Dia꞉mesi 2:16 - Panake Pi La: Ula: Buka pita: Kine Pieke Buka

¹⁶ kutupa nakana꞉ma꞉ ipiki pa꞉ta꞉ pi alo hata꞉ Keiyae. A꞉pa꞉la꞉me. Naka꞉ loke titipu pina꞉ dau yama ne make naa da polena꞉e leka꞉na꞉ta꞉ ipika꞉ mea꞉peke ya꞉la꞉ ekimanu na haleke pa pi homeke leka꞉na꞉ta꞉ kota꞉ epeke ekita꞉ ekipa pilipikipe.

Dia꞉mesi 2:16 Mawu Ofanana

Ma꞉tiu 15:32

Yesuma꞉ ipika꞉ hoki nane tolu haemeke haliweki ipiki pa꞉ta꞉ epena꞉ wi la꞉mipi pea iki pa꞉ta꞉ alota꞉ Do wanda꞉hali pa꞉ta꞉ ya pukima꞉ e̱ ala꞉me leekeme. Hoto tepona꞉ I̱ ame̱le̱ haememe. Kutupa ameta꞉ napeke ne ma꞉nda꞉ dia꞉me. I̱ma꞉ ika꞉ da nina꞉ tea꞉ma꞉ homa꞉ paleke tapaa tapaa pua꞉ka꞉na꞉ kota꞉ pota꞉ hopikina꞉ tea꞉ma꞉ pua homilimikie leekeme.

Ma꞉tiu 25:35

Pa ekipeke I̱ tea꞉ma꞉ homoa꞉ nate nina꞉ta꞉ ikana꞉ma꞉ I̱ epeke tupa꞉ punimime. I̱ma꞉ ikali na꞉na꞉ma꞉ homoa꞉ ekita꞉ ikali kia꞉tiki pimime. I̱ma꞉ da ma꞉nda꞉ hali haowa꞉ ekita꞉ ika꞉ da pa꞉ta꞉manu hatuku pua꞉tiki pimime.

Ma꞉tiu 25:36

I̱ aka꞉ dia꞉yeketa꞉ ikana꞉ma꞉ yamatiki pimikime. I̱ma꞉ yeni haowa꞉ ekita꞉ ikana꞉ma꞉ epeke tupa꞉ handeteke hatiki pimime. Kutupa mo dipula pitua꞉ ekita꞉ handoloendi pimime.

Maka 5:34

Yesuma꞉ ipiki pa꞉ta꞉ alota꞉ Ya wandikio. I̱ pa꞉ta꞉ hone tulaase ekima꞉ tiaaseme. Puki lopaniao pua꞉peke. Naka꞉ yeni paeya꞉me leekeme.

Loma꞉ 12:9

Wanda꞉hali pa꞉ta꞉ pukima꞉ homemeka꞉na꞉ta꞉ kota꞉ ota꞉ pukima꞉ homa꞉pa꞉peke. Ikana꞉ma꞉ hokeeki handaata꞉ linka꞉ la꞉pa lopa hapa꞉peke. Epeke ekita꞉ mea mina hapa꞉peke.

2 Kotindi 8:8

I̱ma꞉ta꞉ mana꞉ pimanu ma꞉nda꞉ na lo witolome. Pate mo mandane wanda꞉halima꞉ a̱i̱ tamba꞉ muluekema꞉ hone witelemeeki waloloeki pa꞉ta꞉ yama꞉ I̱ma꞉ ika꞉ pukima꞉ homeleme ekita꞉ ekipape la handuluekema꞉ pitolome.