Dia꞉mesi 2:18 - Panake Pi La: Ula: Buka pita: Kine Pieke Buka

¹⁸ Kutu piliepate hali ma꞉nda꞉ma꞉ dupa lelieke. Nakana꞉ma꞉ naka꞉ hone tulao hale ekina꞉ hone witelepate I̱ma꞉ta꞉ ya hau pitolo ekina꞉ hone witolome laa lelieke. I̱ma꞉ta꞉ hombo peaaso hata꞉ ipiki pa꞉ta꞉ dupa lolueke. Yaka hau pitolo ekima꞉ ya hone tulaalo ekita꞉ waluepate nakana꞉ma꞉ ota꞉ hau na piki naka꞉ hone tulao hale ekita꞉ ekipa walipikipe laa lolueke.

Dia꞉mesi 2:18 Mawu Ofanana

Loma꞉ 14:23

Kutu pa꞉la꞉pate mo halima꞉ nalo nalo hata꞉ kone hone ti yokea꞉ka꞉na꞉ta꞉ kota꞉ hone tulao hata꞉ na nala꞉ ekina꞉ Koda꞉ma꞉ mo hali pa꞉ta꞉ alota꞉ Nakana꞉ma꞉ do hauta꞉ pu hoeyaaseme laa lelieke. Hau paeyao puluekema꞉ta꞉ hone tulao hata꞉ na puma꞉ka꞉na꞉ta꞉ kota꞉ hoke hau pulumeke.

Loma꞉ 3:28

Nika꞉ handa꞉ witoloma꞉ pita꞉ dupa. Hali ma꞉nda꞉ma꞉ ipika꞉ hone tulaasa꞉ ekima꞉ homeketa꞉ Koda꞉ma꞉ ipiki yaapo tikitiki yao haena꞉ lelieke. Koto halima꞉ hande Lo Pimanu opua pita꞉la꞉ ekima꞉ na haena꞉ lelieke.

Loma꞉ 4:6

Kutu pita꞉la꞉eki make Deipidima꞉ la꞉la꞉me. Hali homeke a꞉nda꞉ ipika꞉ pieke ekimanu hone na witolo hata꞉ Koda꞉ma꞉ pa mo someta꞉ tikitiki yao haena꞉ lea꞉ka꞉na꞉ta꞉ kota꞉ koto halima꞉ ta꞉na꞉ma꞉ homa paleke hala꞉ ekina꞉ Deipidima꞉ leeke ekita꞉ dupa wape pa꞉la꞉me.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

Loma꞉ 9:19

Hali ma꞉nda꞉ma꞉ I̱ pa꞉ta꞉ dupa lelieke. Koda꞉ma꞉ koto hau yaapo pia꞉ka꞉na꞉ta꞉ kota꞉ Koda꞉ma꞉ta꞉ hali ma꞉nda꞉ma꞉ pieke ekina꞉ ketete pia꞉me laa ekipa handa꞉ wia꞉peke ya꞉la꞉pe. Hali epima꞉ Koda꞉na꞉ hone pa꞉la꞉eki kiaapeke ya꞉la꞉pe laa lelieke.

1 Kotindi 13:2

I̱ma꞉ta꞉ mo Koda꞉na꞉ pi la꞉ mea hala꞉la꞉ hauta꞉ wotu handolo hata꞉ pa mo Koda꞉ma꞉ a꞉mbao ula꞉ ekimanu make handa꞉ witolo hata꞉ mo hau paeyaona꞉ pea꞉peke ekimanu make handaata꞉ kutupa ya Koda꞉ pa꞉ta꞉ hone tulaaso ekima꞉ta꞉ mo potemanu kone pendilaapeke ya꞉la꞉ hali hata꞉ kone pa pukima꞉ homa꞉la꞉ hau na piki haowa꞉ka꞉na꞉ta꞉ kota꞉ I̱ta꞉ pa alema꞉ handeke hali halueke.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

