Dioni 1:1 - Panake Pi La: Ula: Buka pita: Kine Pieke Buka

¹ Amba꞉ titina꞉ do kenke ya yaapo a̱i̱ na wepia wina꞉ leeke pita꞉ta꞉ mo hande Pita꞉ hao hayekeme. Ipikita꞉ Koda꞉ yaapo hao hayekepate Koda꞉ hayeke tupa꞉ kone ipiki make hayekeme.

Dioni 1:1 Mawu Ofanana

Kini Pieke 1:1

Titi panake pa꞉ta꞉ Koda꞉ma꞉ kenke ya yaapo wepieke dina꞉ do kenketa꞉ homeke hau honda꞉ lupa pua aleta꞉ ma꞉nda꞉ ota꞉ na wiekeme. Kutupa mo dawalata꞉ timba꞉ kiti la꞉pa peeke alena꞉ Koda꞉na꞉ Sipitidita꞉ manda hayekeme.

Ma꞉tiu 1:23

Mo potopede halima꞉ta꞉ dupa leekeme. Mo halima꞉ na watake wandikina꞉ weleke pa꞉ta꞉ta꞉ weki weleke lombaata꞉ hali weki mendilieke. Koto wekina꞉ bikita꞉ Imanua꞉le lelieke leekeme. Koto bikina꞉ teketa꞉ Koda꞉ niki ame̱le̱ a꞉pa hala꞉me.

Luku 24:53

Kutupa ikana꞉ma꞉ mo tembolo da pa꞉ta꞉ Koda꞉ pa꞉ta꞉ keiyae alo hata꞉ ika꞉ nate lekemanu paeyaemekeme.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Dioni 1:2

Ipikita꞉ mo kini pieke pa꞉ta꞉ kone Koda꞉ yaapo mandakena꞉ hao hayekeme.

Dioni 16:28

I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.

Dioni 17:5

Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.

Dioni 20:28

Tomasima꞉ alota꞉ Neketa꞉ yaka Tekehali make yaka Koda꞉ make haleme leekeme.

Dioni 8:58

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Eipoloha꞉ma꞉ a̱i̱ na mendieke natena꞉ kone I̱ta꞉ pa halome leekeme.

Loma꞉ 9:5

Ikita꞉ amba꞉ haemeke apa꞉mei tieke tieke pa꞉ta꞉ kini pu mea a꞉pa halememe. Ketiso make kenke hali au la a꞉pa hata꞉ta꞉ iki tapake kone hayekeme. Koda꞉ma꞉ ala꞉ta꞉ ala꞉ta꞉ paeyao kilu tombuao hata꞉ tumiki hala꞉ ekina꞉ta꞉ ipika꞉ pi laatiki pu haoma꞉ka꞉na꞉ta꞉ epelieke. Kutu pina꞉e.

Epesese 3:9

Kutupa wanda꞉hali paeyaoma꞉ Koda꞉ma꞉ a꞉mbao u hayeke hone peneme yao yaalo pa꞉la꞉eki make handena꞉yeke I̱ma꞉ walo ponoyeke I̱ pa꞉ta꞉ kia꞉me. Hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ma꞉ta꞉ amba꞉ kiaake hatiki epemeke pa꞉ta꞉ kone ipika꞉ u hayeke hone a꞉mbao wia hao hayekeme.

Pilipai 2:6

Yesuma꞉ta꞉ ipika꞉ ateke Koda꞉na꞉ hau leke kone pu hayekepate pa ipikana꞉ma꞉ Ya Apa꞉ tupa꞉ hapeke ekita꞉ ya welema꞉ pa꞉ta꞉la꞉ mulueke hone na wiekeme.

Kolosi 1:15

Ketisota꞉ mo na handa꞉peke Koda꞉ma꞉ handeke nono pa꞉la꞉ hali konee. Ipikita꞉ mupeke weki hata꞉ Koda꞉ma꞉ wa꞉pa꞉la꞉ ale paeyaota꞉ ipikana꞉ma꞉ lu tumbaala꞉me.

Kolosi 1:17

Ketisota꞉ ale paeyao a̱i̱ na wepiki haena꞉ kone pa hayekeme. Kutupa ipiki ame̱le̱ mo ale paeyao ika꞉ da panda꞉ mina꞉ la꞉la꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Taitasi 2:13

mo hande ota꞉ ipilie nate opolo epena꞉e laa hone tulaasa꞉ hata꞉ yu wia haloma꞉me. Koto epolo pa꞉la꞉ nateta꞉ mo nika꞉ Koda꞉ tieke make da꞉taala꞉ hali Yesu Ketiso make ipilika꞉ pa̱a̱ tieke peneme yaasa꞉eki opolo ipilieke.

