Dia꞉mesi 5:9 - Panake Pi La: Ula: Buka pita: Kine Pieke Buka

⁹ Kametitio. Koda꞉ma꞉ iki pa꞉ta꞉ pi yokaalu peaapa꞉na꞉ ika꞉ kone pi la alualu na pea꞉pa꞉peke. Opua꞉pe. Hande pi yokaalu pulu pa꞉la꞉ hali Koda꞉ta꞉ pota꞉ kake pa꞉ta꞉ kone a꞉pa hala꞉me.

Dia꞉mesi 5:9 Mawu Ofanana

Kini Pieke 4:7

Nakana꞉ma꞉ ota꞉ hau pika꞉na꞉ yoluta꞉ naka꞉ leke popeleke kipa baalo pia꞉pate nakana꞉ma꞉ hoke hau pele ekima꞉ta꞉ hoke ekima꞉ta꞉ naka꞉ pota꞉ kake pa꞉ta꞉ yu pamba hala꞉me. Ipikana꞉ma꞉ neke dipula muluekema꞉ pita꞉la꞉pate nakana꞉ma꞉ta꞉ ota꞉ bepolapeke ya꞉la꞉me leekeme.

Ma꞉tiu 24:33

Kutupa make hande loa꞉ alemanu ipula꞉eki handemeka꞉na꞉ta꞉ tekepa꞉ta꞉ ya꞉la꞉me laa pota꞉ kake pa꞉ta꞉ a꞉pa hala꞉me hone wia꞉pa꞉peke.

Maka 13:29

Kutupa make hande loa꞉ alemanu ipula꞉eki handemeka꞉na꞉ta꞉ kota꞉ tekepa꞉ta꞉ ya꞉la꞉me laa pota꞉ kake pa꞉ta꞉ hande nate kone a꞉pa hala꞉me hone wia꞉pa꞉peke leekeme.

Maka 6:19

Koto leeke handaata꞉ Hetodiasima꞉ Dioni pa꞉ta꞉ mineke pankolo hata꞉ luekema꞉ ho̱linda꞉lu hayekepate lia꞉peke na yekeme.

1 Kotindi 10:11

Mo hande wanda꞉hali pa꞉ta꞉ pimiki ekimanu paeyaoma꞉ta꞉ mo mandane wanda꞉hali paeyao manda꞉ mealuekema꞉ pa꞉la꞉me. Kutupa niki pa꞉ta꞉ kinki pina꞉yeke amba꞉ wape pea ula꞉me. Niki haloma꞉ ekita꞉ paeyaalo pa꞉la꞉ natena꞉ teke pa꞉ta꞉ ya꞉leke handa loa꞉me.

1 Kotindi 4:5

Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

2 Kotindi 9:7

Koto ekina꞉ iki homeke homekema꞉ dupiki halueke laa leme tupa꞉ hala꞉peke ya꞉la꞉me. Haluekema꞉ hosiki ka꞉nda꞉ma꞉ homolo hata꞉ o do e poka꞉la꞉eki mina꞉pa꞉lapeke na ya꞉la꞉me laa alo hata꞉ dia꞉me Pa ekipeke Koda꞉ma꞉ta꞉ mo ta꞉na꞉ma꞉ homolo hata꞉ hala꞉la꞉ some pa꞉ta꞉ta꞉ pukima꞉ homa꞉la꞉me.

Ka꞉leisia 5:14

Mo hande Lo Pi ula꞉eki paeyao apa꞉tao hone wiomonota꞉ kota꞉ pa pa uluma꞉ pi homeke homeke ula꞉me. Dupa. Naka꞉ kone pukima꞉ homele tupa꞉ kota꞉ naka꞉ yankeketonu pa꞉ta꞉ make pukima꞉ homa꞉pa꞉peke laa la ula꞉me.

