Dioni 13:1 - Panake Pi La: Ula: Buka pita: Kine Pieke Buka

¹ Mo hande Lombei Pupa Yapeeke natena꞉ ne pambuluekema꞉ hata꞉ta꞉ Yesuma꞉ do kenke mina꞉pa꞉lao Ateke pa꞉ta꞉ polo pieke di amba꞉ tunkula꞉la꞉me hone wiekeme. Ipikana꞉ma꞉ do kenkena꞉ haemeke ipika꞉ wanda꞉hali pa꞉ta꞉ pukima꞉ homo hao paeyaalo pulu hata꞉ make iki pa꞉ta꞉ pukima꞉ homeekeme.

Dioni 13:1 Mawu Ofanana

Ma꞉tiu 26:45

Kutupiki yeni pea paeyeke ipika꞉ disaipolo haliweki pa꞉ta꞉ paa la꞉ka꞉la a꞉pa alota꞉ Ikita꞉ hoto pita꞉ u̱ polu pita꞉ pimipe. A꞉e handepe. A꞉nda꞉ lomba꞉la꞉ halima꞉ Wanda꞉halina꞉ Eiyeketa꞉ mo hoke hau pu haleme haliwekima꞉ minina꞉ ala꞉me.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Luku 22:53

I̱ta꞉ nate wopu oni tembolo da tukiki pa꞉ta꞉ iki ame̱le̱ haowa꞉pate ikana꞉ma꞉ I̱ da꞉ka꞉pa꞉ minuluekema꞉ na taapememe. Koto pa꞉la꞉pate do timbata꞉ naka꞉ natee. Mo hande timba꞉ leke ekina꞉ honkopuma꞉ handeteke halo pa꞉la꞉ natee leekeme.

Luku 9:51

Yesu oli hepeni nane mea polo pieke nate teke pa꞉ta꞉ yolo epeeketa꞉ ipikita꞉ mo Diutuseleme teke da nane ota꞉ polueke hone u paleke peekeme.

Dioni 11:55

Mo Diu wanda꞉halina꞉ Lombei Pupa Yapeeke nate tunkulieke handaa papate da ta꞉ta꞉ ta꞉ta꞉ wanda꞉halima꞉ ne a̱i̱ na pambeke haena꞉ ika꞉ loke wamo puluekema꞉ oli Diutuseleme da nane pemekeme.

Dioni 12:23

Yesuma꞉ ipilika꞉ pi hombo peaaso alota꞉ Wanda꞉halina꞉ Eiyekema꞉ mo pa̱a̱ piki kapu tieke mulu pa꞉la꞉ di ame ipula꞉me.

Dioni 13:29

Mandane disaipolo haliwekima꞉ ika꞉ honema꞉ta꞉ Diudasima꞉ mo mani pausa handeteke hayeke ekina꞉ ika꞉ ne pambuluekema꞉ ala꞉ta꞉ ma꞉nda꞉ hambolo pena꞉ tapaeya꞉pe o natehali wanda꞉hali pa꞉ta꞉ ala꞉ta꞉ ma꞉nda꞉ halo pu la tapaeya꞉pe hone wimikime.

Dioni 13:3

Yesuma꞉ta꞉ hande ipika꞉ Atekema꞉ ala꞉ta꞉ ala꞉ta꞉ paeyao ipiki pa꞉ta꞉ haleekeeki make ipikita꞉ Koda꞉ yaapo hao a꞉pa Koda꞉ pa꞉ta꞉ polo piekeeki make hone wiekeme.

Dioni 13:34

Ameta꞉ I̱ma꞉ iki pa꞉ta꞉ panake pi ula꞉eki la꞉ wiaasome dupa. Ika꞉ kone pukima꞉ homaalu alu pea hapa꞉peke. I̱ma꞉ iki pa꞉ta꞉ pukima꞉ homao tupa꞉ ikana꞉ma꞉ make pukima꞉ homaalu alu pea꞉pa꞉peke laa

Dioni 14:28

I̱ma꞉ iki mina꞉pa꞉lao polueke laa loa꞉pateta꞉ paa la꞉ka꞉la ipulueke laa loa꞉ pita꞉ amba꞉ opimime. Ikana꞉ma꞉ I̱ pa꞉ta꞉ pukima꞉ homemeka꞉na꞉ yoluta꞉ mo yaka Apa꞉ pa꞉ta꞉ I̱ pulume loa꞉ ekina꞉ ta꞉na꞉ma꞉ homolo pimime. Pa ekipeke yaka Apa꞉ta꞉ I̱ ankulao hala꞉ ekina꞉ loa꞉me leekeme.

Dioni 14:31

Pa I̱ma꞉ yaka Apa꞉ pa꞉ta꞉ pukima꞉ homolo ekita꞉ do kenke wanda꞉halima꞉ handena꞉ loluekema꞉yeke ipikana꞉ma꞉ I̱ pa꞉ta꞉ doeki pea꞉peke lea꞉ haumanu paeyao pu halome laata꞉ Tiao do pa꞉ta꞉ mina꞉pa꞉lao pomana꞉e laa leekeme.

Dioni 16:28

I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.

Dioni 17:1

Yesuma꞉ koto pimanu laata꞉ oli ya nane handa꞉liao hata꞉ alota꞉ Apa꞉o. Hande di amba꞉ epa꞉la꞉me. Naka꞉ wekima꞉ naka꞉ bikita꞉ mea a꞉meiyaena꞉yeke naka꞉ wekina꞉ biki nakana꞉ma꞉ mea a꞉meiyapeke.

Dioni 17:16

I̱ta꞉ do kenkena꞉eki na halo tupa꞉ iki make do kenkena꞉eki na halememe.

