Dioni 10:3 - Panake Pi La: Ula: Buka pita: Kine Pieke Buka

³ Mo pota꞉ kake handeteke hala꞉ halima꞉ta꞉ koto hali pena꞉ta꞉ pota꞉ lombalieke. Kutupa mo halima꞉ ipika꞉ ma꞉na꞉ manuna꞉ biki laa wi la꞉ mepi peaata꞉ mo ma꞉na꞉ manuma꞉ ipika꞉ pi ho̱la̱꞉make opimika꞉na꞉ta꞉ hama꞉ nane hatuku pelieke.

Dioni 10:3 Mawu Ofanana

Dioni 10:14

I̱ta꞉ hande ma꞉na꞉ epeke tupa꞉ handeteke halo halie. Yaka Apa꞉ma꞉ I̱ handa꞉la꞉eki make I̱ma꞉ make yaka Apa꞉ handolo tupa꞉ I̱ma꞉ make yaka sipisipi ma꞉na꞉manu handolome. Kutupa yaka sipisipi ma꞉na꞉ manuma꞉ make I̱ handilimikie. Kutupa hande sipisipi ma꞉na꞉manu pa꞉ta꞉ hone witolo hata꞉ta꞉ yaka da꞉ta꞉la꞉eki alupaowa꞉ka꞉na꞉ta꞉ ana꞉ pilieke.

Dioni 10:16

Yaka mandane ma꞉na꞉manu make halememe. Do haleme ekimanu homeke na loa꞉me. Iki make yaka pi ho̱la̱꞉make opitolo haena꞉ I̱ma꞉ mina꞉neaalueke. Kutupa mo ma꞉na꞉manu tapake homeke halo pelemepateta꞉ handeteke hala꞉ hali make homeke kone halieke.

Dioni 10:4

Hama꞉ nane hatuku puaata꞉ ipiki amba꞉la titina꞉ pelieke. Kutupa mo sipisipi ma꞉na꞉ manuma꞉ ipika꞉ pi ho̱la̱꞉make opitolo hata꞉ ipiki telia꞉ mea pelimikie.

Dioni 10:9

I̱ta꞉ pota꞉ kake halome. Hali epima꞉ I̱ pa꞉ta꞉ honda꞉ pamba epea꞉ka꞉na꞉ta꞉ koto halima꞉ da꞉ta꞉la꞉eki milieke. Kutupa mo halita꞉ tukiki nane pua꞉tiki hama꞉ nane a꞉pa꞉tiki pitolo hata꞉ epeke nemanu netiki pilieke.

Dioni 6:37

Yaka Apa꞉ma꞉ I̱ pa꞉ta꞉ kita꞉la꞉ wanda꞉hali paeyao I̱ pa꞉ta꞉ ipilieke. Koto ekina꞉ hali epima꞉ I̱ pa꞉ta꞉ epea꞉ka꞉na꞉ta꞉ I̱ma꞉ ota꞉ na tolu lueke.

Dioni 6:45

Mo hande potopede haliwekima꞉ wape pa꞉la꞉eki dupae. Koda꞉ma꞉ wanda꞉hali paeyao wala꞉ tiaalieke wape pa꞉la꞉me. Hali epima꞉ hande Apa꞉na꞉ pi opua pia꞉ka꞉na꞉ta꞉ I̱ pa꞉ta꞉ ipilieke leekeme.

Loma꞉ 8:30

Koto pa꞉la꞉ ekina꞉ Koda꞉ma꞉ amba꞉ handa꞉ mea ta꞉ta꞉ haena꞉ la꞉la꞉ wanda꞉halita꞉ ipikana꞉ma꞉ wi la꞉la꞉ wanda꞉halie. Kutupa ipikana꞉ma꞉ta꞉ amba꞉ wi la꞉la꞉ wanda꞉halita꞉ ipiki yaapo tikitiki yao haena꞉ la꞉la꞉me. Kutupa ipikana꞉ma꞉ta꞉ ipiki yaapo tikitiki yao haena꞉ la꞉la꞉ wanda꞉halita꞉ ipika꞉ pa̱a̱ pa꞉la꞉eki koto wanda꞉hali pa꞉ta꞉ teli teli peaala꞉me.

1 Kotindi 16:9

Do ekina꞉yeke loa꞉me. Do pa꞉ta꞉ta꞉ pota꞉ lomba꞉pa ula꞉me. Kutupa epeke epeke e tieke tieke pokaapeke ya꞉la꞉me. Kutu pulu polopate pa mo pota꞉ sa꞉sa꞉ pulu peleme haliweki wotu make halememe.