2 Kotindi 7:1

Yaka pukipiki yankeke tonuo do la꞉ ula꞉ pi manuta꞉ niki pa꞉ta꞉ la꞉la꞉me. Koto ekina꞉ta꞉ mo nika꞉ loke puki yaapo ha̱i̱ peaapeke ekimanu pa꞉ta꞉ta꞉ yako pea hamana꞉e. Kutupa nika꞉ Koda꞉ pa꞉ta꞉ paala꞉ma꞉ homa꞉la꞉ hauma꞉ ota꞉ niki yako pea hamana꞉e.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

1 Timodi 1:5

Mo iki pa꞉ta꞉ na lapepee lapeke alo ekina꞉ teketa꞉ kota꞉ mo wanda꞉hali ika꞉ hone teke yako pea make ika꞉ puki lopao make ika꞉ Yesu pa꞉ta꞉ ota꞉ hone tulao halimi ekima꞉ make koto haumanu pilimi ekima꞉ ika꞉ ika꞉ kone pukima꞉ homa꞉ alualu pea haena꞉yeke loa꞉me.

Taitasi 2:7

Naka꞉ kone naka꞉ pilipi hau paeyaota꞉ wanda꞉halima꞉ handaa honda꞉mea pu haena꞉ epeke hau seliapomanu pu hapeke. Naka꞉ pi wala꞉la꞉ hauna꞉ hone wopu wia mo hapeke pitiki pimanu homeke walo hapeke.

Hibulu 11:31

Mo Isulai wanda꞉halima꞉ tapaeyeke kika ikiki hali yaapo tamba꞉ mieke hali yolo hayeke wanda꞉ Leiha꞉pema꞉ mo hande Koda꞉ pa꞉ta꞉ homu na piki wanda꞉hali ame̱le̱ na homeke ipika꞉ hone tulaeyeke ekima꞉ deteekeme.

Hibulu 11:33

Ikana꞉ma꞉ hone tulaaso hata꞉ a꞉nda꞉ pea mandane kenkemanu bepolayekeme. Ikana꞉ma꞉ tiki tiki hau pitolo hata꞉ Koda꞉ma꞉ kulueke laa la꞉ wieke ekimanu miekeme. Kutupa mo laeono manuna꞉ kake a꞉mbaemekeme.

Hibulu 11:6

Ma꞉nda꞉ hali epima꞉ hone na tulake hata꞉ Koda꞉ ta꞉na꞉ma꞉ homaapeke na ya꞉la꞉me. Ekipeke. Hali homeke ma꞉nda꞉ma꞉ a꞉nda꞉ Koda꞉ teke pa꞉ta꞉ puluekema꞉ pia꞉ka꞉na꞉ta꞉ kota꞉ titina꞉ amba꞉la ipika꞉ honema꞉ta꞉ Koda꞉ ota꞉ hala꞉me laa ipikana꞉ma꞉ mo ipiki ota꞉ wei moneao haleme wanda꞉hali iki epeaasa꞉ ota꞉ epeke yenki mola꞉me hone tulaapeke ya꞉la꞉me.

Dia꞉mesi 2:14

Ya kametitio. Hali ma꞉nda꞉ma꞉ alota꞉ I̱ta꞉ Ketiso pa꞉ta꞉ hone tulao halome ala꞉pate ipikana꞉ma꞉ ota꞉ hau na pia꞉ka꞉na꞉ta꞉ ota꞉ ekita꞉ ekipape. Koto tupa꞉ hone tulaasa꞉ ekima꞉ta꞉ da꞉ta꞉la꞉eki mea꞉peke ya꞉la꞉pe.

Dia꞉mesi 3:13

Iki pa꞉ta꞉ hali epi amedama꞉ hone wopu wia pita꞉la꞉ ekimanu hando halemepe. Kutu piki halima꞉ta꞉ ipika꞉ epeke hala꞉eki peneme yaaluekema꞉ hone wopu wia homu pea hata꞉ ipikana꞉ma꞉ epeke hau pu halieke.