Ka꞉leisia 5:26

Nikana꞉ma꞉ hakoko lita꞉la꞉ hau na pu make ma꞉nda꞉ soka꞉la꞉ homena꞉ loluekema꞉ toya꞉ toya꞉ piki haumanu na pu make I̱ mia꞉peke alee laa honema꞉ honditi pu alualu pila꞉ hau make paeyao na pumana꞉e.

Dia꞉mesi 4:11

Ya kametitio. Ikana꞉ma꞉ ika꞉ kame ma꞉nda꞉ pa꞉ta꞉ hoke hone witolo hata꞉ la la pita꞉la꞉ pi na lapa꞉peke. Hali epima꞉ ipika꞉ kame pa꞉ta꞉ hoke hone witolo hata꞉ pi lao pi yokaalu pita꞉la꞉ halima꞉ handa haya꞉ka꞉na꞉ta꞉ mo hali homeke pa꞉ta꞉ na pita꞉la꞉pate mo hande Lo pimanu pa꞉ta꞉ kone pita꞉la꞉me. Nakana꞉ma꞉ kutu pika꞉na꞉ta꞉ mo hande Lo Pimanu hone na wiki neketa꞉ mo Lo Pi manuna꞉ pi yokaalu pitele hali halipikie.

Dia꞉mesi 4:12

Mo hande Lo pimanu ula꞉ Hali Koda꞉ homekema꞉ kone pi yokaalu pita꞉la꞉eki make pita꞉la꞉me. Kutupa ipikana꞉ma꞉ta꞉ da꞉taasa꞉eki make hoeyaasa꞉eki make ana꞉na꞉ pea꞉peke ya꞉la꞉me. Koto ekina꞉ nakana꞉ma꞉ hali ma꞉nda꞉ pa꞉ta꞉ laake hauta꞉ neketa꞉ aleke pa꞉ta꞉ hone wia hata꞉ alepe. Koto ekina꞉ nakana꞉ma꞉ hali ma꞉nda꞉na꞉ pita꞉la꞉ ekina꞉ pi yokaalu piki hauta꞉ neketa꞉ aleke pa꞉ta꞉ hone wia hata꞉ pitelepe.

Dia꞉mesi 5:10

Kametitio. Hande Koda꞉na꞉ pi la꞉ mea halo haemeke haliwekima꞉ Tekehalina꞉ bikina꞉ pimiki ekita꞉ hone wia꞉pa꞉peke. Mo haliwekima꞉ tanda pikieki minolo hata꞉ kone puki hana꞉ noka꞉pa haemekeme.

Dia꞉mesi 5:7

Ya kametitio. Tekehali epena꞉yeke handeteke hao hapa꞉peke. Mo e teke halima꞉ ipika꞉ ena꞉ hala꞉ alemanu napeke epeke tupa꞉ wina꞉yeke handeteke hala꞉eki handelememe. Lako panakeeki make wetepena꞉eki make handeteke hala꞉me.

1 Pida 4:5

Kutu pu halemepate ikana꞉ma꞉ mo kenkena꞉ haleme wanda꞉hali make amba꞉ homeleme wanda꞉hali make pi yoka꞉ alu puluekema꞉ tikitiki yao hala꞉ Koda꞉ pa꞉ta꞉ ika꞉ pu tiki epeme (hoke) haumanu ota꞉ la halimikie.

1 Pida 4:9

Tulu tulu na leke ika꞉ da pa꞉ta꞉manu ane pitulu endi mone pitulu endi pu hapa꞉peke.

Peneme Yaeyekeeki 3:20

Opua꞉pe. I̱ta꞉ pota꞉ kake pa꞉ta꞉ hata꞉ kili kili lao halome. Ma꞉nda꞉ epima꞉ yaka pi ho̱la̱꞉make opua pota꞉ lombea꞉ka꞉na꞉ta꞉ I̱ta꞉ ipika꞉ da pa꞉ta꞉ a꞉pa ipiki yaapo ne nolueke. Kutupa ipikana꞉ma꞉ make I̱ yaapo ne nelieke.