Dia꞉mesi 5:16 - Panake Pi La: Ula: Buka pita: Kine Pieke Buka

¹⁶ Koto ekina꞉ yeni tandela haluekema꞉ ika꞉ hoke hau peleme ekimanu ka꞉la꞉pa alualu peata꞉ kutupa ika꞉ kone Koda꞉ pa꞉ta꞉ yeni pitolo hata꞉ tamba꞉ mu alualu pea꞉pa꞉peke. Tikitiki yao hala꞉ halima꞉ yeni pia꞉ka꞉na꞉ta꞉ kota꞉ wele wotu pilieke.

Dia꞉mesi 5:16 Mawu Ofanana

Kini Pieke 19:29

Pate Koda꞉ma꞉ hande Loda hayeke daoni yaapo hoeyaeyeke dina꞉ta꞉ ipika꞉ hone pa꞉ta꞉ Eipoloha꞉ma꞉ hone pa wia hata꞉ Loda pindipa pena꞉ leekeme.

Kini Pieke 20:17

Kutupa mo Eipoloha꞉ma꞉na꞉ weteke Seta pa꞉ta꞉ pieke ekina꞉ Tekehalima꞉ta꞉ mo Abimelekena꞉ kini da pa꞉ta꞉ haemeke wanda꞉manu paeyaota꞉ weki mendia꞉la꞉ hauta꞉ sa꞉sa꞉ piekeme. Koto ekina꞉ Eipoloha꞉ma꞉ma꞉ Koda꞉ pa꞉ta꞉ Abimelekena꞉ yeni peayeke handa epeayekeme. Kutupa make mo ipika꞉ wanda꞉ make mo ipika꞉ pa hameke e pokaemeke wandiki titi make weki mendina꞉ yeke epeayekeme.

Kini Pieke 20:7

Koto ekina꞉ ameta꞉ mo wanda꞉ ipika꞉ haliki pa꞉ta꞉ paa hala꞉peke. Mo halita꞉ potopede hali halekena꞉ ipikana꞉ma꞉ nekena꞉ yeni peaya꞉ka꞉na꞉ta꞉ kota꞉ neke na homilipikie. Pate mo wanda꞉ pa na haleka꞉na꞉ta꞉ kota꞉ neke kinki pitoloma꞉ laa neke make naka꞉ wanda꞉hali make homilimikie leekeme.

Kini Pieke 32:28

Kota꞉ mo halima꞉ alota꞉ Ameta꞉ naka꞉ bikita꞉ Dieikope dia꞉ya꞉lieke. Pa ekipeke nakana꞉ma꞉ta꞉ Koda꞉ yaapo make hali yaapo make tonka꞉neli pea bepolae ekina꞉ naka꞉ bikita꞉ Isulaie leekeme.

Ma꞉tiu 21:22

Ikana꞉ma꞉ ota꞉ hone tulaemeka꞉na꞉ta꞉ kota꞉ mo ika꞉ yeni pitolo honke alo alemeeki kone ota꞉ milimikie.

Ma꞉tiu 3:6

Kutupata꞉ mo wanda꞉halima꞉ ika꞉ hoke haumanu ka꞉la꞉polo liaena꞉ ikita꞉ Dionima꞉ mo Diodani ikali pa꞉ta꞉ bapitaisi peayekeme.

Maka 1:5

Diudia nane haemeke wanda꞉hali paeyao make Diutuseleme da pa꞉ta꞉ haemeke wanda꞉hali paeyao make Dioni pa꞉ta꞉ pua꞉tiki pu haemekeme. Kutupa Diodani ikali pa꞉ta꞉ wanda꞉halima꞉ ika꞉ hoke haumanu ka꞉la꞉polo haena꞉ Dionima꞉ bapitaisi peatiki piekeme.

Luku 9:6

Koto ekimanu lo paeyaeyeketa꞉ hande 12 disaipolo haliwekita꞉ Yesu mina꞉pa꞉lao da hala꞉ hala꞉ pomu lopolo hata꞉ hande Pi Seliapo wala꞉tiki pominolo hata꞉ iki pomimiki ale pa꞉ta꞉manu wanda꞉hali mea epeatia pomimikime.

Dioni 9:31

Nikana꞉ma꞉ Koda꞉ma꞉ hoke wanda꞉halina꞉ pi na opita꞉la꞉ ekita꞉ handoloma꞉pate pa Koda꞉ma꞉ta꞉ ipiki pa꞉ta꞉ homu pea hata꞉ ipika꞉ hone pa꞉la꞉ hau peaaseme wanda꞉halina꞉ pita꞉ opu hala꞉me.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Aposolo 19:18

Kutupa pi mimiki wanda꞉hali wopuma꞉ a꞉paata꞉ ika꞉ pu haemeke ekimanu na a꞉mbaake kelepemekeme.

