Dia꞉mesi 5:13 - Panake Pi La: Ula: Buka pita: Kine Pieke Buka

¹³ Iki pa꞉ta꞉ hali ma꞉nda꞉ta꞉ ka꞉nda꞉ma꞉ homa꞉la꞉pe. Kutu piki halima꞉ta꞉ yeni pina꞉e. Hali ma꞉nda꞉ma꞉ta꞉ ta꞉na꞉ma꞉ homa꞉la꞉pe. Kutu piki halima꞉ta꞉ Koda꞉na꞉ pi laaso hata꞉ emelimanu lena꞉e.

Dia꞉mesi 5:13 Mawu Ofanana

Ma꞉tiu 26:30

Kutaata꞉ ikana꞉ma꞉ emeli ma꞉nda꞉ laata꞉ mo Olipi Pote pa꞉ta꞉ pemekeme.

Luku 22:44

Kutupa pukima꞉ ka꞉nda꞉ tieke pieketa꞉ Yesuma꞉ ota꞉ anekema꞉ yeni piekeme. Kutu pieke ekima꞉ a꞉ka꞉li tieketa꞉ wema꞉ handekeeki oni kenkena꞉ lopeekeme.

Luku 23:42

mo halima꞉ Yesu pa꞉ta꞉ alota꞉ Yesuo. Neke Kini hali ipilipi dina꞉ta꞉ I̱ hone wia꞉peke leekeme.

1 Kotindi 14:15

Koto ekina꞉ I̱ma꞉ta꞉ eki haumanu pulua꞉pe. Yaka temokoma꞉ yeni pulu polopate pa yaka honema꞉ make yeni pulueke. Emelita꞉ yaka temokoma꞉ lolo polopate pa yaka honema꞉ make lolueke.

1 Kotindi 14:26

Ya kametitio. Eki haumanu pea꞉peke ya꞉la꞉pe. Koda꞉ pa꞉ta꞉ yeni puluekema꞉ mombelemeka꞉na꞉ta꞉ kota꞉ hali homekema꞉ emeli lelieke. Kutupa hali ma꞉nda꞉ma꞉ pi walelieke. Kutupa hali ma꞉nda꞉ma꞉ Koda꞉ma꞉ ipiki pa꞉ta꞉ la hala꞉la꞉eki iki pa꞉ta꞉ la kilieke. Kutupa hali ma꞉nda꞉ma꞉ da ta꞉ta꞉ ta꞉ta꞉ pi laa leliepate hali ma꞉nda꞉ma꞉ koto ala꞉ pi lekelieke. Kutu pea꞉peke ya꞉la꞉pate mo hau paeyaoma꞉ mo siosi wanda꞉hali epeaaluekema꞉ pimika꞉na꞉ta꞉ epelieke.

Epesese 5:19

Kutupa ika꞉ yankeketiti ame̱le̱ epeke pimanu alo hata꞉ la꞉tiki pea꞉pa꞉peke. Kutupa make mo Baibolona꞉ emeli buka ula꞉ emelimanu make Tekehalina꞉ pi laaso hata꞉ ika꞉ pukima꞉ ta꞉na꞉ma꞉ homolo hata꞉ la꞉tiki pea꞉pa꞉peke.

Hibulu 5:7

Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.

Dia꞉mesi 5:10

Kametitio. Hande Koda꞉na꞉ pi la꞉ mea halo haemeke haliwekima꞉ Tekehalina꞉ bikina꞉ pimiki ekita꞉ hone wia꞉pa꞉peke. Mo haliwekima꞉ tanda pikieki minolo hata꞉ kone puki hana꞉ noka꞉pa haemekeme.

Peneme Yaeyekeeki 14:3

Mo 144 daoseni wanda꞉halita꞉ mo hande Koda꞉na꞉ kini seana꞉ make mo deto hala꞉ tonkopu ale manuna꞉ make mo you haliwekina꞉ puki tikitiki pua haememe. Ikita꞉ panake emeli ikana꞉ma꞉ homeke moka꞉la hande hande pea lapeke emeli homeke lememe. Kenke wanda꞉hali paeyao pa꞉ta꞉ta꞉ koto tapake homeke pa꞉ta꞉la꞉ mea epeaalo pia꞉ tapakee.

Peneme Yaeyekeeki 7:10

Ikana꞉ma꞉ anekema꞉ alo hata꞉ alota꞉ Da꞉ta꞉mono yeke pa꞉ta꞉la꞉la꞉ ekita꞉ mo kini seana꞉ pila꞉ nika꞉ Koda꞉ make mo Sipisipi Ma꞉na꞉ Ikiki yaapo pa꞉ta꞉ yama꞉ ipula꞉me lememe.