Dioni 11:2 - Panake Pi La: Ula: Buka pita: Kine Pieke Buka

² Mo Metima꞉ta꞉ hande Tekehalina꞉ ankena꞉ totopo wotupiki senisi holaota꞉ ipika꞉ itikima꞉ kone honiaeyekeme. Koto wanda꞉na꞉ beliki La꞉satesi yeni hayekeme.

Dioni 11:2 Mawu Ofanana

Maka 14:3

Yesuta꞉ Bedani da puaata꞉ kindi yeni hayeke hali Saimonona꞉ da pa꞉ta꞉ ne nalo pitina꞉ wanda꞉ ma꞉nda꞉ma꞉ a꞉la꞉ba꞉seta꞉ toopi kanake homeke mea epeekeme. Mo kanake pa꞉ta꞉ senisi totopo pikieki seliapo pambeekeme. Koto senisina꞉ bikita꞉ Nadae. Yenki tieke alee. Kutupa mo wanda꞉ma꞉ kanake yamba꞉la꞉ liaata꞉ hande senisita꞉ Yesuna꞉ youna꞉ holaeyekeme.

Luku 7:13

Tekehalima꞉ mo hande kineke wanda꞉ handaata꞉ ipika꞉ pukima꞉ a꞉ta꞉ tiekema꞉ homolo hata꞉ ipikana꞉ma꞉ mo wanda꞉ pa꞉ta꞉ alota꞉ E na lapee leekeme.

Luku 7:19

alota꞉ Tekehali pa꞉ta꞉ pua dupa lota꞉ pea꞉pa꞉peke. Neketa꞉ hande Dionima꞉ Ipilieke leeke niki paeyaoma꞉ yu wia haloma꞉ hande hali ya꞉ka꞉ta꞉pe o hali ma꞉nda꞉ epena꞉ yu wia hamonope laa Yesu pa꞉ta꞉ lota꞉ pea꞉pa꞉peke leekeme.

Dioni 11:21

Madama꞉ Yesu manda꞉hande pea ipiki pa꞉ta꞉ alota꞉ Tekehalio. Neketa꞉ do pa꞉ta꞉ haeka꞉na꞉ yoluta꞉ ya ana꞉ na homolo pia꞉me.

Dioni 11:3

Koto ekina꞉ mo hakila꞉ma꞉ Yesu pa꞉ta꞉ pi tapaaso alota꞉ Tekehalio. Naka꞉ yankeketa꞉ yeni hao ula꞉me laa tapaepekeme.

Dioni 11:32

Metima꞉ Yesu hayeke alena꞉ opolo pua Yesu handolo ipika꞉ anke pa꞉ta꞉ lopa꞉niao alota꞉ Tekehalio. Neke do pa꞉ta꞉ haeka꞉na꞉ yoluta꞉ ya ana꞉ na homolo pia꞉me leekeme.

Dioni 12:3

Kutupa Metima꞉ mo nada senisi seliapota꞉ yenki tieke ale kone mo ka꞉nda꞉ makata꞉ kilo pa hapo siki tupa꞉ meata꞉ Yesuna꞉ anke pa꞉ta꞉ holaota꞉ ipika꞉ itikima꞉ honiaeyekeme. Kutu pieke ekima꞉ mo senisi totopoma꞉ta꞉ mo da paeyao pa꞉ta꞉ totopo yuyu wia wiekeme.

Dioni 13:13

Ikana꞉ma꞉ I̱ biki yaapo alo hata꞉ Disa make Tekehali make aleme ekita꞉ ana꞉piki pi alememe. I̱ta꞉ koto polome.

Dioni 13:14

Koto ekina꞉ I̱ma꞉ta꞉ ika꞉ Tekehali make Disa make hata꞉ ika꞉ anke tandepoa꞉ ekina꞉ ikana꞉ma꞉ make ika꞉ ika꞉ kone ika꞉ ankemanu tanda꞉pa꞉ alualu pea꞉pa꞉peke aleo.