Dia꞉mesi 2:21 - Panake Pi La: Ula: Buka pita: Kine Pieke Buka

²¹ Koda꞉ma꞉ta꞉ nika꞉ amba꞉ titina꞉ hayeke teke hali Eipoloha꞉ma꞉ ekipa tikitiki yao haena꞉ leekepe. Hande ipika꞉ eiyeke Aisa꞉ke mo oloda manda wia Koda꞉ pa꞉ta꞉ lia haluekema꞉ pieke ekima꞉ piekeme.

Dia꞉mesi 2:21 Mawu Ofanana

Ma꞉tiu 12:37

Neketa꞉ hoke halie o epeke halie pita꞉ ika꞉ leme pi kone Koda꞉ma꞉ mea telipeao la kilieke.

Ma꞉tiu 3:9

Eipoloha꞉ma꞉ta꞉ nika꞉ meie lomeka꞉na꞉ta꞉ mo Koda꞉ma꞉ kulu pa꞉la꞉ hoke yenkita꞉ wendulumekee hone na wia꞉pa꞉peke. Lono opie. Koda꞉ma꞉ta꞉ do ula꞉ toopimanu mea Eipoloha꞉ma꞉na꞉ wekiwandiki au lapeke ya꞉la꞉me alome.

Luku 1:73

Nika꞉ amba꞉ titina꞉ hayeke hali Eipoloha꞉ma꞉ pa꞉ta꞉ ipikana꞉ma꞉ pi tieke la꞉ witolo hata꞉ leeketa꞉ niki pa꞉ta꞉ make ipikana꞉ma꞉ pi dupa la꞉ ula꞉me. Ikana꞉ma꞉ paala꞉ma꞉ na homeke

Luku 16:24

Koto ekina꞉ ipikana꞉ma꞉ anekema꞉ wi alo hata꞉ alota꞉ Apa꞉ Eipoloha꞉ma꞉o. I̱ pa꞉ta꞉ a꞉ta꞉ma꞉ homa꞉e. Do ti to hala꞉ ekima꞉ I̱ tanda tieke peaasa꞉ ekina꞉ La꞉satesima꞉ ipika꞉ kiki ma̱lekema꞉ ikali pa꞉ta꞉ tenke lao yaka kekeke kosa꞉ pina꞉yeke wataena꞉ tapae laa leekeme.

Luku 16:30

Hande hamoko halima꞉ ipika꞉ pi hombo peaaso alota꞉ A꞉pa Eipoloha꞉ma꞉o. Kotota꞉ ana꞉ dia꞉me. Pate amba꞉ homeeke hali ma꞉nda꞉ma꞉ paa tiao lolo pea꞉ka꞉na꞉ta꞉ kota꞉ mo haliwekima꞉ ika꞉ hoke hau peleme ekimanu hoki walimikie laa leekeme.

Dioni 8:39

Mo haliwekima꞉ ipika꞉ pi hombo peaaso alota꞉ Nika꞉ apa꞉ta꞉ Eipoloha꞉ma꞉e lemekeme. Yesuma꞉ ika꞉ pi hombo peaaso alota꞉ Ikita꞉ Eipoloha꞉ma꞉na꞉ wekitonu haemekena꞉ yoluta꞉ Eipoloha꞉ma꞉na꞉ pieke ekimanu kone pulu pimime.

Dioni 8:53

nika꞉ apa꞉ Eipoloha꞉ma꞉ta꞉ amba꞉ homeekeme laa nakana꞉ma꞉ ipiki ankulaluekema꞉ alepe. Kutupa mo hande potopede haliweki make amba꞉ homemekeme laa neketa꞉ ekipiki hali haluekema꞉ hone witolo alepe lemekeme.

