pa꞉ta꞉ ka꞉la꞉me.

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Dioni 17:6

Nakana꞉ma꞉ do kenke pa꞉ta꞉ mea ki haliweki pa꞉ta꞉ neke haleeki peneme yaowa꞉me. Koto haliwekita꞉ naka꞉ eki haena꞉ I̱ pa꞉ta꞉ mea kime. Kutupa naka꞉ pi make opimime.

Dioni 17:9

Do haliweki pa꞉ta꞉ hone witolo hata꞉ yeni pitolome. Kenke wanda꞉hali pa꞉ta꞉ hone witolo hata꞉ yeni na piki nakana꞉ma꞉ I̱ pa꞉ta꞉ ki haliwekita꞉ naka꞉eki kone koto haliweki pa꞉ta꞉ hone witolo hata꞉ yeni pitolome.

Dioni 3:35

Atekema꞉ ipika꞉ Eiyeke pa꞉ta꞉ pukima꞉ homolo hata꞉ ala꞉ta꞉ ala꞉ta꞉ paeyao Eiyekena꞉ kiki pa꞉ta꞉ wina꞉ la꞉la꞉me.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Dioni 6:27

Paeya꞉peke ne muluekema꞉ hone anepu na wiki pa u hapekeeki muluekema꞉ hone wotu wia꞉peke. Koto ekita꞉ da꞉ta꞉la꞉eki kone hoto paeyao pa u halieke. Apa꞉ Koda꞉ma꞉ Wanda꞉halina꞉ Eiyeke mea haena꞉ la꞉la꞉ ekina꞉ Eiyekema꞉ koto neta꞉ iki pa꞉ta꞉ mea kilieke.

Dioni 6:37

Yaka Apa꞉ma꞉ I̱ pa꞉ta꞉ kita꞉la꞉ wanda꞉hali paeyao I̱ pa꞉ta꞉ ipilieke. Koto ekina꞉ hali epima꞉ I̱ pa꞉ta꞉ epea꞉ka꞉na꞉ta꞉ I̱ma꞉ ota꞉ na tolu lueke.

Dioni 6:39

I̱ tapaala꞉ halina꞉ hone pa꞉la꞉ ekita꞉ do hau pionoyeke tapaala꞉me dupae. Ipikana꞉ma꞉ I̱ pa꞉ta꞉ ka꞉la꞉ wanda꞉halita꞉ homeke a꞉nda꞉ I̱ma꞉ na alupaake hande paelie dina꞉ta꞉ paeyao I̱ma꞉ pa mea tiawaanoyeke tapaala꞉me.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

1 Kotindi 15:25

Do ekina꞉yeke loa꞉me. Ipika꞉ a꞉nda꞉ tunkuliki haliweki paeyao kone ana꞉na꞉ lu tombuao haluekema꞉ta꞉ Ketisota꞉ ota꞉ you hali hapeke ya꞉la꞉me.

Epesese 1:20

hande Koda꞉ma꞉ wele wotu pitolo hata꞉ Ketisota꞉ homa wieke lapa꞉ pa꞉ta꞉ kone mea tiaota꞉ oli hepeni nane ipika꞉ popeke kiki nane mea pitaeyekeeki kotoeki kone niki tukiki pa꞉ta꞉ pila꞉me.

Pilipai 2:10

Koto ekina꞉ta꞉ Yesu yeiya꞉ laaluekema꞉ta꞉ hepeni nane haleme ale manuma꞉ make do kenke nane haleme ale manuma꞉ make o kenke oto nane haleme ale manuma꞉ make kotoeki paeyaoma꞉ta꞉ ipiki pa꞉ta꞉ tumiki yotu hao panda꞉ pilimikie.

1 Timodi 1:16

Koda꞉ma꞉ I̱ pa꞉ta꞉ a꞉ta꞉ma꞉ homeekeme. Ipikana꞉ma꞉ koto I̱ pa꞉ta꞉ a꞉ta꞉ma꞉ homeeke ekina꞉ teketa꞉ Ketiso Yesuma꞉ mo wetepe hone tulao da꞉ta꞉la꞉eki mulu peleme wanda꞉halima꞉ ipika꞉ a꞉ta꞉ma꞉ homa꞉la꞉eki I̱ pa꞉ta꞉ pieketa꞉ iki pa꞉ta꞉ make pina꞉ I̱ pa꞉ta꞉ amba꞉la wala꞉la꞉me.

Hibulu 1:2

Kutu pieke pateta꞉ pa ame do wetepe naneta꞉ Koda꞉ma꞉ ipika꞉ Eiyeke pa꞉ta꞉ yama꞉ ipika꞉ pi niki pa꞉ta꞉ la kina꞉ la꞉la꞉me. Kutaata꞉ Koda꞉ma꞉ koto Eiyekena꞉ kikima꞉ta꞉ do kenke ya yaapona꞉ ula꞉ alemanu paeyao wepia wina꞉ laa ipikana꞉ma꞉ mo paelo pa꞉la꞉ naneta꞉ ala꞉ta꞉ ala꞉ta꞉ paeyao kilu tombuao haena꞉ Koda꞉ma꞉ ipiki mea hayekeme.

1 Pida 3:22

Koto Ketisota꞉ ame hepeni tukiki pa꞉ta꞉ pua Koda꞉na꞉ popeke nane hata꞉ mo enisolo haliweki make hepeni nane haleme you haliweki make mo wele pita꞉la꞉ ekimanu make iki paeyao ipikana꞉ma꞉ handeteke hala꞉me.

1 Dioni 1:2

Hande Da꞉ta꞉la꞉ ekita꞉ do kenkema꞉ handolo poloma꞉ tupa꞉ peneme yamo epeeke handa nikana꞉ma꞉ handoma꞉me. Kutupa koto mo Ateke yaapo hao hayeke niki pa꞉ta꞉ peneme yaeya꞉ Deto hala꞉ ekina꞉ pi iki pa꞉ta꞉ la kitolome.

1 Dioni 2:25

Kotota꞉ mo hande Ketisoma꞉ niki pa꞉ta꞉ kulueke laa pi la꞉ wia꞉ ekita꞉ Da꞉ta꞉la꞉eki lataa.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Diudi 1:21

Kutupa ikana꞉ma꞉ta꞉ mo nika꞉ Tekehali Yesu Ketiso ipika꞉ a꞉ta꞉ma꞉ homolo kita꞉la꞉ deto hala꞉eki muluekema꞉ yu wia꞉ hata꞉ta꞉ Koda꞉na꞉ pukima꞉ homa꞉la꞉eki oto pa꞉ta꞉ hapa꞉peke.