Dia꞉mesi 5:3 - Panake Pi La: Ula: Buka pita: Kine Pieke Buka

³ Ika꞉ kolo silipa ale manuna꞉ maka꞉ta꞉ ikiki amba꞉ tala꞉me. Kutupa koto ekima꞉ta꞉ ika꞉ hokeeki peneme yaalieke. Kutupa ika꞉ loketa꞉ ti tala꞉ ekima꞉ handilieke. Kutupa mo paelo pa꞉la꞉ natena꞉ta꞉ ika꞉ hamoko alemanu amba꞉ amu pealememe.

Dia꞉mesi 5:3 Mawu Ofanana

Kini Pieke 31:48

Leibenima꞉ Dieikope pa꞉ta꞉ alota꞉ Do mu mombololopa꞉ toopi manuma꞉ta꞉ diki telipuna꞉ hone u tialieke leekeme. Koto ekina꞉ yeke koto pateta꞉ Ka꞉lidi leekeme.

Kini Pieke 31:52

Do mombololopa꞉ toopimanu make do niminapeke ekina꞉ toopi maketa꞉ diki hone u tialo pa꞉la꞉ekie. Koto ekina꞉ I̱ma꞉ta꞉ neke hoeyaluekema꞉ta꞉ do mombololopa꞉ toopimanu ankulao na ipulueke. Kutupa nakana꞉ma꞉ I̱ hoeyaluekema꞉ta꞉ do toopimanu o do niminapeke toopi ula꞉eki ankulao na a꞉pa꞉peke.

Kini Pieke 49:1

Dieikopema꞉ ipika꞉ wekitonu wi la꞉ mea alota꞉ I̱ hopa꞉lia pita꞉pe laa alota꞉ mo iki pa꞉ta꞉ wetepena꞉ pulu pa꞉la꞉ ekimanu I̱ma꞉ iki la kulukuma꞉ loa꞉me.

Aposolo 2:17

Koda꞉ma꞉ alota꞉ Natemanu paeluekema꞉ haena꞉ta꞉ dupulueke laa Wanda꞉hali paeyao pa꞉ta꞉ yaka Holi Sipitidi hale hale pulueke. Kutupa ika꞉ weki manuma꞉ make wandiki manuma꞉ make yaka pi la꞉ mea hala꞉tiki pilimikie. Ika꞉ weki haliwekima꞉ mandane hau pita꞉la꞉ ekimanu handena꞉ lolueke. Kutupa ika꞉ koke haliwekima꞉ make upamanu pilimikie.

Loma꞉ 2:5

Koto pelemepate ikita꞉ pi na opiki puki taka꞉lao halememe. Koto ekina꞉ Koda꞉ma꞉ta꞉ hande Natena꞉ hoke hau peleme wanda꞉hali pa꞉ta꞉ mineke pankolo hata꞉ pi yokaalu tikitikina꞉ pia꞉ka꞉na꞉ta꞉ kota꞉ mo iki panisi tieke peaalia꞉ ekita꞉ ika꞉ kone ame pa haka꞉ta꞉paasememe.

2 Timodi 2:17

Koto Koda꞉ mataake pi la kita꞉la꞉ pita꞉ mo mindiki na꞉paasa꞉ bolekema꞉ handa꞉la꞉me. Kutu piki pita꞉ yaapo hali Haimeniasi pita꞉ Pailita꞉si yaapoma꞉ walepeme.

2 Pida 3:3

Titina꞉ amba꞉la do hone wopu wia꞉peke. Mo hande paetolo nate manuna꞉ta꞉ mandane kitao hala꞉ wanda꞉hali ipilimikie. Koto wanda꞉hali ika꞉ hau manuta꞉ ika꞉ hone pa꞉la꞉ ekima꞉ handeteke haena꞉ lelimikie. Ikana꞉ma꞉ta꞉ iki kitaaso hata꞉ lota꞉ pitolo alota꞉

Peneme Yaeyekeeki 17:16

Mo hande hande kiki yaapo ekeke manuma꞉ make mo hande sayalema꞉ make ikana꞉ma꞉ mo wanda꞉ ota꞉ honditi pilimikie. Ikana꞉ma꞉ta꞉ mo wanda꞉ma꞉ pambala꞉ ala꞉ta꞉ ala꞉ta꞉ paeyao hola꞉ mea pa tia haena꞉ lelimikie. Mo wanda꞉na꞉ loke mindiki naa kutupa ti ulekema꞉ hoeyaalimikie.

Peneme Yaeyekeeki 20:15

Kutupa make ma꞉nda꞉ epi ipika꞉ bikita꞉ mo da꞉ta꞉la꞉ wanda꞉halina꞉ bukana꞉ na laeya꞉ someta꞉ oni ti uleke kiake pa꞉ta꞉ yola꞉ mea lopaeya꞉me.

Peneme Yaeyekeeki 21:8

Pate hone pamboneke tapake make ba꞉sa꞉ piteleme tapake make ata꞉ka꞉ peaaseme tapake make honema꞉ kone hali lu homaaseme tapake make pake nalo loke apa꞉taaseme tapake make ti̱o̱ hau pu haleme tapake make toopi ti wepia ula꞉ ale pa꞉ta꞉ yeni pu haleme tapake make mo yayapiki pi lo haleme tapake make paeyaota꞉ ika꞉ hala꞉peke ya꞉la꞉ ekita꞉ oni ti uleke kiake make titipupiki lanka꞉ ma꞉nda꞉ biki solopa bu lo hala꞉ pa꞉ta꞉e. Koto hau pita꞉la꞉ ekita꞉ mo yaapo peao homa꞉la꞉ekie.