Dia꞉mesi 3:6 - Panake Pi La: Ula: Buka pita: Kine Pieke Buka

⁶ Kutupa kekeke make ti tala꞉ ekima꞉ handa꞉la꞉me. Nika꞉ loke pa꞉ta꞉ witolo hata꞉ hoke hau pita꞉la꞉ honemanu u tiaapeke ya꞉la꞉me. Kutupa loke paeyao hoeyao hala꞉me. Kutupa loke pa꞉ta꞉ ti tala꞉ ekima꞉ hando hala꞉me. Kutupa nika꞉ pota꞉ pominoloma꞉eki make yanko hala꞉me. Dupiki ti tala꞉ ekita꞉ ti to hala꞉ alena꞉ ipu hala꞉me.

Dia꞉mesi 3:6 Mawu Ofanana

Ma꞉tiu 12:24

Do lota꞉ lota꞉ pimiki pimanu opua mo Pa꞉tisi haliwekima꞉ hombo peaaso alota꞉ Do somema꞉ hoke temokomanu tolu hala꞉ ekita꞉ mo hoke temoko paeyaona꞉ you temoko Bielisibuluna꞉ welema꞉ kone pia꞉ka꞉ta꞉me lemekeme.

Ma꞉tiu 5:22

Pa ameta꞉ I̱ma꞉ iki pa꞉ta꞉ alota꞉ Epima꞉ ipika꞉ yankeke pa꞉ta꞉ mineke pankea꞉ka꞉na꞉ta꞉ kota꞉ ipikita꞉ pi yokaaluna꞉ mea haena꞉ lelieke. Kutupa hali ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ I̱ma꞉ dopi taapeke ekie lea꞉ka꞉na꞉ta꞉ kota꞉ koto someta꞉ Ka̱le̱sete tieke pa꞉ta꞉ mea haena꞉ lelieke. Kutaa make ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ you hoke hone wopu na wiki someo lea꞉ka꞉na꞉ta꞉ kota꞉ koto someta꞉ ti to hala꞉ pa꞉ta꞉ pua꞉peke ya꞉la꞉eki teke pa꞉ta꞉ hala꞉me.

Maka 7:15

Wanda꞉halita꞉ hama꞉ nane ula꞉ alemanu mea naloma꞉eki manuma꞉ na hoeyaalo pa꞉la꞉pate tukiki nane wia ipula꞉ ale manuma꞉ kone wanda꞉hali hoeyaapeke ya꞉la꞉me.

Luku 16:24

Koto ekina꞉ ipikana꞉ma꞉ anekema꞉ wi alo hata꞉ alota꞉ Apa꞉ Eipoloha꞉ma꞉o. I̱ pa꞉ta꞉ a꞉ta꞉ma꞉ homa꞉e. Do ti to hala꞉ ekima꞉ I̱ tanda tieke peaasa꞉ ekina꞉ La꞉satesima꞉ ipika꞉ kiki ma̱lekema꞉ ikali pa꞉ta꞉ tenke lao yaka kekeke kosa꞉ pina꞉yeke wataena꞉ tapae laa leekeme.

Aposolo 20:30

Kutupa iki pa꞉ta꞉ kone mandane haliwekima꞉ tiaota꞉ mo Ketiso wanda꞉hali yola꞉ muluekema꞉ hoke pi alemanu lelimikie hone ulume lea꞉me.

Aposolo 5:3

Kutu piekepate Pidama꞉ alota꞉ A꞉na꞉naisio. Ekipeke Holi Sipitidi pa꞉ta꞉ yayapiki pi alepe leekeme. Sadani naka꞉ you pa꞉ta꞉ a꞉pa pita꞉ka꞉na꞉ mo naka꞉ kenkena꞉ mele manita꞉ pa ekipeke mandaneeki panka꞉ wina꞉ laa pipe leekeme.

Aposolo 6:13

Kutupa hande la꞉ wimiki tupa꞉ mo yayapiki wekitisi haliwekima꞉ tiao alota꞉ Do halita꞉ do yakopiki tembolo da pa꞉ta꞉ make hande Lo Pimanu pa꞉ta꞉ make hoke pi lo hala꞉ halie lemekeme.

Taitasi 1:11

Kutupiki yala꞉ mea꞉peke haumanu piteleme hauta꞉ pa yanaaso hata꞉ wanda꞉halina꞉ manimanu muluekema꞉ pitelememe. Mo wala꞉peke na yeke pimanu walemeke ekima꞉ta꞉ mandane haliwekina꞉ hone make ika꞉ wekiwanda꞉na꞉ hone make u hoeyaena꞉ lo halememe. Kutu paama꞉na꞉ ika꞉ lo haleme pimanu sa꞉sa꞉ pea꞉peke.

