Dioni 1:11 - Panake Pi La: Ula: Buka pita: Kine Pieke Buka

¹¹ Ipikita꞉ ipika꞉ kenke teke nane epeekepate kone ipika꞉ wanda꞉halima꞉ ipiki na handa꞉ mimikime.

Dioni 1:11 Mawu Ofanana

Ma꞉tiu 15:24

Yesuma꞉ ika꞉ pi hombo peaaso alota꞉ I̱ta꞉ mo hande Isulai tapake alu pula꞉ sipisipimanu leke haleme wanda꞉hali pa꞉ta꞉ tapaaleke handaa epolome leekeme.

Luku 19:14

Koto laa peekepate mo hande halina꞉ da haliwekima꞉ ipiki honditi pitolo hata꞉ ipika꞉ peeke hoki nane mandane haliwekima꞉ pua lena꞉ tapaaso alota꞉ Do halita꞉ nika꞉ kini hali pitaapeketa꞉ nikita꞉ ki pa꞉la꞉me laa lolo pena꞉ tapaemekeme.

Dioni 1:10

Kutupa mo hande Pita꞉ kenkena꞉ a꞉pa hayekeme. Koda꞉ma꞉ leeke handa ala꞉ta꞉ ala꞉ta꞉ paeyao ipikana꞉ma꞉ wepia wina꞉ leekepate kenke wanda꞉halima꞉ta꞉ ipiki hone na wimikime.

Dioni 1:12

Kutu pimikipate mandane wanda꞉halima꞉ta꞉ ipiki handa꞉ meata꞉ ipiki pa꞉ta꞉ hone tulao hatiki pimikime. Kutu pimiki handaata꞉ koto wanda꞉halita꞉ Koda꞉na꞉ weki wandiki haena꞉ leekeme.

Dioni 19:27

mo disaipolo hali pa꞉ta꞉ make alota꞉ Naka꞉ ama꞉ koto handa꞉e laa leekeme. Koto dina꞉ta꞉ mo disaipolo halima꞉ Meti ipika꞉ da pa꞉ta꞉ hatuku pua handeteke hao hayekeme.

Dioni 3:32

ipikana꞉ma꞉ handa꞉la꞉eki make opita꞉la꞉eki make la kita꞉la꞉pate wanda꞉halima꞉ ipika꞉ pi opua na miniki halememe.

Aposolo 13:26

Eipoloha꞉ma꞉ tapake haliweki ya kametitio. Koda꞉ pa꞉ta꞉ panda꞉puniao yeni pu haleme Diendaili wanda꞉hali paeyao iki make Koda꞉ma꞉ do hande niki da꞉taapeke ya꞉la꞉ pi niki pa꞉ta꞉ epena꞉ la꞉la꞉me.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 21:6

Niki paeyaoma꞉ta꞉ a꞉taloe la alu alu peaata꞉ nikita꞉ mo palai kawasona꞉ pitulu pomono ikita꞉ da la꞉ka꞉la pememe.

Loma꞉ 15:8

I̱ma꞉ iki pa꞉ta꞉ la kitolo ekita꞉ dupae. Ketisoma꞉ta꞉ Diu wanda꞉halina꞉ e pokalo a꞉pa꞉la꞉ ekita꞉ Koda꞉ma꞉ ipika꞉ la꞉ wieke pimanu ota꞉ yao hala꞉me laa la kuluekema꞉ pokalo epeekeme. Ketisoma꞉ta꞉ Koda꞉ma꞉ mo hande Diu wanda꞉halina꞉ apa꞉mei pa꞉ta꞉ la꞉ wieke pimanu yalo a꞉pata꞉

Loma꞉ 9:1

I̱ma꞉ alo ekita꞉ ota꞉ pi alome. I̱ta꞉ Ketisona꞉eki ota꞉ hata꞉ yayapiki pi na alome. Holi Sipitidima꞉ yaka hone pa꞉ta꞉ handeteke haena꞉ I̱ma꞉ta꞉ yayapiki pi aleme laa ya hone pa꞉ta꞉ kone na ala꞉me.

Loma꞉ 9:5

Ikita꞉ amba꞉ haemeke apa꞉mei tieke tieke pa꞉ta꞉ kini pu mea a꞉pa halememe. Ketiso make kenke hali au la a꞉pa hata꞉ta꞉ iki tapake kone hayekeme. Koda꞉ma꞉ ala꞉ta꞉ ala꞉ta꞉ paeyao kilu tombuao hata꞉ tumiki hala꞉ ekina꞉ta꞉ ipika꞉ pi laatiki pu haoma꞉ka꞉na꞉ta꞉ epelieke. Kutu pina꞉e.

Ka꞉leisia 4:4

pa mo hande Koda꞉na꞉ la꞉ wieke nate ota꞉ opolo epeeke pita꞉ma꞉ta꞉ Koda꞉ma꞉ ipika꞉ weki kone tapaeyekeme. Koto wekita꞉ mo do kenke wanda꞉na꞉ weki tupa꞉ a꞉paata꞉