Dioni 12:1 - Panake Pi La: Ula: Buka pita: Kine Pieke Buka

¹ Mo hande Lombei Pupa Yapeeke natena꞉ ne pambuluekema꞉ haena꞉ nate yunki mindiki hata꞉ pa wina꞉ kone Yesuta꞉ mo Bedani da pa꞉ta꞉ peekeme. Hande Yesuma꞉ paa mea tiaeyeke hali La꞉satesi ipika꞉ dae.

Dioni 12:1 Mawu Ofanana

Ma꞉tiu 21:17

Koto laata꞉ Yesuma꞉ iki make Diutuseleme da teke make mina꞉pa꞉lao Bedani da nane polu peekeme.

Maka 11:11

Yesuma꞉ Diutuseleme da opolo pua tembolo da tukiki pa꞉ta꞉ honda꞉ pambaata꞉ ala꞉ta꞉ ala꞉ta꞉ paeyao handoma꞉ handoma꞉ peaata꞉ nate amba꞉ paeyeke handaata꞉ timba꞉ lapeke yeeke mo disaipolo haliweki ame̱le̱ Bedani da nane pemekeme.

Luku 24:50

Kutupa Yesuma꞉ mo wanda꞉hali hatuku mo daoni tieke mina꞉pa꞉lao mo Bedani puaata꞉ ipika꞉ kiki mina꞉liao mo wanda꞉hali epeaeyekeme.

Luku 7:37

Kutupa koto da teke pa꞉ta꞉ta꞉ hali yolo hayeke wanda꞉ ma꞉nda꞉ hayekeme. Koto wanda꞉ma꞉ Yesuta꞉ mo Pa꞉tisi halina꞉ da pa꞉ta꞉ a꞉pa ne no pila꞉me lemeeki opuaata꞉ ipikana꞉ma꞉ta꞉ a꞉la꞉ba꞉seta꞉ toopima꞉ wepiki kanakena꞉ mo totopo wotu piki oeta pambekeeki mea mina꞉ mo da pa꞉ta꞉ epeekeme.

Dioni 11:1

Bedani da pa꞉ta꞉ hayeke hali La꞉satesi yeni hayekeme. Mo Bedani data꞉ Mada hakepiki Meti yaapona꞉ dae.

Dioni 11:43

Yesuma꞉ koto laa anekema꞉ wi alo hata꞉ alota꞉ La꞉satesio. Hama epoe leekeme.

Dioni 11:44

Hande homeeke halita꞉ kiki anke leke popeleke ipika꞉ dauma꞉ ambula wimiki tupa꞉ tiao hama epeekeme. Kutupa Yesuma꞉ iki pa꞉ta꞉ alota꞉ Dau leisi mea bao epena꞉ tapaape leekeme.

Dioni 11:55

Mo Diu wanda꞉halina꞉ Lombei Pupa Yapeeke nate tunkulieke handaa papate da ta꞉ta꞉ ta꞉ta꞉ wanda꞉halima꞉ ne a̱i̱ na pambeke haena꞉ ika꞉ loke wamo puluekema꞉ oli Diutuseleme da nane pemekeme.

Dioni 12:12

Da ka꞉la꞉peeketa꞉ hande Lombei Pupa Yapeeke dina꞉ ne pambuluekema꞉ momba꞉la haemeke wanda꞉hali paeyaoma꞉ta꞉ Yesuta꞉ Diutuseleme da nane ipula꞉me lemekeeki opimikime.

Dioni 12:20

Mo hande ne pambemeke pita꞉ Diutuseleme da pa꞉ta꞉ yeni pulu pemeke wanda꞉hali ame̱le̱ta꞉ mandane Kitiki wanda꞉hali make pemekeme.

Dioni 12:9

Diu wanda꞉hali wopuma꞉ Yesuta꞉ Bedani da pa꞉ta꞉ a꞉pa hala꞉me lemekeeki opuaata꞉ koto pa꞉ta꞉ pemekeme. Yesu homeke handuluekema꞉ na pekepate hande Yesuma꞉ lapa꞉ pa꞉ta꞉ pa mea tiaeyeke hali La꞉satesi make handuluekema꞉ pemekeme.