Dia꞉mesi 2:7

Koto haliwekima꞉ hande Koda꞉ma꞉ iki pa꞉ta꞉ ka꞉la꞉ biki epeketa꞉ pa hoke biki laa hoeyao halememe.

Dia꞉mesi 3:7

Do kenkena꞉ hala꞉ ma꞉na꞉ yeti paeyao make keto delika꞉ make batiti paeyao make dawala ikali pa꞉ta꞉ pila꞉ alemanu paeyao make haliwekima꞉ homu peaapeke yolo hata꞉ amba꞉ homu pealemepate

2 Pida 3:3

Titina꞉ amba꞉la do hone wopu wia꞉peke. Mo hande paetolo nate manuna꞉ta꞉ mandane kitao hala꞉ wanda꞉hali ipilimikie. Koto wanda꞉hali ika꞉ hau manuta꞉ ika꞉ hone pa꞉la꞉ ekima꞉ handeteke haena꞉ lelimikie. Ikana꞉ma꞉ta꞉ iki kitaaso hata꞉ lota꞉ pitolo alota꞉

3 Dioni 1:10

I̱ epoa꞉ka꞉na꞉ta꞉ kota꞉ I̱ma꞉ta꞉ ipika꞉ pa꞉la꞉ haumanu paeyao lo kelalueke. Ipikana꞉ma꞉ niki pa꞉ta꞉ keke pi la꞉la꞉ ekimanu make mo ipika꞉ yayapiki pimanu lo hala꞉eki paeyao tonka꞉na꞉ loa꞉me. Do hande haumanu homeke ana꞉e hone na u hala꞉pate ipikana꞉ma꞉ta꞉ mo kimisu ipilimi Ketiso kamemanu epemeka꞉na꞉ta꞉ na handa꞉ milieke. Kutupa handa꞉ muluekema꞉ taapo haleme wanda꞉hali make sa꞉sa꞉ pea mo yeni da mina꞉pa꞉lao hama pena꞉ lena꞉ loluekema꞉ taapo hala꞉me.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.

Peneme Yaeyekeeki 13:14

Kutupa ipikana꞉ma꞉ mo titina꞉ sayalena꞉ hau peaaso hata꞉ ipika꞉ leke popelekena꞉ hata꞉ mokoto na handeke haumanu pia꞉eki manuma꞉ta꞉ do kenke wanda꞉hali paeyao makeaaso hata꞉ yola꞉ mea pea꞉me. Ipikana꞉ma꞉ wanda꞉halima꞉ mo hande bainasima꞉ hoeyaeya꞉pate pa tiao hala꞉ titina꞉ sayale yeiya꞉ laaluekema꞉ koto ekima꞉ handekeeki ma꞉nda꞉ wepia꞉pe lea꞉me.

Peneme Yaeyekeeki 18:23

Lamepana꞉ pa̱a̱ta꞉ neke pa꞉ta꞉ ota꞉ na handilimikie. Kutupa mo halina꞉ da panake pula꞉ wanda꞉na꞉ make wanda꞉ panake mina꞉la꞉ halina꞉ pi ho̱la̱꞉make make ota꞉ na opilimikie. Naka꞉ bisinisi haliwekita꞉ kenke honiki paeyao lu tumbao honkopu wopu haeme make naka꞉ yayapiki ha̱i̱piki ti̱o̱ haumanu pi ekima꞉ta꞉ do kenke wanda꞉hali paeyao makeaememe laa lea꞉me.

Peneme Yaeyekeeki 19:20

Mo sayale make mo sayalena꞉ leke popelekena꞉ na handeke haumanu pia꞉ makeaaso potopede hali make dipula minimime. Koto pia꞉ na handeke hau manuma꞉ta꞉ ipikana꞉ma꞉ mo sayalena꞉ tombo ika꞉ wenokona꞉ wimi wanda꞉hali make mo manda꞉ meao wepimi sayale pa꞉ta꞉ yeiya꞉ laaso hata꞉ yeni pimi wanda꞉hali make makeaeya꞉me. Mo sayale tieke hombeleke pita꞉ mo makeaaso potopede hali yaapo pa pitiki oni titipupiki lanka꞉ ma꞉nda꞉ solopa tala꞉ ti uleke kiake pa꞉ta꞉ lopaememe.