Dioni 10:4 - Panake Pi La: Ula: Buka pita: Kine Pieke Buka

⁴ Hama꞉ nane hatuku puaata꞉ ipiki amba꞉la titina꞉ pelieke. Kutupa mo sipisipi ma꞉na꞉ manuma꞉ ipika꞉ pi ho̱la̱꞉make opitolo hata꞉ ipiki telia꞉ mea pelimikie.

Dioni 10:4 Mawu Ofanana

Ma꞉tiu 16:24

Koto la paeyeketa꞉ Yesuma꞉ ipika꞉ disaipolo haliweki pa꞉ta꞉ alota꞉ Hali ma꞉nda꞉ epima꞉ ya hoki nane toluekema꞉ hone pia꞉ka꞉na꞉ta꞉ kota꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wape piki ti mea tia ya hoki nane telina꞉e leekeme.

Dioni 10:16

Yaka mandane ma꞉na꞉manu make halememe. Do haleme ekimanu homeke na loa꞉me. Iki make yaka pi ho̱la̱꞉make opitolo haena꞉ I̱ma꞉ mina꞉neaalueke. Kutupa mo ma꞉na꞉manu tapake homeke halo pelemepateta꞉ handeteke hala꞉ hali make homeke kone halieke.

Dioni 10:27

Yaka sipisipi ma꞉na꞉ manuma꞉ yaka pi ho̱la̱꞉make minelememe. I̱ma꞉ make iki handolome. Kutupa yaka hoki nane telia꞉ mea ipulimime.

Dioni 10:3

Mo pota꞉ kake handeteke hala꞉ halima꞉ta꞉ koto hali pena꞉ta꞉ pota꞉ lombalieke. Kutupa mo halima꞉ ipika꞉ ma꞉na꞉ manuna꞉ biki laa wi la꞉ mepi peaata꞉ mo ma꞉na꞉ manuma꞉ ipika꞉ pi ho̱la̱꞉make opimika꞉na꞉ta꞉ hama꞉ nane hatuku pelieke.

Dioni 10:5

Pa hali ma꞉nda꞉ telia꞉ meata꞉ na pelimikie. Dia꞉me. Ipika꞉ pi ho̱la̱꞉make na opitolo hata꞉ mo ma꞉na꞉manu pindipa pelimikie.

Dioni 10:8

I̱ na epeke hano titina꞉ epemeke haliweki paeyaota꞉ pake nolo pimiki haliweki epemeke handaa hande sipisipi ma꞉na꞉ manuma꞉ta꞉ ika꞉ pi na opimikime.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Dioni 13:15

I̱ma꞉ iki pa꞉ta꞉ peaowa꞉ ekita꞉ ikana꞉ma꞉ make puemena꞉yeke wala꞉ tiaaso pua꞉me.

Dioni 18:37

Koto leeke ekina꞉ Pailedima꞉ ipiki lota꞉ pitolo alota꞉ Kota꞉ neketa꞉ kini hali ya꞉ka꞉ta꞉pe leekeme. Yesuma꞉ ipika꞉ pi hombo peaaso alota꞉ I̱ pa꞉ta꞉ kini halie ale ekita꞉ naka꞉ alee. I̱ta꞉ hau homeke puluekema꞉ epoa꞉me. Mo ota꞉ pi waluekema꞉ loa꞉me. Kutu pionoyeke yaka ama꞉ma꞉ I̱ mendieke do kenkena꞉ epoa꞉me. Kutupa mo ota꞉ pi opuluekema꞉ katake na a꞉mba haleme wanda꞉halima꞉ I̱ma꞉ pi alo ekita꞉ opu halememe.

Dioni 3:29

mo wanda꞉ teke halina꞉ hameketa꞉ mandakena꞉ hata꞉ kone wanda꞉ teke halima꞉ lelie pi opitolo hata꞉ta꞉ ta꞉na꞉ma꞉ homilieke. Koto ekina꞉ yaka ta꞉na꞉ma꞉ homa꞉la꞉ ekita꞉ tumba ula꞉me laa

1 Kotindi 11:1

Koto ekina꞉ I̱ma꞉ Ketisona꞉ hau moka꞉la hando halo tupa꞉ ikana꞉ma꞉ make I̱ma꞉ pitoloeki kone moka꞉la hando hapa꞉peke.

Epesese 5:1

Koto ekina꞉ ikita꞉ Koda꞉ ipika꞉ hone pa꞉la꞉ weki wandiki kone hata꞉ Koda꞉na꞉ pita꞉la꞉ hau kone pea꞉pa꞉peke.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

Hibulu 6:20

Niki tamba꞉ muluekema꞉ta꞉ koto yako piki da panda꞉na꞉ pota꞉ pilaluekema꞉ Yesu amba꞉la amba꞉ yapeekeme. Ipikana꞉ma꞉ mo hande amba꞉ hayeke some Melekisedeke hayeke tupa꞉ ipika꞉ anke teke mea mo Yeni Peaasa꞉ You Hali na paeke hao hala꞉me.

1 Pida 2:21

Koto piki hau puemena꞉ Koda꞉ma꞉ iki wi leekeme. Kota꞉ Ketiso ipikana꞉ma꞉ kone iki tamba꞉ muluekema꞉ ka꞉nda꞉ miekeme. Kutupa mo handa piekeeki ikana꞉ma꞉ telia puemena꞉ yeke walolo piekeme.

1 Pida 4:1

Ketiso ipika꞉ lokema꞉ tanda mieke handa ikana꞉ma꞉ make ipikana꞉ma꞉ mo tanda mulu piekeeki pa꞉ta꞉ hone wieke tupa꞉ koto mandake honema꞉ kone iki honkopu hao hapa꞉peke. Kota꞉ ma꞉nda꞉ epima꞉ ipika꞉ lokema꞉ tanda mu haya꞉ka꞉na꞉ta꞉ ipikana꞉ma꞉ hoke hau mina꞉pa꞉lao hala꞉me.

1 Pida 5:3

Ikana꞉ma꞉ handeteke hamena꞉ ka꞉la꞉ wanda꞉halita꞉ tumbaaluekema꞉ na tapeke ikana꞉ma꞉ pu halimi epeke hau manuma꞉ mo sipisipi ma꞉na꞉manu wala tiaaso hata꞉ hapa꞉peke.