Aposolo 7:2

Sidipenima꞉ ipika꞉ pi hombo peaaso alota꞉ Ya kame apa꞉manuo. I̱ma꞉ alo pi opua꞉pe. Nika꞉ tapake kini pa꞉la꞉ hali Eipoloha꞉ma꞉ta꞉ Hatani nane a̱i̱ na halo peeke pita꞉ mo Mesopoteimia nane pa haena꞉ta꞉ mo hande manda hata꞉ pa̱a̱ peao hala꞉ Koda꞉ta꞉ ipiki pa꞉ta꞉ peneme yao a꞉pa hayekeme.

Loma꞉ 3:20

Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Loma꞉ 4:1

Eipoloha꞉ma꞉ta꞉ Diu wanda꞉halina꞉ titina꞉ halie. Koto pa꞉la꞉ ekina꞉ nikana꞉ma꞉ eki pi lomana꞉pe.

Loma꞉ 4:12

Kutu pa꞉la꞉pate Eipoloha꞉ma꞉ ipikita꞉ mo sekemesaisi hau pea haleme haliwekina꞉ apa꞉ make hala꞉me. Iki sekemesaisi hau pea haleme ekina꞉ dia꞉ya꞉la꞉pate hande nika꞉ apa꞉ Eipoloha꞉ma꞉ma꞉ta꞉ sekemesaisi hau na piki hata꞉ kone hone tulaeyeke tupa꞉ ikana꞉ma꞉ make hone tulaaseme ekina꞉ loa꞉me.

Loma꞉ 4:16

Eipoloha꞉ma꞉ Koda꞉ pa꞉ta꞉ hone tulaeyeke ekina꞉ Koda꞉ma꞉ hande pi la꞉ wiekeme. Koda꞉ma꞉ta꞉ Eipoloha꞉ma꞉ ipika꞉ hoki nane halo pimiki wanda꞉hali paeyao pa꞉ta꞉ hande la꞉ wieke pita꞉ iki pa꞉ta꞉ pa hameke halena꞉yeke loa꞉me. Hande Lo Pimanu oto pa꞉ta꞉ haleme wanda꞉hali pa꞉ta꞉ homeke dia꞉ya꞉la꞉pate hande Eipoloha꞉ma꞉ma꞉ pieke tupa꞉ Koda꞉ pa꞉ta꞉ hone tulao haleme wanda꞉hali pa꞉ta꞉ make hala꞉la꞉me. Eipoloha꞉ma꞉ta꞉ niki paeyaona꞉ apa꞉ hala꞉me.

Hibulu 11:17

Koda꞉ma꞉ Eipoloha꞉ma꞉ makea handeeke dina꞉ta꞉ Eipoloha꞉ma꞉ma꞉ hone tulaaso hata꞉ ipika꞉ eiyeke Aisa꞉ke lia haluekema꞉ peekeme. Koda꞉ma꞉ ipiki pa꞉ta꞉ weki wandiki wopu kuluekee laa pi la꞉ wieke pi miniki hayekepate kone Eipoloha꞉ma꞉ ipika꞉ weki siki homeke kone Koda꞉ pa꞉ta꞉ lia haluekema꞉ tikitiki yaeyekeme.

Dia꞉mesi 2:18

Kutu piliepate hali ma꞉nda꞉ma꞉ dupa lelieke. Nakana꞉ma꞉ naka꞉ hone tulao hale ekina꞉ hone witelepate I̱ma꞉ta꞉ ya hau pitolo ekina꞉ hone witolome laa lelieke. I̱ma꞉ta꞉ hombo peaaso hata꞉ ipiki pa꞉ta꞉ dupa lolueke. Yaka hau pitolo ekima꞉ ya hone tulaalo ekita꞉ waluepate nakana꞉ma꞉ ota꞉ hau na piki naka꞉ hone tulao hale ekita꞉ ekipa walipikipe laa lolueke.

Dia꞉mesi 2:24

Koto ekina꞉ Koda꞉ma꞉ta꞉ ipiki pa꞉ta꞉ hone tulao halemeeki homeke na handeke ika꞉ ota꞉ hau pitelemeeki tonka꞉na꞉ handata꞉ tikitiki yao haena꞉ ala꞉ ekita꞉ hone wilipikie.