Dioni 13:8 - Panake Pi La: Ula: Buka pita: Kine Pieke Buka

⁸ Pidama꞉ ipiki pa꞉ta꞉ alota꞉ Yaka anke nakana꞉ma꞉ hoto homeke a꞉nda꞉ tanda꞉pa꞉peke na ya꞉la꞉me leekeme. Yesuma꞉ ipika꞉ pi hombo peaaso alota꞉ I̱ma꞉ naka꞉ anke na tanda꞉poa꞉ka꞉na꞉ta꞉ kota꞉ neketa꞉ yaka disaipolo hali hapeke na yelieke leekeme.

Dioni 13:8 Mawu Ofanana

Kini Pieke 42:38

Pate Dieikopema꞉ alota꞉ Yaka wekita꞉ neke yaapo na pena꞉ lolueke. Ipika꞉ hameketa꞉ homolo hata꞉ ipiki homeke hapelia hala꞉me. Mo pota꞉na꞉ hau ma꞉nda꞉ peaapa꞉na꞉ loa꞉me. I̱ta꞉ koke hali yaalo hata꞉ mo ikana꞉ma꞉ mea ipilimi puki tandama꞉ta꞉ I̱ lu homaliekee leekeme.

Ma꞉tiu 16:22

Koto pi opuaata꞉ Pidama꞉ Yesu hosiki mo pate leke hatuku mea pua hata꞉ ipiki pa꞉ta꞉ alota꞉ Dia꞉me Tekehalio. Neke pa꞉ta꞉ kutu piki hau ota꞉ na epena꞉ hone witolome leekeme.

Ma꞉tiu 21:29

Titina꞉ta꞉ mo wekima꞉ kipieke na pokolo polueke leekepate kone pa wetepena꞉ ipika꞉ hone topo pea wiaata꞉ paa pokolo peekeme.

Ma꞉tiu 26:33

Koto leeke Pidama꞉ Yesu pa꞉ta꞉ alota꞉ Wanda꞉hali paeyaoma꞉ neke mina꞉pa꞉laena꞉ kone I̱ma꞉ta꞉ neke ota꞉ na mina꞉pa꞉lalueke leekeme.

Ma꞉tiu 26:35

Koto leekepate Pidama꞉ alota꞉ Diki mandakena꞉ homopono lea꞉ka꞉na꞉ kone naka꞉ biki I̱ma꞉ na hoeyaalueke leekeme. Kutupa mo haliweki paeyaoma꞉ make koto tupa꞉ lemekeme.

Dioni 13:6

Kutupata꞉ Saimono Pida pitieke pa꞉ta꞉ peekepate ipikana꞉ma꞉ Yesu pa꞉ta꞉ alota꞉ Tekehali nakana꞉ma꞉ ya anke tanda꞉puluekema꞉ pi leekeme.

Dioni 13:9

Saimono Pidama꞉ ipika꞉ pi hombo peaaso alota꞉ Tekehalio. Kota꞉ yaka anke homeke dia꞉me laata꞉ Yaka kiki you tonka꞉na꞉ tanda꞉pae leekeme.

Dioni 3:5

Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali homeke a꞉nda꞉ ikalima꞉ make Sipitidima꞉ make ipikita꞉ panake weki leke paa na mendia꞉ka꞉na꞉ta꞉ Koda꞉ ipika꞉ Kilu Tombuao Hala꞉eki pa꞉ta꞉ na honda꞉ pamba pelieke laa

Aposolo 22:16

Kutupa ameta꞉ ekipeke hando halepe. Tiao pua bapitaisi hau pea ipika꞉ bikina꞉ wi alo hata꞉ naka꞉ hoke hau pi ekimanu tanda꞉pena꞉ lapeke lea꞉me leekeme.

1 Kotindi 6:11

Iki pa꞉ta꞉ mandane wanda꞉halita꞉ kutupiki wanda꞉hali haemepate pa Koda꞉ma꞉ ika꞉ hoke haumanu tanda꞉ pea haena꞉ yeke handa ameta꞉ wamo pea halememe. Ameta꞉ Koda꞉ma꞉ iki talopu mea hamina꞉ la꞉la꞉me. Kutupa ame ikita꞉ Koda꞉ pa꞉ta꞉ tikitiki yao hamina꞉ la꞉la꞉me. Kutupiki hauta꞉ mo Tekehali Yesu Ketiso pita꞉ nika꞉ Koda꞉na꞉ Sipitidi yaapoma꞉ peaala꞉me.

Epesese 5:26

Dupieke ekima꞉ Ketisoma꞉ hande ipika꞉ siosi wanda꞉hali pima꞉ make ikalima꞉ make wamo peata꞉ Koda꞉na꞉eki kone tombo waleekeme.

Kolosi 2:18

Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

Kolosi 2:23

Dupiki pi ula꞉eki manuta꞉ mo hone u lenkena꞉ pea wita꞉la꞉ ti lake nono pitolo hata꞉ nikana꞉ma꞉ nika꞉ hone pa꞉la꞉ tupa꞉ yeni peomono make yayapiki homu peomono make nika꞉ loke ota꞉ hoke tanda halamono make sutiao halememe. Pate dupiki tombo ula꞉ pi manuma꞉ta꞉ kenke lokena꞉ na꞉na꞉ pa꞉la꞉ ekimanu lu tumbaapeketa꞉ ana꞉ na pa꞉la꞉me.

Taitasi 3:5

ipikana꞉ma꞉ niki pa꞉ta꞉la tamba꞉ miekeme. Pa nikana꞉ma꞉ nika꞉ epeke hau pumeke handa na pieke yekepate pa mo ipika꞉ a꞉ta꞉ma꞉ homeeke ekina꞉ niki tamba꞉ miekeme. Kutu piekeeki manuta꞉ niki panake weki tupa꞉ da꞉ta hamono Koda꞉ma꞉ ipika꞉ Holi Sipitidi pa꞉ta꞉ yama꞉ tanda pa꞉la꞉me.

Hibulu 10:22

Koto pa꞉la꞉ ekima꞉ta꞉ nikana꞉ma꞉ nika꞉ puki pa꞉ta꞉ ota꞉ hau homeke miniki halomeke handa make Koda꞉ pa꞉ta꞉ ota꞉ hone tulaomeke handa make Ketisona꞉ wema꞉ mo nika꞉ hoke hone tekena꞉ tande laaleke halomeke handa make mo kila wiki ikalima꞉ nika꞉ loke tanda꞉paleke handa make koto haloma꞉ ekina꞉ta꞉ ota꞉ Koda꞉ teke pa꞉ta꞉ a꞉pa hamana꞉e.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.

Peneme Yaeyekeeki 7:14

I̱ma꞉ alota꞉ Someo. I̱ hone na ulupate nakana꞉ma꞉ta꞉ hone wilime loa꞉me. Ipikana꞉ma꞉ I̱ pa꞉ta꞉ alota꞉ Ikita꞉ mo hande ota꞉ hoke tanda pa꞉ta꞉ yama꞉ kone epeke tupa꞉ epeleme wanda꞉halie lea꞉me. Ikana꞉ma꞉ta꞉ ika꞉ aka꞉ manuta꞉ mo Sipisipi Ma꞉na꞉ Ikikina꞉ wema꞉ tanda꞉pa hake peao pelememe.