Dia꞉mesi 3:10 - Panake Pi La: Ula: Buka pita: Kine Pieke Buka

¹⁰ Keiyae pi aloma꞉eki make hoke pi aloma꞉eki make homeke kake pa꞉ta꞉ kone ipu hala꞉me. Ya kametitio. Do ekita꞉ na pumana꞉ pea꞉pa꞉peke aleo.

Dia꞉mesi 3:10 Mawu Ofanana

Kini Pieke 20:9

Kutupa Abimelekema꞉ Eipoloha꞉ma꞉ wi la꞉ mea alota꞉ Nakana꞉ma꞉ niki pa꞉ta꞉ dota꞉ ekipiki hau pea pelepe. Nakana꞉ma꞉ I̱ pa꞉ta꞉ make yaka kilu tombuao halo pa꞉ta꞉ do hoeyaapekeeki epena꞉ leke hauta꞉ I̱ma꞉ neke pa꞉ta꞉ ekipiki ata꞉ka꞉ poleke pelepe. Nakana꞉ma꞉ do I̱ pa꞉ta꞉ pele ekita꞉ ota꞉ ma꞉nda꞉ma꞉ na pea꞉peke hau peleme.

Loma꞉ 12:14

Iki pa꞉ta꞉ a꞉nda꞉ liteleme wanda꞉halita꞉ Koda꞉ma꞉ koto wanda꞉hali epeaena꞉ ikana꞉ma꞉ yeni pea꞉pa꞉peke. Koda꞉ma꞉ hoeyaena꞉ laa yeni na piki epeaena꞉ laa yeni pea꞉pa꞉peke.

1 Kotindi 3:3

Ikana꞉ma꞉ ne tunkula꞉la꞉ haumanu make ape ala꞉ ekimanu make kutupiki haumanu piteleme ekita꞉ mo kenke wanda꞉halima꞉ pu haleme tupa꞉ kone pitelememe.

1 Timodi 5:13

Kutaa make kutupiki kosa꞉piki wanda꞉wekima꞉ da yalayala pu pominolo hata꞉ ika꞉ e poka꞉peke natemanu hoeyaalememe. Koto hau homeke dia꞉pate ikana꞉ma꞉ kotoeki ota꞉ lombeipiki hoke hau ma꞉nda꞉ta꞉ dupa. Mandane wanda꞉halina꞉ hau hotiata꞉ la꞉ mundula mundula pitolo hata꞉ mo ota꞉ lapeke na ya꞉la꞉ ekimanu la꞉ tiatia pu halememe.

Dia꞉mesi 1:16

Ota꞉ ya kametitio. Yayapikieki na opua꞉pa꞉peke.

Dia꞉mesi 1:19

Ota꞉ ya kametitio. Do pimanu hone wipe. Iki paeyao pi opuluekema꞉ tikitiki yao hapeke ya꞉la꞉pate pa pi pi a̱i̱ na leke make mineke a̱i̱ na panka꞉pa꞉peke. Do alo pi manuta꞉ do ekina꞉yeke loa꞉me.

Dia꞉mesi 3:1

Ya kametitio. Iki pa꞉ta꞉ haliweki wopu wala꞉la꞉ hali haluekema꞉ hone na wia꞉pa꞉peke. Do ekina꞉yeke loa꞉me. Koda꞉ma꞉ta꞉ mo pa wanda꞉halina꞉eki pilie tupa꞉ na piki pa mo disa haliweki nikina꞉ hau wotu handilieke.

Dia꞉mesi 3:11

Hande ikali opa꞉la꞉ pa꞉ta꞉ manuta꞉ tende pikieki make teto pikieki pita꞉ apa꞉tao na ipu hala꞉me.

Dia꞉mesi 3:9

Nikana꞉ma꞉ nika꞉ kekekema꞉ nika꞉ Apa꞉ Tekehali pa꞉ta꞉ keiyae pi lo haloma꞉pate hande Koda꞉ma꞉ ipiki tupa꞉ haena꞉yeke wepia haena꞉ la꞉la꞉ wanda꞉hali pa꞉ta꞉ kone hoke pimanu lo haloma꞉me.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.