Dioni 17:26

Naka꞉ hale ekita꞉ I̱ma꞉ iki pa꞉ta꞉ waloa꞉pate pa wala꞉tiki pulueke. Nakana꞉ma꞉ I̱ pa꞉ta꞉ pukima꞉ homele ekita꞉ iki pa꞉ta꞉ make pitina꞉yeke kutupa I̱ make iki pa꞉ta꞉ hanoyeke pulueke.

Dioni 17:5

Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.

Dioni 18:4

Yesuma꞉ta꞉ ipiki pa꞉ta꞉ epolo pieke hau paeyao hone wia mo haliweki pa꞉ta꞉ pua lota꞉ pitolo alota꞉ Epi weitelemepe leekeme.

Dioni 19:28

Yesuma꞉ta꞉ I̱ma꞉ pea꞉peke ekita꞉ amba꞉ pu paeyaalome hone wiaata꞉ mo Baibolo bukana꞉ wape pa꞉la꞉eki yaaluekema꞉ ipikana꞉ma꞉ alota꞉ I̱ ikali na꞉na꞉ pa꞉la꞉me leekeme.

Dioni 2:13

Mo Diu wanda꞉halima꞉ ika꞉ Lombei Pupa Yapeeke natena꞉ ne pambuluekema꞉ haemeke handaata꞉ Yesuta꞉ mo Diutuseleme da nane peekeme.

Dioni 6:4

Hande Diu wanda꞉halina꞉ Lombei Pupa Yapeeke nate ipuluekema꞉ haena꞉ peekeme.

Dioni 7:30

Koto leeketa꞉ ipiki da꞉ka꞉pa꞉ minuluekema꞉ pimikipate ipika꞉ nate a̱i̱ dia꞉yeke handaa hali ma꞉nda꞉ma꞉ ipiki na miniekeme. Wanda꞉hali wopuma꞉ ipiki pa꞉ta꞉ hone tulaaso hata꞉ alota꞉

Dioni 7:6

Yesuma꞉ mo haliweki pa꞉ta꞉ alota꞉ Yaka nate a̱i̱ na a꞉pa꞉la꞉me laata꞉ ika꞉ ekita꞉ amba꞉ a꞉pa꞉la꞉me.

Dioni 8:20

Koto leeke pi manuta꞉ Yesuma꞉ta꞉ pi walolo mo mani wimiki tembolo da panda꞉ pa꞉ta꞉ hata꞉ leekeme. Kutupa ipika꞉ nate a̱i̱ dia꞉yeke handaa hali ma꞉nda꞉ma꞉ ipiki na da꞉ka꞉pa꞉ miniekeme.

Loma꞉ 8:37

Kutu pulu pelemepate dia꞉me. Mandane mandane hau paeyao niki pa꞉ta꞉ ipulu haena꞉ kone hande niki pa꞉ta꞉ pukima꞉ homeeke halima꞉ta꞉ ota꞉ aela꞉ baala꞉ wanda꞉hali hamono la꞉la꞉me.

1 Kotindi 1:8

Kutupa ame kini pua pea pa mo paelo pa꞉la꞉ Natena꞉ epena꞉ kone Koda꞉ma꞉ iki wopu da̱o̱la haatiki puemena꞉ la꞉tiki pu halieke. Koto mo nika꞉ Tekehali Yesu Ketisona꞉ Natena꞉ iki pa꞉ta꞉ eki hau ma꞉nda꞉ na handa꞉ wilieke loa꞉me.

Hibulu 3:14

Mo hande nika꞉ titina꞉ hone ti laoma꞉ ekita꞉ na mina꞉pa꞉lake homolo kia꞉naluekema꞉ honkopu hao hata꞉ miniki hao hamana꞉e. Koto hau a꞉nda꞉ puma꞉ka꞉na꞉ta꞉ kota꞉ nikita꞉ ota꞉ Ketiso ame̱le̱ apa꞉tao tunaa haloma꞉me.

Hibulu 3:6

Mosesita꞉ pa e pokaasa꞉ hali homeke hayekepate Ketisota꞉ Koda꞉na꞉ eiyeke yaalo hata꞉ Koda꞉na꞉ wanda꞉hali ota꞉ epeke tupa꞉ handeteke hala꞉me. Koto handeteke hala꞉ wanda꞉halita꞉ nikie. Nikana꞉ma꞉ a꞉nda꞉ nika꞉ Tekehalima꞉ ota꞉ pealieke hone wita꞉la꞉eki pita꞉ aela꞉ baasa꞉ hau yaapo a꞉nda꞉ ota꞉ wopu miniki haoma꞉ka꞉na꞉ alome.

Hibulu 6:11

Koda꞉ma꞉ ota꞉ pina꞉e hone wilimieki iki pa꞉ta꞉ ota꞉ pina꞉ kima꞉ na homeke honkopu hao hata꞉ mo hande epeke haumanu pa pea꞉tiki pu hamena꞉ niki hone wopu pa꞉la꞉me.

1 Pida 1:13

Ika꞉ honema꞉ pea꞉peke hau hone hone u hapa꞉peke. Kutupa leke leke lo hapa꞉peke. Yesu Ketiso opolo epea꞉ka꞉na꞉ta꞉ iki pa꞉ta꞉ a꞉ta꞉ma꞉ homa tamba꞉ mina꞉la꞉eki kilieke. Kotoeki homekena꞉ ika꞉ hone ti lao hao hapa꞉peke.

1 Dioni 4:19

Koda꞉ma꞉ta꞉ niki amba꞉la pukima꞉ homeeke handaa nikana꞉ma꞉ make pukima꞉ homo haloma꞉me.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.