Dioni 16:1 - Panake Pi La: Ula: Buka pita: Kine Pieke Buka

¹ Ika꞉ hone tulao halemeeki wetepena꞉ na mina꞉pa꞉lalo peleme tupa꞉ do pimanu paeyao iki pa꞉ta꞉ la kitolome.

Dioni 16:1 Mawu Ofanana

Ma꞉tiu 11:6

Koto ekina꞉ do I̱ma꞉ pitolo haumanu handaa ka꞉nda꞉ma꞉ na homa꞉la꞉ halima꞉ta꞉ ta꞉na꞉ma꞉ homo hala꞉me laa pua lapa꞉peke leekeme.

Ma꞉tiu 13:21

Mo opiteleme pita꞉ ika꞉ puki tukiki nane wopu na wina꞉ alemeke handaa hosiki hao hao peaata꞉ koto kone paelieke. Pa ekipeke. Mo Pi Seliapo wala꞉la꞉ ekina꞉ kiaasa꞉ halima꞉ta꞉ iki pa꞉ta꞉ tanda o ka꞉nda꞉manu hala꞉leketa꞉ kota꞉ koto kone lopo halememe.

Ma꞉tiu 13:57

ikana꞉ma꞉ ipiki kiaemekeme. Kutu pimiki ekina꞉ Yesuma꞉ iki pa꞉ta꞉ alota꞉ Potopede hali ma꞉nda꞉ta꞉ da ma꞉nda꞉ wanda꞉halina꞉ leke popelekena꞉ta꞉ biki wilia꞉pate pa ipika꞉ teke da nane o ipika꞉ wanda꞉halina꞉ leke popelekena꞉ta꞉ biki na wilieke leekeme.

Ma꞉tiu 24:10

Koto mandake pita꞉ma꞉ koneta꞉ mandane Koda꞉ pa꞉ta꞉ hone tulaleme wanda꞉hali ika꞉ hone tulalemeeki mina꞉pa꞉lao kialimikie. Kutu pilimi wanda꞉hali pua hata꞉ta꞉ ika꞉ yankekemanu ame̱le̱ honditi pu alualu pitolo ika꞉ ika꞉ kone lina꞉ walo a꞉nda꞉ lomba꞉tiki pu alualu pilimikie.

Dioni 15:11

Do aloma꞉ pi manuta꞉ yaka ta꞉na꞉ma꞉ homoloeki iki pa꞉ta꞉ witolo hata꞉ ika꞉ ta꞉na꞉ma꞉ homelemeeki tumba pitina꞉yeke iki pa꞉ta꞉ alome.

Dioni 16:4

Kutu pulu pelemepate koto haumanu pulu peleme nate epea꞉ka꞉na꞉ta꞉ hande I̱ma꞉ loa꞉ ekimanu ikana꞉ma꞉ hone uemena꞉yeke do pimanu iki pa꞉ta꞉ la kitolome. I̱ta꞉ panake pa꞉ta꞉ kone iki ame̱le̱ haowa꞉ ekima꞉ta꞉ do pimanu iki pa꞉ta꞉ na la kua꞉pate

Loma꞉ 14:21

Epeke hau pulu pa꞉la꞉ ekita꞉ dupae. Ne ikali nala꞉eki make hau ma꞉nda꞉ pea꞉pekeeki make naka꞉ Ketiso yankeke mea lopaapeke nono pia꞉ka꞉na꞉ta꞉ kota꞉ koto hauta꞉ paapa꞉peke.

1 Pida 2:8

Baibolo ma꞉nda꞉ pa꞉ta꞉ la꞉la꞉ ekita꞉ Do toopima꞉ta꞉ wanda꞉hali hala꞉mba꞉ liaena꞉ lelieke la꞉la꞉me. Kutupa koto toopi tiekema꞉ kone wanda꞉hali lopena꞉ lelieke la꞉la꞉me. Iki hala꞉mba꞉ liaemeke ekita꞉ ikana꞉ma꞉ Koda꞉na꞉ pina꞉ hone na tulaemeke ekina꞉ piekeme. Kotota꞉ Koda꞉na꞉ hone piekeekie.