Biblia Todo Logo
Baibulo la pa intaneti

- Zotsatsa -




Dioni 11:4 - Panake Pi La: Ula: Buka pita: Kine Pieke Buka

4 Yesuma꞉ koto pi opua alota꞉ Koto yenima꞉ta꞉ hali na homaalieke laa koto yeni a꞉pa hake hauta꞉ Koda꞉na꞉ biki make Koda꞉na꞉ Eiyekena꞉ biki make mea a꞉meiyaena꞉yeke a꞉pa hao pa꞉la꞉me leekeme.

Onani mutuwo Koperani




Dioni 11:4
20 Mawu Ofanana  

Kutu pua꞉peke ya꞉la꞉pate yaka Apa꞉na꞉ pita꞉la꞉ ekimanu pua꞉ka꞉na꞉ta꞉ I̱ pa꞉ta꞉ hone na tulaake hata꞉ kone yaka pitolo ekimanu pa꞉ta꞉ kone hone tulaapeke aleo. Kutu pimika꞉na꞉ta꞉ hande Apa꞉ta꞉ I̱ tukiki pa꞉ta꞉ hala꞉eki make I̱ta꞉ ipiki tukiki pa꞉ta꞉ haloeki make handa꞉ hone wilimikie leekeme.


Yesuma꞉ ipiki pa꞉ta꞉ alota꞉ Nakana꞉ma꞉ hone tulao haeka꞉na꞉ta꞉ Koda꞉na꞉ pa̱a̱ pa꞉la꞉eki handilipikie pita꞉ na loa꞉pe leekeme.


Apa꞉o. Naka꞉ biki tieke wina꞉ lapeke leekeme. Koto la haena꞉ oli ya nanema꞉ la꞉niaeyeke pi ho̱la̱꞉makema꞉ alota꞉ Yaka bikita꞉ amba꞉ titina꞉ tieke wina꞉ lolopate paa ma꞉nda꞉ alo peao tieke wina꞉ lolueke leekeme.


Yesuma꞉ koto pimanu laata꞉ oli ya nane handa꞉liao hata꞉ alota꞉ Apa꞉o. Hande di amba꞉ epa꞉la꞉me. Naka꞉ wekima꞉ naka꞉ bikita꞉ mea a꞉meiyaena꞉yeke naka꞉ wekina꞉ biki nakana꞉ma꞉ mea a꞉meiyapeke.


Yaka wia halo alemanu paeyaota꞉ naka꞉ ekie. Kutupa naka꞉ wia hale alemanu paeyao make yaka ekie. Koto pa꞉la꞉ ekina꞉ koto haliwekima꞉ yaka biki mea a꞉meiyalememe.


Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.


Yesuma꞉ta꞉ mo Ka꞉lili nane hayeke da Keina da pa꞉ta꞉ hata꞉ ipika꞉ wele piekeeki koto pa꞉ta꞉ amba꞉la piekeme. Koto pa꞉ta꞉ hata꞉ ipikana꞉ma꞉ ipika꞉ kapu tieke hala꞉eki peneme yao waleeke handaa ipika꞉ disaipolo haliwekima꞉ ipiki pa꞉ta꞉ hone tulaemekeme.


Koto ekina꞉yeke wanda꞉hali paeyaoma꞉ Apa꞉na꞉ pi laaseme tupa꞉ Eiyekena꞉ pi make koto tupa꞉ kone laena꞉yeke la꞉la꞉me. Hali epima꞉ Eiyekena꞉ pi na laeya꞉ka꞉na꞉ta꞉ kota꞉ ipiki tapaala꞉ Apa꞉na꞉ pi kone na laasa꞉me leekeme.


Yesuma꞉ ika꞉ pi hombo peaaso alota꞉ I̱ma꞉ kone yaka pi laa laowa꞉ka꞉na꞉ yoluta꞉ I̱ta꞉ pa hali kone halo pua꞉me. Yaka pi laasa꞉ halita꞉ yaka Apa꞉ma꞉ kone laasa꞉me. Ipikita꞉ ikana꞉ma꞉ nika꞉ Koda꞉ hala꞉me leme halie.


