Dioni 14:3 - Panake Pi La: Ula: Buka pita: Kine Pieke Buka

³ Kutupa I̱ pua ika꞉ halo peleme alena꞉ wamo peaota꞉ I̱ halo alena꞉ mandake pa꞉ta꞉ a꞉pa hamina꞉yeke I̱ paa a꞉pa iki a꞉pa handa꞉ mulueke.

Dioni 14:3 Mawu Ofanana

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Dioni 14:28

I̱ma꞉ iki mina꞉pa꞉lao polueke laa loa꞉pateta꞉ paa la꞉ka꞉la ipulueke laa loa꞉ pita꞉ amba꞉ opimime. Ikana꞉ma꞉ I̱ pa꞉ta꞉ pukima꞉ homemeka꞉na꞉ yoluta꞉ mo yaka Apa꞉ pa꞉ta꞉ I̱ pulume loa꞉ ekina꞉ ta꞉na꞉ma꞉ homolo pimime. Pa ekipeke yaka Apa꞉ta꞉ I̱ ankulao hala꞉ ekina꞉ loa꞉me leekeme.

Dioni 14:4

Kutupa I̱ pulueeki make pota꞉ make ikana꞉ma꞉ handelememe laa leekeme.

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Aposolo 1:11

Ka꞉lili haliwekio. Do pa꞉ta꞉ hata꞉ ya pa꞉ta꞉ ombu ekipeke handa꞉liao halemepe lepekeme. Do iki mina꞉pa꞉lao ya nane pula꞉ Yesuta꞉ paa ipulu make do ya nane puleke handa handeleme tupa꞉ kone paa ipilia꞉eki make koto tupa꞉ kone ipiliekee lepekeme.

Loma꞉ 8:17

Nikana꞉ma꞉ta꞉ ipika꞉ weki wandiki hata꞉ Koda꞉ma꞉ ipika꞉ wanda꞉hali epealuekema꞉ wina꞉ la꞉la꞉ ekimanu mulumeke. Kutupa Koda꞉ma꞉ Ketiso pa꞉ta꞉ haluekema꞉ wina꞉ la꞉la꞉ ekimanu make Ketiso ame̱le̱ mulumeke. Nikana꞉ma꞉ Ketiso ame̱le̱ tanda pa꞉la꞉ ekimanu muma꞉ka꞉na꞉ta꞉ kota꞉ ipika꞉ pa̱a̱ pa꞉la꞉eki make ipiki ame̱le̱ mandakena꞉ halumeke.

Pilipai 1:23

Ale yaapoma꞉ yola꞉ alu pita꞉la꞉me. Do kenkena꞉ haloeki mina꞉pa꞉lao Ketiso yaapo pua hapeketa꞉ hone wotu pa꞉la꞉me. Kutupa make do polueke alo ekita꞉ I̱ pa꞉ta꞉ta꞉ ota꞉ epekeeki ya꞉la꞉pate

2 Desalonaika 1:12

Koda꞉ma꞉ kutu pia꞉ka꞉na꞉ta꞉ ikana꞉ma꞉ nika꞉ Tekehali Yesuna꞉ biki yeiya꞉ lalimikie. Kutupa ipikana꞉ma꞉ iki make kutu pilieke. Kutupa nika꞉ Koda꞉ make Tekehali Yesu Ketiso ipilika꞉ a꞉ta꞉ma꞉ homolo tamba꞉ minelepe ekima꞉ta꞉ koto tupa꞉ pilipipikie.

2 Timodi 2:12

Kutupa nikana꞉ma꞉ mo ka꞉nda꞉manu epena꞉ kone aela꞉ bao haoma꞉ka꞉na꞉ta꞉ kota꞉ ipiki ame̱le̱ mandake piki you wanda꞉hali kone halumeke. Nikana꞉ma꞉ ipiki a꞉nda꞉ kiaoma꞉ka꞉na꞉ta꞉ kota꞉ ipikana꞉ma꞉ niki make kiaalieke.

Hibulu 9:28

Koto tupa꞉ kone Ketisoma꞉ wanda꞉hali wopuna꞉ hoke hau yokawaluekema꞉ lia we hala꞉la꞉ hoteke tupa꞉ hoto homeke homekema꞉ homeekeme. Ipikana꞉ma꞉ hoto ma꞉nda꞉ opolo epolo pa꞉la꞉ ekita꞉ wanda꞉halina꞉ hoke hau yokawaluekema꞉ dia꞉ ya꞉la꞉pate pa mo ipiki epena꞉ yuwia haleme wanda꞉hali peteluekema꞉ homeke ipilieke.

Peneme Yaeyekeeki 3:21

Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ I̱ ame̱le̱ mo yaka kini seana꞉ lopulao pitulupeke. I̱ma꞉ta꞉ bepolaota꞉ ameta꞉ yaka Apa꞉na꞉ kini seana꞉ lopulao pilupa꞉ tupa꞉ loa꞉me lea꞉me.