Dioni 1:21 - Panake Pi La: Ula: Buka pita: Kine Pieke Buka

²¹ Koto leeke mo haliwekima꞉ ipiki lota꞉ pitolo alota꞉ Kota꞉ neketa꞉ epi ya꞉ka꞉ta꞉pe. Neketa꞉ Elaidiape lemekeme. Dionima꞉ ika꞉ pi hombo peaaso alota꞉ I̱ta꞉ koto hali dia꞉me leekeme. Mo haliwekima꞉ paa lota꞉ pitolo alota꞉ Neketa꞉ mo hande Potopede halipe lemekeme. Dionima꞉ ika꞉ pi hombo peaaso alota꞉ Dia꞉me. I̱ta꞉ koto hali dia꞉me leekeme.

Dioni 1:21 Mawu Ofanana

Ma꞉tiu 11:14

Kutupa ikana꞉ma꞉ mo hande haliwekima꞉ la꞉ wimiki pimanu opuluekema꞉ hone pimika꞉na꞉ta꞉ kota꞉ mo hande haliwekima꞉ ipilieke laa la꞉ wimi Elaidiata꞉ Dionina꞉ lemeke yekeme.

Ma꞉tiu 16:14

Mo disaipolo haliwekima꞉ ipiki pa꞉ta꞉ alota꞉ Mandane wanda꞉halima꞉ alota꞉ Bapitaisi peao hayeke hali Dionie alememe. Mandane wanda꞉halima꞉ta꞉ Elaidiae alememe. Mandane wanda꞉halima꞉ Dietemaiya o mandane potopede halie alememe lemekeme.

Ma꞉tiu 21:11

Kutu pieketa꞉ mo ipiki hatuku epemeke wanda꞉halima꞉ iki pa꞉ta꞉ alota꞉ Do halita꞉ mo Ka꞉lili kenke nane hala꞉ da Na꞉sa꞉tetena꞉ potopede hali Yesue lemekeme.

Luku 1:17

Ipikita꞉ Tekehalina꞉ tapaalia꞉ hali pua hata꞉ta꞉ hande Elaidia tupa꞉ honkopu hao wele pitolo hata꞉ kutupa wekiwandiki ateke ameda titi make paa mea apa꞉taota꞉ mo hande pi na opueleme wanda꞉halima꞉ tikitiki piki hone wina꞉yeke mea la꞉ka꞉laota꞉ mo hande Tekehalina꞉ epolo pa꞉la꞉ dina꞉yeke ipika꞉ wanda꞉hali mea tikitiki yao haena꞉ lelieke leekeme.

Dioni 1:22

Mo haliwekima꞉ alota꞉ Neke haleeki niki pa꞉ta꞉ la kie laata꞉ Nikana꞉ma꞉ opua niki tapaeme haliweki pa꞉ta꞉ lolo pomonoyeke neke haleeki kone nakana꞉ma꞉ eki pi lelipikipe lemekeme.

Dioni 1:25

Mo haliwekima꞉ Dioni lota꞉ pitolo alota꞉ Neketa꞉ Ketiso make Elaidia make mo hande Potopede hali make na hata꞉ kone ekipeke wanda꞉hali bapitaisi peao halepe lemekeme.

Dioni 6:14

Mo wanda꞉halima꞉ta꞉ Yesuma꞉ koto pa꞉ta꞉ wele wopu piekeeki hando hao alota꞉ Do halita꞉ hande kenkena꞉ epolo pa꞉la꞉ ota꞉ Potopede hali ya꞉ka꞉ta꞉me lemekeme.

Dioni 7:40

Mo momba꞉la haemeke wanda꞉hali pa꞉ta꞉ mandane wanda꞉halima꞉ koto leekeeki opua alota꞉ Do halita꞉ hande Koda꞉na꞉ Potopede hali ota꞉ ya꞉ka꞉ta꞉me lemekeme.