Dioni 14:2 - Panake Pi La: Ula: Buka pita: Kine Pieke Buka

² Yaka Apa꞉na꞉ da pa꞉ta꞉ta꞉ da panda꞉ eleke eleke wotu ula꞉me. Kutupa I̱ puata꞉ ika꞉ a꞉pa halo peleme alena꞉ wamo peaalo pula꞉me. Do aloeki na wia꞉ka꞉na꞉ yoluta꞉ I̱ma꞉ iki pa꞉ta꞉ amba꞉ la kulu pua꞉me laa leekeme.

Dioni 14:2 Mawu Ofanana

Luku 14:22

Kutupa mo e pokao hayeke halima꞉ kotoeki pea a꞉pa alota꞉ Tekehalio. Naka꞉ hande le ekita꞉ pua꞉pate naka꞉ da tukiki pa꞉ta꞉ta꞉ waleke pa ula꞉me leekeme.

Dioni 13:33

Yaka weki wandikio. Iki ame̱le̱ halo poloma꞉pateta꞉ hosiki halueke. Kutupa ikana꞉ma꞉ I̱ weilimikipate pa amba꞉ mo Diu wanda꞉hali pa꞉ta꞉ loa꞉ ekita꞉ ameta꞉ iki pa꞉ta꞉ make alome. I̱ polue da naneta꞉ iki a꞉pa꞉peke na ya꞉la꞉me la leekeme.

Dioni 13:36

Saimono Pidama꞉ Yesu pa꞉ta꞉ lota꞉ pitolo alota꞉ Tekehalio. Neketa꞉ hane poluekema꞉ alepe leeke handaa Yesuma꞉ alota꞉ I̱ polue naneta꞉ ame I̱ telia꞉ mea a꞉pa꞉peke na yolo pa꞉la꞉pate wetepena꞉ta꞉ telia꞉ mea ipilipikie leekeme.

Dioni 14:28

I̱ma꞉ iki mina꞉pa꞉lao polueke laa loa꞉pateta꞉ paa la꞉ka꞉la ipulueke laa loa꞉ pita꞉ amba꞉ opimime. Ikana꞉ma꞉ I̱ pa꞉ta꞉ pukima꞉ homemeka꞉na꞉ yoluta꞉ mo yaka Apa꞉ pa꞉ta꞉ I̱ pulume loa꞉ ekina꞉ ta꞉na꞉ma꞉ homolo pimime. Pa ekipeke yaka Apa꞉ta꞉ I̱ ankulao hala꞉ ekina꞉ loa꞉me leekeme.

Dioni 16:4

Kutu pulu pelemepate koto haumanu pulu peleme nate epea꞉ka꞉na꞉ta꞉ hande I̱ma꞉ loa꞉ ekimanu ikana꞉ma꞉ hone uemena꞉yeke do pimanu iki pa꞉ta꞉ la kitolome. I̱ta꞉ panake pa꞉ta꞉ kone iki ame̱le̱ haowa꞉ ekima꞉ta꞉ do pimanu iki pa꞉ta꞉ na la kua꞉pate

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

2 Kotindi 5:1

Koto ekina꞉ta꞉ nikana꞉ma꞉ dupa hone uluma꞉me. Do nika꞉ haloma꞉ palai data꞉ nika꞉ kenke loke yalo hata꞉ leisiya꞉ka꞉na꞉ta꞉ kota꞉ Koda꞉ma꞉ niki hao hapeke da oli hepeni wialieke. Mo data꞉ ota꞉ ipika꞉ kone a꞉eyaata꞉ hoto paeyao pa hao halieke.

1 Desalonaika 5:9

Koda꞉ma꞉ ipika꞉ mineke panka꞉la꞉eki niki pa꞉ta꞉ epena꞉yeke niki na talopu mea hamono lea꞉pate pa Tekehali Yesuma꞉ niki mea da꞉taowaena꞉ leekeme.

Taitasi 1:2

Ika꞉ mo koto hone tulalemeeki make mo ota꞉ pi miniki halemeeki make do hau yaapota꞉ mo deto hala꞉ hauna꞉ ti laasa꞉eki pa꞉ta꞉ ti lalememe. Mo yayapiki pi na lo hala꞉ Koda꞉ma꞉ amba꞉ mo ala꞉ta꞉ ala꞉ta꞉ paeyao na wepia wina꞉ leke do deto hala꞉ ekita꞉ niki pa꞉ta꞉ hone witolo hata꞉ pi la꞉ wiekeme.

Hibulu 11:10

Pa ekipeke. Eipoloha꞉ma꞉ mo Koda꞉ma꞉ hone pambao wia a꞉ela꞉ daonita꞉ handeteke hayekeme. Koto daonita꞉ mo kukutu pea꞉peke na yeke pa hao halo pa꞉la꞉ ka꞉ta꞉ manda a꞉ela꞉me.

Hibulu 13:14

Pa ekipeke do kenkena꞉ta꞉ nika꞉ ota꞉ pa hao hapeke ya꞉la꞉ daoni ma꞉nda꞉ dia꞉ ya꞉leke handaa mo wetepe opolo epolo pa꞉la꞉ daoni weitoloma꞉me.

Hibulu 6:20

Niki tamba꞉ muluekema꞉ta꞉ koto yako piki da panda꞉na꞉ pota꞉ pilaluekema꞉ Yesu amba꞉la amba꞉ yapeekeme. Ipikana꞉ma꞉ mo hande amba꞉ hayeke some Melekisedeke hayeke tupa꞉ ipika꞉ anke teke mea mo Yeni Peaasa꞉ You Hali na paeke hao hala꞉me.

Hibulu 9:8

Koto hau manuna꞉ta꞉ mo Holi Sipitidima꞉ niki pa꞉ta꞉ wala꞉la꞉ ekita꞉ dupae. Mo mineke da panda꞉ pa꞉ta꞉ pokemeke emanu a꞉nda꞉ pa pokolo haemeke pita꞉ma꞉ta꞉ mo hande Ota꞉ Yako Piki Da Panda꞉ tukiki nane polo puma꞉ pota꞉ta꞉ na lumbu pa wiki pa poka꞉ pelia hayekeme.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.

Peneme Yaeyekeeki 21:2

Mo hande Yakopiki Daoni hande panake Diutuselemeta꞉ wanda꞉ma꞉ ipika꞉ haliki ma̱landi puluekema꞉ amu pea tikitiki yao ipulu pita꞉la꞉ tupa꞉ oli hepeni nanema꞉ Koda꞉ pa꞉ta꞉ yama꞉ opolo epea꞉eki handoa꞉me.

Peneme Yaeyekeeki 3:12

I̱ma꞉ta꞉ mo bepolao hala꞉ halita꞉ yaka Koda꞉na꞉ tembolo da pinki haena꞉ laata꞉ koto aleta꞉ na mina꞉pa꞉lalieke. I̱ma꞉ ipiki pa꞉ta꞉ yaka Koda꞉na꞉ biki lao make mo yaka Koda꞉ma꞉ oli ya pa꞉ta꞉ yama꞉ hola꞉pa꞉nialia꞉ hande panake daoni tieke Diutuselemena꞉ biki make laalueke. Kutupa make yaka panake biki laalueke lea꞉me.

Peneme Yaeyekeeki 3:21

Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ I̱ ame̱le̱ mo yaka kini seana꞉ lopulao pitulupeke. I̱ma꞉ta꞉ bepolaota꞉ ameta꞉ yaka Apa꞉na꞉ kini seana꞉ lopulao pilupa꞉ tupa꞉ loa꞉me lea꞉me.