Dioni 1:10 - Panake Pi La: Ula: Buka pita: Kine Pieke Buka

¹⁰ Kutupa mo hande Pita꞉ kenkena꞉ a꞉pa hayekeme. Koda꞉ma꞉ leeke handa ala꞉ta꞉ ala꞉ta꞉ paeyao ipikana꞉ma꞉ wepia wina꞉ leekepate kenke wanda꞉halima꞉ta꞉ ipiki hone na wimikime.

Dioni 1:10 Mawu Ofanana

Kini Pieke 16:13

Heikama꞉ ipika꞉ kone lota꞉ pitolo alota꞉ I̱ma꞉ta꞉ Koda꞉ ota꞉ handolo hata꞉ doeki la haluekema꞉ pa hao polope laa leekeme. Koto ekina꞉ mo ipiki pa꞉ta꞉ pi la halea꞉ Tekehalita꞉ Hando Hala꞉ Koda꞉e laa ipika꞉ biki kini pea taapa꞉ wiayekeme.

Kini Pieke 17:1

Eipola꞉ma꞉ 99 bapi mieketa꞉ mo Tekehali opolo pua alota꞉ I̱ta꞉ Aneke Wele wopupiki Koda꞉ halome. I̱ma꞉ alo pi opua hoto paeyao tikitiki hau homeke pea꞉peke.

Kini Pieke 18:33

Kutupa Eipoloha꞉ma꞉ yaapo pi lo paeyao mo Tekehali pu moneayeketa꞉ Eipoloha꞉ma꞉ta꞉ da la꞉ka꞉la peekeme.

Ma꞉tiu 11:27

Ala꞉ta꞉ ala꞉ta꞉ paeyaota꞉ ya Apa꞉ma꞉ I̱ pa꞉ta꞉ amba꞉ ka꞉la꞉me. Eiyeketa꞉ hali ma꞉nda꞉ma꞉ ota꞉ na handa꞉la꞉pate Apa꞉ma꞉ homeke handa꞉la꞉me. Koto mandake tupa꞉ kone Apa꞉ta꞉ hali ma꞉nda꞉ma꞉ ota꞉ na handa꞉la꞉pate Eiyekema꞉ homeke handa꞉la꞉me. Koto pa꞉la꞉ ekina꞉ mandane wanda꞉halima꞉ make Ateke handena꞉ Eiyekema꞉ iki ma̱leke lia peneme yaeya꞉ka꞉na꞉ta꞉ handilimikie.

Dioni 1:11

Ipikita꞉ ipika꞉ kenke teke nane epeekepate kone ipika꞉ wanda꞉halima꞉ ipiki na handa꞉ mimikime.

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Dioni 1:3

Koda꞉ma꞉ leeke handaata꞉ mo hande Pima꞉ta꞉ ala꞉ta꞉ ala꞉ta꞉ paeyao wepia wina꞉ leekepate aleta꞉ ma꞉nda꞉siki kone Koda꞉ma꞉ ipika꞉ honumake hata꞉ na wepia wina꞉ leekeme.

Dioni 1:5

Mo hande pa̱a̱ peaasa꞉ ekima꞉ta꞉ mo timba꞉ la꞉pa pula꞉ pa꞉ta꞉ pa̱a̱ peaasa꞉pate kone mo hande timba꞉ la꞉la꞉ ekima꞉ta꞉ pa̱a̱ pa꞉la꞉eki na honiao hala꞉me.

Dioni 17:25

Tiki tiki piki Apa꞉o. Kenke wanda꞉halima꞉ neke na handelemepate I̱ma꞉ta꞉ neke handolome. Kutupa do haliwekima꞉ta꞉ nakana꞉ma꞉ I̱ tapaale ekita꞉ handelememe.

Dioni 5:17

Koto ekina꞉ Yesuma꞉ ika꞉ pi hombo peaaso alota꞉ Yaka Apa꞉ma꞉ hoto paeyao e poko hala꞉me. Kutupu hala꞉ ekina꞉ I̱ma꞉ make e pokolome leekeme.

Aposolo 14:17

pa ipika꞉ hala꞉eki waluekema꞉ peneme yaeyekeme dupa. Epeke hau pia꞉tiki pitolo hata꞉ ipikana꞉ma꞉ oli ya nanema꞉ lako epena꞉ alo hata꞉ bapina꞉ ika꞉ e ala꞉ta꞉ ala꞉ta꞉ opaatiki pea kutupa nema꞉ make ta꞉na꞉ma꞉ homa꞉la꞉ hauma꞉ make iki ta꞉na꞉ma꞉ homatiki pita꞉la꞉me lepekeme.

1 Kotindi 1:21

Koda꞉ma꞉ ipika꞉ hone wotu wita꞉la꞉ ekima꞉ta꞉ do kenkena꞉ hone wotu witeleme wanda꞉halima꞉ ipiki handaapa꞉na꞉ yeke sa꞉sa꞉ piekeme. Kutupa mo wanda꞉halima꞉ do nikana꞉ma꞉ walo haloma꞉ pi pa꞉ta꞉ Pa ekie alemepate pa mo opiteleme wanda꞉halita꞉ Koda꞉ma꞉ mea da꞉taasa꞉me.

1 Kotindi 2:8

Do kenke kilu tombuao haleme haliwekima꞉ta꞉ do hone wotu wita꞉la꞉ ekita꞉ na handemekeme. Handemeka꞉na꞉ yoluta꞉ hande pa̱a̱ piki Tekehalita꞉ mo a꞉ka꞉tei wape piki tina꞉ na endiaalo pimime.

1 Kotindi 8:6

nikana꞉ma꞉ nika꞉ Koda꞉ homeke kone nika꞉ Apa꞉ hata꞉ ipikita꞉ ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ hala꞉me laata꞉ Nikita꞉ ipiki pa꞉ta꞉ ti lao haloma꞉me. Kutupa make mo Tekehali homeke homeketa꞉ Yesu Ketiso hala꞉me. Ipikana꞉ma꞉ ala꞉ta꞉ ala꞉ta꞉ paeyao wepia wina꞉ laata꞉ niki make amba꞉ da꞉taala꞉me.

Kolosi 1:16

Kutupa oli ya do kenke yaapo pa꞉ta꞉ handoloma꞉ ale pita꞉ na handoloma꞉ alemanu paeyao make mo wele wopupiki temokomanu make kini haliweki make kapomani haliweki make handeteke hala꞉ haliweki make paeyao tapaota꞉ Koda꞉ma꞉ Ketiso pa꞉ta꞉ yama꞉ wepiekeme. Koda꞉ma꞉ do ale paeyao Ketiso ipika꞉eki wina꞉e laa ipiki pa꞉ta꞉ yama꞉ wepiekeme.

Hibulu 11:3

Nika꞉ hone tulaasome ekima꞉ta꞉ do ya yu paeyaona꞉ ula꞉ ala꞉ta꞉ ala꞉ta꞉ paeyaota꞉ Koda꞉ ipika꞉ pima꞉ kone wepiekeme. Kutupa do nika꞉ lekema꞉ handa꞉peke ya꞉la꞉ alemanu paeyaota꞉ mo handa꞉peke na yeke yeke alemanu mea wepia wina꞉ leekeme hone witoloma꞉me.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.