Aposolo 8:24

Saimonoma꞉ alota꞉ Nakana꞉ma꞉ koto ale pimanu I̱ pa꞉ta꞉ a꞉paapa꞉na꞉ Tekehali pa꞉ta꞉ yeni peae leekeme.

Loma꞉ 3:10

Mo Baibolo bukana꞉ wape pa꞉la꞉ tupa꞉ Ma꞉nda꞉ hali a꞉nda꞉ Koda꞉ pa꞉ta꞉ tikitikina꞉ na hala꞉me.

Loma꞉ 5:19

Kutupa make mo hande hali homekema꞉ Koda꞉na꞉ pi na opieke ekina꞉ wanda꞉hali woputa꞉ hoke hau poloma꞉ wanda꞉hali haloma꞉me. Koto tupa꞉ kone mo hande hali homeke ma꞉nda꞉ma꞉ Koda꞉na꞉ pi opua pieke ekina꞉ Koda꞉ma꞉ wanda꞉hali wopu ipiki yaapo tikitiki yao hamono lo hala꞉me.

Kolosi 1:9

Do ekina꞉ yeke ikina꞉ ota꞉ opua mupa꞉ natena꞉ kone kini pea a꞉pa ame make hoto paeyao yeni peao ombu halopa꞉me. Koda꞉na꞉ hone pa꞉la꞉ tupa꞉ hone wita꞉la꞉ ekita꞉ ipika꞉ Sipitidima꞉ ku hala꞉ hone lenkena꞉ pea wita꞉la꞉eki pita꞉ hone wopu wita꞉la꞉eki yaapona꞉ hau paeyao pa꞉ta꞉ yama꞉ iki pa꞉ta꞉ tumbaena꞉yeke Koda꞉ pa꞉ta꞉ yeni peaatiki pu halopa꞉me.

1 Desalonaika 5:17

Hoto paeyao make yeni pu hapa꞉peke.

1 Desalonaika 5:23

Nika꞉ puki lopawao hala꞉ Koda꞉ma꞉ ikita꞉ ika꞉ haumanu paeyao pa꞉ta꞉ yako pina꞉ lawaena꞉e alome. Kota꞉ nika꞉ Tekehali Yesu Ketisona꞉ epolo pa꞉la꞉ nateta꞉ ipula꞉me. Koto nate opolo epea꞉ka꞉na꞉ta꞉ ikita꞉ ata꞉ka꞉ na piki wanda꞉hali hamina꞉ Koda꞉ma꞉ ika꞉ temoko make a̱o̱a̱o̱ make loke make paeyaota꞉ ana꞉na꞉ handeteke hao haena꞉e alome.

1 Desalonaika 5:25

Kametitio. Niki pa꞉ta꞉ tonka꞉na꞉ yeni peao hapa꞉peke.

Hibulu 11:4

Mo hande Eipoloma꞉ Koda꞉ pa꞉ta꞉ hone tulaota꞉ ipiki pa꞉ta꞉ pa hala꞉la꞉ alemanu haleekeme. Koto hone tulaaso hata꞉ haleeke ekima꞉ta꞉ mo hande Keinina꞉ pa hala꞉la꞉ ale ota꞉ lombei peakeeki haleekeme. Eipoloma꞉ Koda꞉ pa꞉ta꞉ ipika꞉ hone tulaaso hata꞉ haleeke ale epeke tupa꞉ haleeke handaa Koda꞉ma꞉ ta꞉na꞉ma꞉ homolo hata꞉ Eipolota꞉ tikitiki piki halie leekeme. Eipolota꞉ amba꞉ kiaake homeeke yekepate ipika꞉ hone tulaeyeke ekima꞉ta꞉ wanda꞉halina꞉ hone pa mea u tiao hala꞉me.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

Hibulu 12:13

Kutu pimika꞉na꞉ta꞉ kota꞉ mo ika꞉ dola꞉pake peleme anketa꞉ ota꞉ hoena꞉ dia꞉ ya꞉la꞉pate epena꞉ta꞉ mo tikitiki piki pota꞉ manuna꞉ pu hapa꞉peke.

Hibulu 13:18

Koda꞉ma꞉ niki tamba꞉ mina꞉ yeni na mina꞉pa꞉lake wopu peao hapa꞉peke. Nikana꞉ma꞉ hoto paeyao ota꞉ tikitiki piki hau puluekema꞉ taapo haloma꞉me. Koto ekina꞉ nika꞉ hone teketa꞉ Koda꞉na꞉ leke popelekena꞉ ota꞉ tikitiki pa꞉la꞉me hone witoloma꞉me.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.

1 Dioni 3:22

Nikana꞉ma꞉ta꞉ ipika꞉ pi ula꞉ ekimanu opua pitolo make ipiki ta꞉na꞉ homa꞉ tiaasa꞉ haumanu pua halomeketa꞉ kota꞉ nikana꞉ma꞉ ipiki pa꞉ta꞉ honke la꞉la꞉ alemanu mu haloma꞉me.