Dioni 1:9 - Panake Pi La: Ula: Buka pita: Kine Pieke Buka

⁹ Mo hande pa̱a̱ pa꞉la꞉ ekita꞉ ota꞉eki yaalo hata꞉ kenke paeyao pa꞉ta꞉ a꞉paata꞉ wanda꞉hali paeyaona꞉ pa̱a̱ peao hala꞉me.

Dioni 1:9 Mawu Ofanana

Ma꞉tiu 6:23

Pate naka꞉ leke yaapo a꞉nda꞉ hoeya꞉ka꞉na꞉ta꞉ kota꞉ mo naka꞉ loke paeyaota꞉ timba꞉ la꞉ pambilieke. Koto mo naka꞉ lokena꞉ pa̱a̱ a꞉nda꞉ timba꞉ lea꞉ka꞉na꞉ta꞉ a꞉pee kota꞉ kotota꞉ ota꞉ timba꞉ tiekee.

Luku 11:36

Kutupa naka꞉ loke paeyao a꞉nda꞉ pa̱a̱ma꞉ tumba hata꞉ pa timba꞉ timba꞉ homeke a꞉nda꞉ na lea꞉ka꞉na꞉ta꞉ kota꞉ ola꞉pake pa̱a̱ pita꞉la꞉ ma꞉nda꞉na꞉ naka꞉ loke paeyao pa̱a̱ pu kimalieke leekeme.

Dioni 1:4

Mo hande Pi pa꞉ta꞉ta꞉ da꞉ta꞉la꞉eki pitiekeme. Kutupa mo da꞉ta꞉la꞉ ekita꞉ kenke wanda꞉halina꞉ pa̱a̱ peaasa꞉eki pitiekeme.

Dioni 1:7

Kutupa Dionima꞉ta꞉ mo hande pa̱a̱ pa꞉la꞉ ekita꞉ wanda꞉hali waluekema꞉ epeekeme. Kutupa wanda꞉hali paeyaoma꞉ ipikana꞉ma꞉ mea epeeke pi opua pi mina꞉yeke handa loluekema꞉ epeekeme.

Dioni 12:46

I̱ta꞉ do kenkena꞉ pa̱a̱ pa꞉la꞉eki tupa꞉ a꞉pa halome. I̱ pa꞉ta꞉ hone tulaaseme wanda꞉halita꞉ timba꞉ la꞉ pamba꞉la꞉ pa꞉ta꞉ na haena꞉yeke epoa꞉me.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 15:1

Yesuma꞉ alota꞉ I̱ta꞉ ota꞉ waini pu tekee. Kutupa yaka Apa꞉ta꞉ mo waini pu ena꞉ teke halie.

Dioni 6:32

Yesuma꞉ mo wanda꞉hali pa꞉ta꞉ alota꞉ Iki pa꞉ta꞉ ota꞉ pi alome. Mosesima꞉ta꞉ hepeni nane palaowa iki na kitolo pia꞉me. Yaka Apa꞉ma꞉ hepeni nane ota꞉ palaowata꞉ iki kia꞉peke ya꞉la꞉me.

Dioni 7:12

Mo wanda꞉hali paeyaoma꞉ Yesu pa꞉ta꞉ pi alo hata꞉ hambiliki hambilikima꞉ pimikime. Mandane wanda꞉halima꞉ta꞉ Ipikita꞉ epeke halie lemekepate mandane wanda꞉halima꞉ta꞉ Dia꞉me laa Wanda꞉hali pa꞉ta꞉ ya pi lo hala꞉ halie lemekeme.

1 Dioni 1:8

Nikana꞉ma꞉ alo hata꞉ Nikita꞉ hokeeki na ula꞉me loma꞉ka꞉na꞉ta꞉ kota꞉ nikana꞉ma꞉ta꞉ nika꞉ kone makeaasoma꞉me. Kutupa niki pa꞉ta꞉ta꞉ ota꞉eki na ula꞉me.

1 Dioni 2:8

Koto pa꞉la꞉pate I̱ma꞉ ame do laaso pi ula꞉ ekita꞉ panakeekie. Pa ekipeke ipika꞉ ota꞉ ekita꞉ Ketiso pa꞉ta꞉ make iki pa꞉ta꞉ make handoloma꞉me. Kota꞉ mo timba꞉ ala꞉ ekita꞉ amba꞉ lombei pita꞉la꞉me. Kutupa mo ota꞉ pa̱a̱ pa꞉la꞉ ekita꞉ amba꞉ pa̱a̱ pita꞉la꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.