Kutupa hoto yaapo peao hande mendieke pa꞉ta꞉ kone leke holupiki halita꞉ mo haliwekima꞉ wi la ipiki pa꞉ta꞉ alota꞉ Koda꞉ pa꞉ta꞉ pi la꞉ witolo hata꞉ ota꞉eki lapeke laa nikana꞉ma꞉ hone uluma꞉me. Koto hande halita꞉ hoke hau pita꞉la꞉ halie la lemekeme.


Kutupa Yesuma꞉ ika꞉ pi hombo peaaso alota꞉ Do halima꞉ make ateke inkikima꞉ make ika꞉ hoke hau peleme ekina꞉ na pa꞉la꞉me. Pa Koda꞉na꞉ wele pita꞉la꞉ ekima꞉ do hali epeaasa꞉eki handena꞉yeke leke holupiki hali mendia pa꞉la꞉me leekeme.


Koto pa꞉la꞉ ekina꞉ I̱ma꞉ lota꞉ pitoloeki dupae. Mo Diu wanda꞉halita꞉ hala꞉mba꞉liao lopaata꞉ paa na tiaake u pelia halimikipe. Ota꞉ dia꞉me. Mo Diu wanda꞉halima꞉ hoke hau pimiki handaata꞉ Diendaili wanda꞉halima꞉ta꞉ da꞉ta꞉la꞉eki minelememe. Kutu pitelemeke handaata꞉ Diu wanda꞉halima꞉ iki pa꞉ta꞉ honditi pitelememe.


Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.


Ya peawee laa hone tieke pa꞉la꞉ ekita꞉ mo I̱ma꞉ pokono Koda꞉ma꞉ ka꞉la꞉ eta꞉ ota꞉ na mina꞉pa꞉laake nate paeyao make ota꞉ ame do dipula pilu pita꞉ make ota꞉ pipita꞉ pa pua hapeke yelieke la alome. Kutaata꞉ I̱ homoa꞉ka꞉na꞉ make o pa hao haoa꞉ka꞉na꞉ make ya halo hau paeyaoma꞉ mo Ketiso yeiya꞉ lao halueke.


Yesu pa꞉ta꞉ yama꞉ Koda꞉ pa꞉ta꞉ hone tulalememe. Koda꞉ma꞉ Yesu mea tiao pa̱a̱ peawayekeme. Koto ekina꞉ta꞉ ika꞉ hone tulalemeeki make ika꞉ hone ti lalemeeki make Koda꞉ pa꞉ta꞉ pu halememe.


Epima꞉ta꞉ pi walo haya꞉ka꞉na꞉ta꞉ ota꞉ Koda꞉na꞉ pi homeke wala꞉peke ya꞉la꞉taa. Epima꞉ta꞉ siosi wanda꞉hali tamba꞉ mia꞉ka꞉na꞉ta꞉ ota꞉ Koda꞉na꞉ hala꞉la꞉ wele taapuna꞉ hata꞉ tamba꞉ mia꞉peke ya꞉la꞉taa. Koto ekina꞉ do hau paeyao pilimi ekima꞉ta꞉ Yesu Ketiso pa꞉ta꞉ yama꞉ Koda꞉ yeiya꞉ lapeke yelieke. Mo pa̱a̱ pita꞉la꞉eki make mo kilu tombuao hala꞉eki make ipika꞉eki na paeke pa hao halieke. Kutu pina꞉e.


Ikita꞉ Ketisona꞉ telia꞉la꞉ wanda꞉hali haleme ekina꞉ ma꞉nda꞉ma꞉ iki pa꞉ta꞉ hoke pi lemeka꞉na꞉ta꞉ ta꞉na꞉ma꞉ homa꞉pa꞉peke ya꞉la꞉me. Koto lemeka꞉na꞉ta꞉ kota꞉ mo pa̱a̱ piki temokota꞉ Koda꞉na꞉ temoko kone iki pa꞉ta꞉ pitia꞉ka꞉ta꞉me.


Titsatireni:

Zotsatsa


Zotsatsa