Biblia Todo Logo
Baibulo la pa intaneti

- Zotsatsa -




Dioni 1:44 - Panake Pi La: Ula: Buka pita: Kine Pieke Buka

44 Pilipita꞉ Betesaida halie. Hande A꞉ndutu Pida yaapo haepeke da konee.

Onani mutuwo Koperani




Dioni 1:44
18 Mawu Ofanana  

Pilipi make Badolomiu make Tomasi make mo hande dakisi mu hayeke some Ma꞉tiu make A꞉lopia꞉sina꞉ eiyeke Dia꞉mesi make Ta꞉dia꞉si make


ipikana꞉ma꞉ koto da teke pa꞉ta꞉manu haemeke wanda꞉hali hando alo alota꞉ A꞉ta꞉e. Kotaasini daoni neke pa꞉ta꞉ ka꞉nda꞉ tieke ma꞉nda꞉ ipuluekema꞉ pila꞉me. Betesaidao. Neke pa꞉ta꞉ make kutu piki hau kone ipuluekema꞉ pila꞉me. I̱ma꞉ mo ipiliki pa꞉ta꞉ pua꞉ na handeke haumanu a꞉nda꞉ mo hande daoni yaapo Taiya Saidoni pa꞉ta꞉ pua꞉ka꞉na꞉ yoluta꞉ kota꞉ koto da yaapo pa꞉ta꞉ haleme wanda꞉hali ika꞉ puki la꞉ka꞉la꞉meka꞉ta꞉me laa Koda꞉ma꞉ handena꞉ta꞉ busa꞉ pitikimanu wepia yamaata꞉ lanka꞉ apolo kitulu pimime.


A꞉ndutu Pilipi Badolomiu make Ma꞉tiu make Tomasi make A꞉lopia꞉sina꞉ eiyeke Dia꞉mesi make Ta꞉dia꞉si make Saimono Seloti make mo Isekatioti hali Diudasita꞉ Yesu lina꞉ a꞉nda꞉ lomba꞉ polo pieke hali make do haliweki paeyaona꞉ bikimanue.


Koto kone Yesuma꞉ ipika꞉ disaipolo haliweki pa꞉ta꞉ alota꞉ Kawasona꞉ pita mone tea꞉na꞉ hala꞉ da Betesaida da pa꞉ta꞉ iki amba꞉la opolo pua꞉pa꞉peke laata꞉ mo hande wanda꞉hali wopu tapa tapa piekeme.


Ikana꞉ma꞉ Betesaida da opolo pemekeme. Mandane wanda꞉halima꞉ leke holupiki hali ma꞉nda꞉ Yesu pa꞉ta꞉ hatuku a꞉paata꞉ koto hali wataena꞉yeke Yesu pa꞉ta꞉ honke lemekeme.


A꞉ta꞉ tieke Kotaasini daonio. A꞉ta꞉ tieke Betesaida daonio. I̱ma꞉ mo ipiliki pa꞉ta꞉ na handeke haumanu paeyao a꞉nda꞉ mo hande daoni yaapo Taiya Saidoni pa꞉ta꞉ pua꞉ka꞉na꞉ yoluta꞉ kota꞉ koto da yaapo pa꞉ta꞉ haleme wanda꞉hali ika꞉ puki lekelemeka꞉ta꞉me laa Koda꞉ma꞉ handena꞉ta꞉ busa꞉ pitikimanu wepia yamaata꞉ lanka꞉ apolo kitulu pimime. I̱ma꞉ ipiliki pa꞉ta꞉ta꞉ ota꞉ pi alome. Mo pi yokaalu pulu pa꞉la꞉ nate opolo epea꞉ka꞉na꞉ta꞉ kota꞉


Mo haliwekina꞉ biki manuta꞉ Saimono Yesuma꞉ leeke biki ma꞉nda꞉ta꞉ Pida ipika꞉ hameke A꞉ndutu make Dia꞉mesi Dioni Pilipi Badolomiu make


Mo aposolo haliwekima꞉ paa a꞉pa ika꞉ pimiki ekimanu paeyaosiki Yesu pa꞉ta꞉ la halemekeme. Koto ekina꞉ta꞉ Yesuma꞉ mo haliweki ame̱le̱ ika꞉ siki mo Betesaida teke da pa꞉ta꞉ pemekeme.


Da kelepeeketa꞉ Yesuta꞉ Ka꞉lili nane polueke hone wiekeme. Ipikana꞉ma꞉ Pilipi handa꞉ wia ipiki pa꞉ta꞉ alota꞉ Dika꞉ pana꞉ epoe leekeme.


Koto ekina꞉ Pilipima꞉ Nada꞉niele handa꞉ wia ipiki pa꞉ta꞉ alota꞉ Hande Mosesima꞉ Lo Pimanu wape pitolo hata꞉ wape pa꞉la꞉ halita꞉ mo Koda꞉na꞉ potopede haliwekima꞉ wape pa꞉la꞉ hali kone handa꞉ uluma꞉me. Ipikita꞉ Na꞉sa꞉tete hali Diosepena꞉ eiyeke Yesue laa leekeme.


Na꞉sa꞉tete nanema꞉ epekeeki ma꞉nda꞉ ipula꞉eki handa꞉peke ya꞉la꞉pe laa lota꞉ pitolo haena꞉ta꞉ Pilipima꞉ ipiki pa꞉ta꞉ alota꞉ A꞉pa handa꞉taa leekeme.


Nada꞉nielema꞉ Yesu pa꞉ta꞉ opolo a꞉pa lota꞉ pitolo alota꞉ Nakana꞉ma꞉ I̱ta꞉ ekipa handa alepe leekeme. Yesuma꞉ ipika꞉ pi hombo peaaso alota꞉ Pilipima꞉ neke wi a̱i̱ na leeke dina꞉ kone neketa꞉ mo hande nose ti teke pa꞉ta꞉ pitieki I̱ma꞉ amba꞉ handoa꞉me leekeme.


Mo wanda꞉halima꞉ hande Ka꞉lili nane hayeke da Betesaida da hao epeeke hali Pilipi pa꞉ta꞉ pua alota꞉ Aneke halio. Nika꞉ honema꞉ta꞉ Yesu handulumeke hone witoloma꞉me lemekeme.


Pilipima꞉ A꞉ndutu pa꞉ta꞉ pua laata꞉ Ipilikana꞉ma꞉ Yesu lolo pepekeme.


Yesuma꞉ lekema꞉ lekema꞉ pea handaata꞉ mo wanda꞉hali paeyao epemekeeki handata꞉ Pilipi pa꞉ta꞉ alota꞉ Do wanda꞉hali paeyaota꞉ ne ana꞉na꞉ halomana꞉yeke neta꞉ hando pa꞉ta꞉ hambomana꞉pe leekeme.


Pilipima꞉ ipika꞉ pi hombo peaaso alota꞉ Do wanda꞉hali paeyaoma꞉ ne hosikisiki kone nena꞉yeke palaowa hambaasota꞉ 200 kina kone ana꞉ na pilieke.


Mo teke da tieke pa꞉ta꞉ puaata꞉ ika꞉ pelia hao haemeke manda da panda꞉ pa꞉ta꞉ opa꞉liaemekeme. Pida Dioni yaapo Dia꞉mesi A꞉ndutu yaapo Pilipi Tomasi yaapo Badolomiu Ma꞉tiu yaapo A꞉lopia꞉sina꞉ eiyeke Dia꞉mesi pita꞉ Saimono Seloti yaapo kutupa Dia꞉mesina꞉ eiyeke Diudasi makee.


Titsatireni:

Zotsatsa


Zotsatsa