Dioni 15:1 - Panake Pi La: Ula: Buka pita: Kine Pieke Buka

¹ Yesuma꞉ alota꞉ I̱ta꞉ ota꞉ waini pu tekee. Kutupa yaka Apa꞉ta꞉ mo waini pu ena꞉ teke halie.

Dioni 15:1 Mawu Ofanana

Ma꞉tiu 15:13

Ya hepeni hala꞉ Apa꞉ma꞉ na nokopeke pa opa꞉la꞉ waemanu paeyao yokilieke laa Yesuma꞉ hombo peaaso hata꞉ alota꞉

Ma꞉tiu 20:1

Mo hepenina꞉ Kilu Tombuao Hala꞉ ekita꞉ do tupa꞉e. Nate homeke ma꞉nda꞉na꞉ hali homeke ma꞉nda꞉ma꞉ mandane haliweki yenki haluekema꞉ ipikana꞉ma꞉ ipika꞉ waini pu e pokaena꞉yeke da ka꞉la꞉paaso siki weilu peekeme.

Ma꞉tiu 21:33

Yesuma꞉ alota꞉ Onkoluma꞉ pi ma꞉nda꞉ doma꞉ ikana꞉ma꞉ opua꞉pe. Hali homeke ma꞉nda꞉ ipika꞉ kenke tieke wiekeme. Koto kenke pa꞉ta꞉ta꞉ waini pu e pokeekeme. Kutaata꞉ mo eta꞉ pape piekeme. Kutupa mo waini kiliki yombu tombua bepi pia꞉peke naku awaata꞉ mo ena꞉ pake nala꞉ hali handeteke pitepeke da hokulupeke a꞉eliayekeme. Kutaata꞉ mo hande eta꞉ mandane haliwekima꞉ handeteke haena꞉ yenki tieketa꞉ ika꞉ minolo hata꞉ hosikima꞉ta꞉ ipiki pa꞉ta꞉ hala꞉tiki pina꞉yeke iki pa꞉ta꞉ halaa ipikita꞉ papate peekeme.

Maka 12:1

Koto laa Yesuma꞉ onkoluma꞉ laa iki pa꞉ta꞉ alota꞉ Hali ma꞉nda꞉ma꞉ waini e pokaata꞉ pape pea mo waini kilikimanu dikili pulu pieke alena꞉ kenke awaata꞉ ti hokulu mea a꞉meiyao noka꞉pa oli manda hata꞉ e handeteke haena꞉ da a꞉eyekeme. Dupa pea ipika꞉ e pokaaseme haliweki mea haena꞉ laata꞉ kenke ma꞉nda꞉ nane peekeme.

Luku 13:6

Kutupa Yesuma꞉ iki pa꞉ta꞉ onkoluma꞉ pi ma꞉nda꞉ dupa leekeme. Amba꞉ hali ma꞉nda꞉ma꞉ ipika꞉ e tukikina꞉ta꞉ nose ti ma꞉nda꞉ nokopeekeeki hayekeme. Mo halima꞉ta꞉ mo nose kiliki a꞉ela꞉ patema꞉ handolo endi pu hayekepate homeke a꞉nda꞉ na a꞉eyekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Dioni 1:9

Mo hande pa̱a̱ pa꞉la꞉ ekita꞉ ota꞉eki yaalo hata꞉ kenke paeyao pa꞉ta꞉ a꞉paata꞉ wanda꞉hali paeyaona꞉ pa̱a̱ peao hala꞉me.

Dioni 15:2

Yaka paleke mandane ekima꞉ kiliki na a꞉eya꞉ka꞉na꞉ta꞉ kota꞉ koto paleketa꞉ yaka Apa꞉ma꞉ poka mea baalieke. Kutupa mo mandane kiliki a꞉eta꞉la꞉ paleke manuta꞉ wamo peaaso hata꞉ kiliki wopu a꞉ena꞉yeke yaka Apa꞉ma꞉ poka꞉ mepi pilieke.

Dioni 6:32

Yesuma꞉ mo wanda꞉hali pa꞉ta꞉ alota꞉ Iki pa꞉ta꞉ ota꞉ pi alome. Mosesima꞉ta꞉ hepeni nane palaowa iki na kitolo pia꞉me. Yaka Apa꞉ma꞉ hepeni nane ota꞉ palaowata꞉ iki kia꞉peke ya꞉la꞉me.

Dioni 6:55

I̱ma꞉ do alo ekita꞉ do ekina꞉yeke loa꞉me. Yaka loke mindikita꞉ ota꞉ nee kutupa yaka we make ota꞉ ikalie leekeme.

Loma꞉ 11:17

Ambu sa̱ lopao wata꞉lao hala꞉ olipi tina꞉ palekemanu mandaneeki tonda꞉pa꞉ mepi pea mea pa opa pa hala꞉ olipi ti ma꞉nda꞉na꞉ paleke tonda꞉pa꞉ mea mo hande wata꞉laala꞉ ekina꞉ palekena꞉ mea tunaala꞉me. Diendaili wanda꞉hali ikita꞉ mo hande pa opa hala꞉ olipi tima꞉ handelemepate mo Diu wanda꞉hali pa꞉ta꞉ a꞉pa꞉la꞉ epeke epeke haumanu ikana꞉ma꞉ minelememe.

1 Kotindi 3:9

Dikita꞉ mandake pa꞉ta꞉ hata꞉ Koda꞉na꞉ e pokaasoma꞉ haliweki halopa꞉me. Kutupa ikita꞉ Koda꞉na꞉ e kone halememe. Kutupa ikita꞉ Koda꞉na꞉ da make halememe.

1 Dioni 2:8

Koto pa꞉la꞉pate I̱ma꞉ ame do laaso pi ula꞉ ekita꞉ panakeekie. Pa ekipeke ipika꞉ ota꞉ ekita꞉ Ketiso pa꞉ta꞉ make iki pa꞉ta꞉ make handoloma꞉me. Kota꞉ mo timba꞉ ala꞉ ekita꞉ amba꞉ lombei pita꞉la꞉me. Kutupa mo ota꞉ pa̱a̱ pa꞉la꞉ ekita꞉ amba꞉ pa̱a̱ pita꞉la꞉me.