Dioni 13:3 - Panake Pi La: Ula: Buka pita: Kine Pieke Buka

³ Yesuma꞉ta꞉ hande ipika꞉ Atekema꞉ ala꞉ta꞉ ala꞉ta꞉ paeyao ipiki pa꞉ta꞉ haleekeeki make ipikita꞉ Koda꞉ yaapo hao a꞉pa Koda꞉ pa꞉ta꞉ polo piekeeki make hone wiekeme.

Dioni 13:3 Mawu Ofanana

Ma꞉tiu 11:27

Ala꞉ta꞉ ala꞉ta꞉ paeyaota꞉ ya Apa꞉ma꞉ I̱ pa꞉ta꞉ amba꞉ ka꞉la꞉me. Eiyeketa꞉ hali ma꞉nda꞉ma꞉ ota꞉ na handa꞉la꞉pate Apa꞉ma꞉ homeke handa꞉la꞉me. Koto mandake tupa꞉ kone Apa꞉ta꞉ hali ma꞉nda꞉ma꞉ ota꞉ na handa꞉la꞉pate Eiyekema꞉ homeke handa꞉la꞉me. Koto pa꞉la꞉ ekina꞉ mandane wanda꞉halima꞉ make Ateke handena꞉ Eiyekema꞉ iki ma̱leke lia peneme yaeya꞉ka꞉na꞉ta꞉ handilimikie.

Ma꞉tiu 28:18

Yesuma꞉ teke pa꞉ta꞉ opolo ipulu iki pa꞉ta꞉ alota꞉ Mo hepeni handeteke hapeke wele make do kenke handeteke hapeke wele make Koda꞉ma꞉ I̱ pa꞉ta꞉ ka꞉la꞉me.

Luku 10:22

Yaka Apa꞉ma꞉ta꞉ ala꞉ta꞉ ala꞉ta꞉ paeyao sikita꞉ I̱ pa꞉ta꞉ ka꞉la꞉me. Mo Eiyeketa꞉ ma꞉nda꞉ma꞉ hone na ula꞉pate ipika꞉ Atekema꞉ homeke hone ula꞉me. Kutupa Ateketa꞉ ma꞉nda꞉ma꞉ hone na ula꞉pate ipika꞉ Eiyekema꞉ homeke hone ula꞉me. Kutupa make mo Eiyekema꞉ ipika꞉ hone pilia꞉ wanda꞉hali pa꞉ta꞉ta꞉ ipika꞉ Ateke walea꞉ka꞉na꞉ta꞉ kota꞉ ikana꞉ma꞉ homeke Ateke hone wilimikie leekeme.

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Dioni 13:1

Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 17:2

Nakana꞉ma꞉ ipikita꞉ wanda꞉hali paeyaona꞉ you haena꞉ laata꞉ Nakana꞉ma꞉ ipiki pa꞉ta꞉ halo pele wanda꞉hali paeyaota꞉ ipikana꞉ma꞉ da꞉tao hao haena꞉yeke lele ekina꞉ loa꞉me.

Dioni 3:13

Kutupa hali homeke a꞉nda꞉ oli hepeni nane na pa꞉la꞉pate hande Wanda꞉halina꞉ Eiyeke hepeni nane hao a꞉pa꞉la꞉ hali homekee laa leekeme.

Dioni 3:35

Atekema꞉ ipika꞉ Eiyeke pa꞉ta꞉ pukima꞉ homolo hata꞉ ala꞉ta꞉ ala꞉ta꞉ paeyao Eiyekena꞉ kiki pa꞉ta꞉ wina꞉ la꞉la꞉me.

Dioni 7:29

Koto halita꞉ ikana꞉ma꞉ na handelemepate ipiki yaapo hao epoa꞉ ekina꞉ make ipikana꞉ma꞉ I̱ tapaeya꞉ ekina꞉ make I̱ma꞉ ota꞉ handolome leekeme.

Dioni 7:33

Yesuma꞉ alota꞉ Iki ame̱le̱ hosiki haota꞉ wetepena꞉ta꞉ I̱ tapaeya꞉ hali pa꞉ta꞉ polueke.

Dioni 8:14

Yesuma꞉ ika꞉ pi hombo peaaso alota꞉ Dia꞉me. I̱ma꞉ pitoloeki I̱ma꞉ kone la kua꞉ka꞉na꞉ta꞉ ota꞉ pi alome. Do ekina꞉yeke loa꞉me. I̱ hao epoa꞉eki make wetepena꞉ polo polo alena꞉ make I̱ma꞉ta꞉ handolopate I̱ hao epoa꞉eki make wetepena꞉ polo polo alena꞉ make iki na handelememe.

Dioni 8:42

Yesuma꞉ iki pa꞉ta꞉ alota꞉ Koda꞉ta꞉ ika꞉ Apa꞉ haya꞉ka꞉na꞉ yoluta꞉ I̱ pa꞉ta꞉ pukima꞉ homolo pimime. I̱ta꞉ Koda꞉ pa꞉ta꞉ hao a꞉pa ame do halo ekina꞉ loa꞉me. Ya hone wia na epeke ipikana꞉ma꞉ I̱ tapaeyeke a꞉pa halo ekina꞉ loa꞉me.

Aposolo 2:36

Koto ekina꞉ Isulai wanda꞉hali paeyao do hande ikana꞉ma꞉ a꞉ka꞉tei wapepiki tina꞉ tamendiao limiki hali Yesuta꞉ Koda꞉ma꞉ ipikita꞉ Tekehali make Ketiso make mea haena꞉ la꞉la꞉ ekita꞉ ikana꞉ma꞉ hone ota꞉ wopu wia꞉pa꞉peke laa leekeme.

1 Kotindi 15:27

Kota꞉ mo Baibolo bukana꞉ wape pa꞉la꞉ ekita꞉ dupa. Ala꞉ta꞉ ala꞉ta꞉ paeyao ipika꞉ anke oto pa꞉ta꞉ Koda꞉ma꞉ mea wiaala꞉me laa wape pa꞉la꞉me. Do Koda꞉ma꞉ ala꞉ta꞉ ala꞉ta꞉ paeyao Ketisona꞉ anke oto pa꞉ta꞉ mea wiaala꞉me la꞉la꞉ ekita꞉ pa Koda꞉ kone Ketisona꞉ anke oto pa꞉ta꞉ wiala꞉ ekina꞉ na la꞉la꞉me hone witoloma꞉me.

Hibulu 1:2

Kutu pieke pateta꞉ pa ame do wetepe naneta꞉ Koda꞉ma꞉ ipika꞉ Eiyeke pa꞉ta꞉ yama꞉ ipika꞉ pi niki pa꞉ta꞉ la kina꞉ la꞉la꞉me. Kutaata꞉ Koda꞉ma꞉ koto Eiyekena꞉ kikima꞉ta꞉ do kenke ya yaapona꞉ ula꞉ alemanu paeyao wepia wina꞉ laa ipikana꞉ma꞉ mo paelo pa꞉la꞉ naneta꞉ ala꞉ta꞉ ala꞉ta꞉ paeyao kilu tombuao haena꞉ Koda꞉ma꞉ ipiki mea hayekeme.