Dioni 10:16 - Panake Pi La: Ula: Buka pita: Kine Pieke Buka

¹⁶ Yaka mandane ma꞉na꞉manu make halememe. Do haleme ekimanu homeke na loa꞉me. Iki make yaka pi ho̱la̱꞉make opitolo haena꞉ I̱ma꞉ mina꞉neaalueke. Kutupa mo ma꞉na꞉manu tapake homeke halo pelemepateta꞉ handeteke hala꞉ hali make homeke kone halieke.

Dioni 10:16 Mawu Ofanana

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Luku 15:8

Kutupa make wanda꞉ homeke ma꞉nda꞉ma꞉ ipika꞉ silipa mani kiki yaapo wia halia꞉pate homeke ma꞉nda꞉ alu paeya꞉ka꞉na꞉ta꞉ eki piliepe laa leekeme. Ipikana꞉ma꞉ta꞉ handa꞉ ulueke alo ola꞉pake ka꞉wata꞉ sisimei mea da panda꞉ kila bao weilieke.

Dioni 10:11

I̱ta꞉ handa꞉ ma꞉na꞉ epeke tupa꞉ handeteke halo halie. Mo sipisipi ma꞉na꞉manu tamba꞉ muluekema꞉ yaka da꞉ta꞉la꞉eki hone na ulueke.

Dioni 10:2

Pate mo pota꞉ kake pa꞉ta꞉ pula꞉ halita꞉ mo hande sipisipi ma꞉na꞉manu handeteke hala꞉ halie leekeme.

Dioni 10:27

Yaka sipisipi ma꞉na꞉ manuma꞉ yaka pi ho̱la̱꞉make minelememe. I̱ma꞉ make iki handolome. Kutupa yaka hoki nane telia꞉ mea ipulimime.

Dioni 10:3

Mo pota꞉ kake handeteke hala꞉ halima꞉ta꞉ koto hali pena꞉ta꞉ pota꞉ lombalieke. Kutupa mo halima꞉ ipika꞉ ma꞉na꞉ manuna꞉ biki laa wi la꞉ mepi peaata꞉ mo ma꞉na꞉ manuma꞉ ipika꞉ pi ho̱la̱꞉make opimika꞉na꞉ta꞉ hama꞉ nane hatuku pelieke.

Dioni 10:4

Hama꞉ nane hatuku puaata꞉ ipiki amba꞉la titina꞉ pelieke. Kutupa mo sipisipi ma꞉na꞉ manuma꞉ ipika꞉ pi ho̱la̱꞉make opitolo hata꞉ ipiki telia꞉ mea pelimikie.

Dioni 10:5

Pa hali ma꞉nda꞉ telia꞉ meata꞉ na pelimikie. Dia꞉me. Ipika꞉ pi ho̱la̱꞉make na opitolo hata꞉ mo ma꞉na꞉manu pindipa pelimikie.

Dioni 11:52

Kutupa make mo Diu wanda꞉hali pa꞉ta꞉ homeke na homeke mo Koda꞉na꞉ weki wandikita꞉ pa hata꞉ pepi pea haena꞉ kone paeyao handa꞉ mea homeke tapake kone apa꞉tao haena꞉yeke Yesu homolo pa꞉la꞉eki la halolo hata꞉ leekeme.

Dioni 17:20

I̱ma꞉ do haliweki homeke pa꞉ta꞉ hone witolo hata꞉ yeni na piki ika꞉ pua walo pelemeeki opua I̱ pa꞉ta꞉ hone tulao halo peleme wanda꞉hali pa꞉ta꞉ make hone witolo hata꞉ yeni pitolome.

Dioni 6:37

Yaka Apa꞉ma꞉ I̱ pa꞉ta꞉ kita꞉la꞉ wanda꞉hali paeyao I̱ pa꞉ta꞉ ipilieke. Koto ekina꞉ hali epima꞉ I̱ pa꞉ta꞉ epea꞉ka꞉na꞉ta꞉ I̱ma꞉ ota꞉ na tolu lueke.

Aposolo 15:14

Koda꞉ma꞉ mo Diendaili wanda꞉hali pa꞉ta꞉ mandane ekimanu ota꞉ ipika꞉ wanda꞉hali talopu mea haena꞉ la꞉la꞉ ekima꞉ iki pa꞉ta꞉ ipika꞉ epeke hone wita꞉la꞉eki niki wala꞉la꞉me. Saimonoma꞉ koto la ka꞉la꞉me.

Aposolo 18:10

Pa ekipeke I̱ta꞉ neke yaapo halome. Kutupa neke luekema꞉ hali ma꞉nda꞉ na tiaalieke leekeme. Do da pa꞉ta꞉ ya wanda꞉hali wotu halememe laa leekeme.

