Dioni 15:8 - Panake Pi La: Ula: Buka pita: Kine Pieke Buka

⁸ Ikana꞉ma꞉ kiliki wotu a꞉eteleme ekima꞉ta꞉ yaka Apa꞉na꞉ biki tieke wiaasememe. Kutu piteleme ekima꞉ta꞉ ikita꞉ yaka disaipolo haliweki halimikie leekeme.

Dioni 15:8 Mawu Ofanana

Dioni 8:31

Koto ekina꞉ mo Diu haliwekima꞉ ipiki pa꞉ta꞉ hone tulaemeke haliweki pa꞉ta꞉ Yesuma꞉ alota꞉ Ikana꞉ma꞉ I̱ma꞉ waloloeki opua pea꞉tiki pimika꞉na꞉ta꞉ kota꞉ ota꞉ ya disaipolo haliweki hata꞉ta꞉

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Pilipai 1:11

Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.

Dioni 15:5

I̱ta꞉ waini pu tekee. Ikita꞉ palekemanue. Hali epima꞉ I̱ pa꞉ta꞉ haya꞉ka꞉na꞉ta꞉ I̱ta꞉ ipiki yaapo hata꞉ kiliki wotu a꞉elieke. Pate ikana꞉ma꞉ I̱ ame̱le̱ na hake hata꞉ta꞉ ikana꞉ma꞉ epeke hau homeke a꞉nda꞉ na pilimikie.

1 Pida 4:11

Epima꞉ta꞉ pi walo haya꞉ka꞉na꞉ta꞉ ota꞉ Koda꞉na꞉ pi homeke wala꞉peke ya꞉la꞉taa. Epima꞉ta꞉ siosi wanda꞉hali tamba꞉ mia꞉ka꞉na꞉ta꞉ ota꞉ Koda꞉na꞉ hala꞉la꞉ wele taapuna꞉ hata꞉ tamba꞉ mia꞉peke ya꞉la꞉taa. Koto ekina꞉ do hau paeyao pilimi ekima꞉ta꞉ Yesu Ketiso pa꞉ta꞉ yama꞉ Koda꞉ yeiya꞉ lapeke yelieke. Mo pa̱a̱ pita꞉la꞉eki make mo kilu tombuao hala꞉eki make ipika꞉eki na paeke pa hao halieke. Kutu pina꞉e.

Dioni 13:35

ikana꞉ma꞉ pukima꞉ homaalu alu pimika꞉na꞉ta꞉ ikita꞉ yaka disaipolo haliweki haleme ekita꞉ paeyaoma꞉ handilimikie la leekeme.

1 Kotindi 10:31

Pate ikana꞉ma꞉ ika꞉ hau paeyao piteleme ekima꞉ make mo ne ikali naleme ekima꞉ make mo Koda꞉na꞉ biki daeyaena꞉ loluekema꞉ hau paeyao pea꞉pa꞉peke.

1 Kotindi 6:20

Ipika꞉eki kone hamina꞉yeke ipikana꞉ma꞉ ikita꞉ yenki tiekema꞉ amba꞉ hamba꞉la꞉me. Koto pa꞉la꞉ ekina꞉ ika꞉ loke manuma꞉ Koda꞉na꞉ biki mea a꞉meiyaena꞉ alo hata꞉ handeteke hapa꞉peke.

Luku 6:35

Dia꞉me. Ika꞉ a꞉nda꞉ tunkuliki wanda꞉hali pa꞉ta꞉ pukima꞉ homa iki pa꞉ta꞉ epeke hau homeke pu hapa꞉peke. Ikana꞉ma꞉ wanda꞉hali ma꞉nda꞉ pa꞉ta꞉ ala꞉ta꞉ ma꞉nda꞉ tondiki halemeka꞉na꞉ta꞉ paa muluekema꞉ hone na u hapa꞉peke. Kutu pu haemeka꞉na꞉ta꞉ ika꞉ yenki aneke hapu meata꞉ oli Koda꞉ Manda Hala꞉ Tiekena꞉ eiyeke titi halimikie. Ekipeke Koda꞉ma꞉ta꞉ mo ipika꞉ epeke haumanu pita꞉la꞉ ekina꞉ ta꞉na꞉e pi na lo haleme wanda꞉hali make mo hoke haumanu wotu pu haleme wanda꞉hali pa꞉ta꞉ make epeke hau pu hala꞉me.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

Taitasi 2:10

mo ika꞉ ala꞉ta꞉ ala꞉ta꞉ make pake na napa꞉peke. Kotoeki na pikita꞉ ki na hake epeke e poka꞉la꞉ hali hala꞉me hone wina꞉ ika꞉ e pokeleme ekima꞉ lena꞉ lapa꞉peke. Dupiki haumanu pimika꞉na꞉ta꞉ koto ika꞉ hau paeyaoma꞉ta꞉ nika꞉ Da꞉taasa꞉ Koda꞉na꞉ mana꞉ pimanu yeiya꞉ la walieke.

Taitasi 2:5

ika꞉ hone handeteke hata꞉ make ika꞉ halemeeki ala꞉ta꞉ na ta̱lena꞉ leke hata꞉ make epeke da handeteke hala꞉ wanda꞉weki hata꞉ ika꞉ haliki tonu oto pa꞉ta꞉ hao hapa꞉peke laa walena꞉ walo hapeke. Koto panake wanda꞉wekima꞉ kutupiki haumanu pimika꞉na꞉ta꞉ kota꞉ mo pa wanda꞉halima꞉ Koda꞉na꞉ pimanu pa꞉ta꞉ hoke pi lapeke waleke na wilieke.

Ma꞉tiu 5:44

Pate ame I̱ma꞉ iki pa꞉ta꞉ la kitolo ekita꞉ dupa. Ika꞉ a꞉nda꞉ tunkuliki haliweki pa꞉ta꞉ pukima꞉ homo make mo iki tanda kiteme wanda꞉hali epeaena꞉ Koda꞉ pa꞉ta꞉ yeni peao hapa꞉peke.

Ma꞉tiu 9:8

Wanda꞉halima꞉ koto hau handolota꞉ paala꞉ma꞉ homemekeme. Do epeaasa꞉ weleta꞉ Koda꞉ma꞉ haliweki pa꞉ta꞉ halaa pia꞉ka꞉ta꞉me laa ipika꞉ biki yeiya꞉ laemekeme.