Hibulu 13:8

Yesu Ketisota꞉ amba꞉ make ame make belia make hoto paeyao tapao topo na piki pa homeke hau kone pa꞉la꞉me.

Hibulu 7:3

Koto hali ipika꞉ inkiki atekena꞉ biki make o atekena꞉ atekena꞉ biki make o ipikita꞉ do natena꞉ mendiekeme laa make o ipikita꞉ do natena꞉ homeekeme laa make ota꞉ na wape pea ula꞉me. Koto ekima꞉ta꞉ ipikita꞉ Koda꞉na꞉ Eiyeke tupa꞉ wanda꞉halina꞉ pa u halo pa꞉la꞉ yeni peaasa꞉ hali hao hala꞉me.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

1 Dioni 5:7

Do ekina꞉ wekitisi haasa꞉eki manuta꞉ tepoe.

Peneme Yaeyekeeki 1:11

Dupa lea꞉me. Nakana꞉ma꞉ do handolo peleeki manuta꞉ wape laaniao kutupa mo bukata꞉ mo watake hata꞉ daoni manuna꞉ siosi pa꞉ta꞉ tapaapeke. Epesese Semena Pekamamo Daetaeda Sadisi Pila꞉delepia make Leiodisiamanu pa꞉ta꞉ loa꞉me lea꞉me.

Peneme Yaeyekeeki 1:17

I̱ma꞉ ipiki handoa꞉ dina꞉ta꞉ amba꞉ homeke halima꞉ handaa ipika꞉ anke teke pa꞉ta꞉ lopoa꞉me. Kutu pueketa꞉ ipikana꞉ma꞉ ipika꞉ popeke nane kiki I̱ manda witolo hata꞉ alota꞉ Paala꞉ma꞉ na homa꞉pee. I̱ta꞉ ota꞉ titina꞉ make ota꞉ wetepe sale nane makee.

Peneme Yaeyekeeki 1:2

Kutupa Dionima꞉ta꞉ ipikana꞉ma꞉ handeeke haumanu paeyao la꞉la꞉me. Do lao ula꞉ pita꞉ mo Koda꞉ma꞉ la꞉la꞉ pi make Yesu Ketisoma꞉ ota꞉ tupa꞉ peneme yaala꞉ pie.

Peneme Yaeyekeeki 1:8

Mo Aneke Tekehali Koda꞉ma꞉ alota꞉ I̱ta꞉ ota꞉ titina꞉ ota꞉ wetepe sale nane makee laa I̱ta꞉ ame do halo make amba꞉ haowa꞉ make wetepena꞉ make epolo polo halie ala꞉me lea꞉me.

Peneme Yaeyekeeki 19:13

Ipika꞉ pambaeyeke aka꞉ hokuluta꞉ wema꞉ tote pia꞉me. Ipika꞉ bikita꞉ Koda꞉na꞉ Pie.

Peneme Yaeyekeeki 2:8

Mo Semena siosina꞉ enisolo pa꞉ta꞉ dupa lae. Do pita꞉ mo hande titina꞉ make wetepena꞉ make hala꞉ halima꞉ ala꞉me. I̱ta꞉ homaaka꞉na꞉ paa da꞉taa halo somee ala꞉me.

Peneme Yaeyekeeki 21:6

Kutupa ombu alota꞉ Ameta꞉ pu paela꞉me. I̱ta꞉ titina꞉ make sale nane makee. Kini pitolo make paeyaaso makee. Ma꞉nda꞉ epita꞉ ikali na꞉na꞉ma꞉ homea꞉ka꞉na꞉ta꞉ I̱ma꞉ mo opa꞉la꞉ da꞉taasa꞉ ikalita꞉ na hambeke pa nena꞉ waleke halueke.

Peneme Yaeyekeeki 22:13

I̱ta꞉ titina꞉ make sale nane makee. Kini pitolo make paeyaaso makee laa lea꞉me.

Peneme Yaeyekeeki 3:14

Mo Leiodisia siosina꞉ enisolo pa꞉ta꞉ dupa lae. Do pita꞉ mo hande ipika꞉ biki ma꞉nda꞉ taapo wiaaso hata꞉ Kutu pina꞉taa leleme somema꞉ ala꞉me. Ipikita꞉ kima꞉ na homeke ota꞉ hauna꞉ walo hala꞉ halie. Kutupa make ipikita꞉ mo hande Koda꞉ma꞉ wa꞉pa꞉la꞉ alemanu paeyaona꞉ teke somee.