Aposolo 22:14

Kutupa ipikana꞉ma꞉ alota꞉ Nika꞉ apa꞉meina꞉ Koda꞉ma꞉ta꞉ neketa꞉ ipika꞉ hone pa꞉la꞉eki handoelena꞉ make ipika꞉ Tikitikina꞉ hala꞉ hali handolo hata꞉ ipika꞉ kakema꞉ la꞉niaeya꞉ pi ho̱la̱꞉make opuelena꞉yeke neke ma̱leke lila꞉me.

Loma꞉ 11:25

Ya kame titio. Pi homeke a꞉nda꞉ta꞉ a꞉mbao ula꞉me. Ikana꞉ma꞉ handoemena꞉yeke I̱ta꞉ hone pa꞉la꞉me. Kotoeki handemeka꞉na꞉ta꞉ kota꞉ ikana꞉ma꞉ ame do kone alota꞉ Nikita꞉ pita꞉la꞉ ekimanu paeyao handoloma꞉me pi paa na lelimikie. Koto a꞉mbao ula꞉ ekita꞉ dupa. Mo mandane Isulai wanda꞉halima꞉ pi na opiteleme ekita꞉ hoto paeyao na opu haluekema꞉ na pitelememe. Pua꞉tiki pua Koda꞉ma꞉ Diendaili wanda꞉hali mina꞉la꞉ tombo ana꞉na꞉ mia꞉ka꞉na꞉ta꞉ pilimikie.

2 Desalonaika 2:13

Tekehalima꞉ pukima꞉ homo hala꞉ kametonuo. Hoto paeyao ikina꞉ Koda꞉ pa꞉ta꞉ keiyae lo hamonoe. Koda꞉ma꞉ iki peteluekema꞉ titina꞉ amba꞉ ma̱leke lia mea haya꞉me. Mo Holi Sipitidima꞉ iki Koda꞉na꞉eki hamena꞉ sa̱ pa꞉la꞉ ekima꞉ make ika꞉ mo ota꞉ pi pa꞉ta꞉ hone tulaleme ekima꞉ make koto ekima꞉ta꞉ Koda꞉ma꞉ iki petelea꞉me.

Hibulu 13:20

Mo sipisipi ma꞉na꞉ handeteke hala꞉ hali tieke Yesu mo lapa꞉ pa꞉ta꞉ mea tiaeya꞉ Koda꞉ma꞉ kone mo na paelo pa꞉la꞉ la꞉ wieke we pa꞉ta꞉ yama꞉ ikana꞉ma꞉ ipika꞉ hone pa꞉la꞉ e epeke tupa꞉ pokawamena꞉ yeke epeao wina꞉e alome. Kutupa make mo puki lopawaasa꞉ Koda꞉ma꞉ Yesu Ketiso pa꞉ta꞉ yama꞉ niki tukiki pa꞉ta꞉ ipiki ta꞉na꞉ma꞉ homa꞉ tialo poloma꞉eki pina꞉ lomana꞉e alome. Ketisona꞉ bikima꞉ na paelo pa꞉la꞉ yeiya꞉ laasa꞉eki tieke mina꞉e. Kutu pina꞉e.

1 Pida 2:10

Amba꞉ta꞉ iki Koda꞉na꞉ wanda꞉hali na haemepate ameta꞉ ipika꞉eki halememe. Amba꞉ta꞉ iki Koda꞉na꞉ a꞉ta꞉ma꞉ homa꞉la꞉ hau hone na wimipate ameta꞉ ipika꞉ a꞉ta꞉ma꞉ homa꞉la꞉ hau a꞉pa꞉leke melememe.

1 Pida 2:25

Amba꞉ ikita꞉ alu pimi sipisipi ma꞉na꞉ leke haemepate ameta꞉ mo sipisipi handeteke hala꞉ hali tomuemena꞉ hatuku mea epeleme. Ipikita꞉ mo ika꞉ temoko handeteke hala꞉ halie.

1 Pida 5:4

Kutupa mo sipisipi ma꞉na꞉ handeteke hala꞉ Titina꞉ Hali opolo epea꞉ka꞉na꞉ta꞉ ipikana꞉ma꞉ iki pa꞉ta꞉ mo pa̱a̱ na alu pulu pa꞉la꞉ namba ota꞉ seliapo pikieki kia꞉ka꞉na꞉ milimikie.

Peneme Yaeyekeeki 3:20

Opua꞉pe. I̱ta꞉ pota꞉ kake pa꞉ta꞉ hata꞉ kili kili lao halome. Ma꞉nda꞉ epima꞉ yaka pi ho̱la̱꞉make opua pota꞉ lombea꞉ka꞉na꞉ta꞉ I̱ta꞉ ipika꞉ da pa꞉ta꞉ a꞉pa ipiki yaapo ne nolueke. Kutupa ipikana꞉ma꞉ make I̱ yaapo ne nelieke.