Pilipai 4:3

Kutupa ya Ketiso ta꞉ma꞉ni epekeo. Neke pa꞉ta꞉ make mo wanda꞉ yaapoma꞉ hone homeke wina꞉ tamba꞉ mia꞉peke alome. Pa ekipeke mo wanda꞉ yaapo make Ka꞉lemiti make mo ya e mandake pokoloma꞉ wanda꞉hali paeyaoma꞉ tonka꞉na꞉ mo Ketisona꞉ Pi Seliapota꞉ peo lao daeyaena꞉yeke I̱ma꞉ iki ame̱le̱ weleke we wopu pea e tieke pokoma꞉me. Koto wanda꞉halina꞉ biki paeyaota꞉ mo Koda꞉na꞉ deto hala꞉ tapakena꞉ biki ula꞉ bukana꞉ wape pa ula꞉me.

Kolosi 4:3

Kutu pitolo hata꞉ta꞉ Koda꞉ma꞉ mo hande Ketisona꞉ a꞉mbaala꞉ ekina꞉ pimanu walamono epeke walekemanu kina꞉ yeni pu hapa꞉peke. Kotoeki tekena꞉ I̱ta꞉ ameta꞉ dipula pilume.

2 Timodi 2:19

Koda꞉ma꞉ nokopeeke taka꞉lake pinkita꞉ da̱o̱la꞉pa pa꞉la꞉me. Koto pinkina꞉ pi yaapo wape pea ula꞉ ekita꞉ dupa. Tekehalima꞉ ipika꞉ wanda꞉halita꞉ ipika꞉ amba꞉ hando ulume laa wape pea ula꞉me. Kutupa pi ma꞉nda꞉ make dupa. Ma꞉nda꞉ hali epima꞉ I̱ta꞉ mo Tekehalina꞉eki halome lea꞉ka꞉na꞉ta꞉ kota꞉ mo hokeeki paeyao ota꞉ mina꞉pa꞉lao hoki walaa pua꞉peke ya꞉la꞉me pi yaapo wape pa꞉la꞉me.

1 Pida 1:12

Do hande opimi ota꞉ pita꞉ mo potopede haliwekima꞉ amba꞉ walaaso haena꞉ta꞉ Koda꞉ma꞉ iki pa꞉ta꞉ koto pita꞉ ika꞉eki dia꞉me. Mo wetepena꞉ haleme wanda꞉hali ika꞉eki peneme yao waleekeme. Mo Pi Seliapona꞉ kinki peaasa꞉ haliwekima꞉ hepeni nanema꞉ tapaeyeke Holi Sipitidina꞉ welema꞉ do ota꞉eki manuta꞉ iki pa꞉ta꞉ la kimime. Do ota꞉eki manuta꞉ mo enisolo haliwekima꞉ kone hone uluekema꞉ hone pu halememe.

1 Dioni 4:6

Koto pa꞉la꞉pate nikita꞉ Koda꞉na꞉eki haloma꞉me. Kutupa Koda꞉ pa꞉ta꞉ hone ula꞉ tapakema꞉ta꞉ nika꞉ pi opu halememe. Pate Koda꞉ pa꞉ta꞉ hone na ula꞉ tapakema꞉ta꞉ nika꞉ pi na opilimikie. Kota꞉ koto hau manuma꞉ta꞉ mo ota꞉ ekina꞉ Sipitidi ya꞉ka꞉ta꞉me laa make mo yayapiki ekina꞉ sipitidi ya꞉ka꞉ta꞉me laa make nikana꞉ma꞉ ana꞉na꞉ tekili pea handa꞉ u hapa꞉peke ya꞉la꞉me.

3 Dioni 1:14

Yaka honema꞉ta꞉ neke koto kone handolo ipulu hata꞉ pimanu lopana꞉e.

Peneme Yaeyekeeki 20:15

Kutupa make ma꞉nda꞉ epi ipika꞉ bikita꞉ mo da꞉ta꞉la꞉ wanda꞉halina꞉ bukana꞉ na laeya꞉ someta꞉ oni ti uleke kiake pa꞉ta꞉ yola꞉ mea lopaeya꞉me.

Peneme Yaeyekeeki 3:20

Opua꞉pe. I̱ta꞉ pota꞉ kake pa꞉ta꞉ hata꞉ kili kili lao halome. Ma꞉nda꞉ epima꞉ yaka pi ho̱la̱꞉make opua pota꞉ lombea꞉ka꞉na꞉ta꞉ I̱ta꞉ ipika꞉ da pa꞉ta꞉ a꞉pa ipiki yaapo ne nolueke. Kutupa ipikana꞉ma꞉ make I̱ yaapo ne nelieke.

Peneme Yaeyekeeki 7:17

Pa ekipeke mo kini sea tukikina꞉ hala꞉ Sipisipi Ma꞉na꞉ Ikikita꞉ ika꞉ handeteke hala꞉ hali halieke. Kutupa ikita꞉ mo da꞉ta꞉la꞉eki kita꞉la꞉ tunkulu pa pitumu pitumu pa꞉la꞉ ikalimanu pa꞉ta꞉ hatuku pelieke. Kutupa Koda꞉ma꞉ ika꞉ leke pa꞉ta꞉ e̱ pankekemanu paeyao honu baalieke.