Dia꞉mesi 2:13 - Panake Pi La: Ula: Buka pita: Kine Pieke Buka

¹³ Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.

Dia꞉mesi 2:13 Mawu Ofanana

Kini Pieke 42:21

ika꞉ ika꞉ kone alota꞉ Aowe. Ameta꞉ mo hande nika꞉ kame pa꞉ta꞉ puma꞉ hauna꞉ kiliki kone taloloma꞉me. Nikana꞉ma꞉ta꞉ mo ipiki ka꞉nda꞉ tieke minolo hata꞉ ipiki tamba꞉ mipee laa honke lea꞉ ekita꞉ handolo hata꞉ kone na opuma꞉me. Kutu puma꞉ ekina꞉ta꞉ ame nikita꞉ do ka꞉nda꞉ pa꞉ta꞉ haloma꞉me lemekeme.

Ma꞉tiu 5:7

Mandane wanda꞉hali pa꞉ta꞉ a꞉ta꞉ma꞉ homo haleme wanda꞉halima꞉ta꞉ ta꞉na꞉ma꞉ homo halememe. Koda꞉ma꞉ iki pa꞉ta꞉ make a꞉ta꞉ma꞉ homilieke.

Ma꞉tiu 6:15

Pate ikana꞉ma꞉ mo iki pa꞉ta꞉ hoke hau pimiki wanda꞉hali ika꞉ hoke hau pa na paeyaemeka꞉na꞉ta꞉ kota꞉ ika꞉ Apa꞉ma꞉ make mo ika꞉ pimi hoke haumanu tonka꞉na꞉ pa na paeyawalieke.

Luku 16:25

Koto leekepate Eipoloha꞉ma꞉ma꞉ alota꞉ Ya wekio. Hone niminae. Neketa꞉ hande kenkena꞉ hae natena꞉ta꞉ kota꞉ epeke alemanu wotu wia haepate La꞉satesita꞉ ota꞉ hoke alemanu homeke mia꞉me. Kutu piekepate ameta꞉ ipikita꞉ ta꞉na꞉ma꞉ homo haena꞉ta꞉ neketa꞉ tanda naleme.

Luku 6:37

Koda꞉ma꞉ iki pa꞉ta꞉ pi yokaalu kiaapa꞉na꞉ ikana꞉ma꞉ make ma꞉nda꞉ pa꞉ta꞉ pi yokaalu na hala꞉pa꞉peke. Kutupa ma꞉nda꞉ na teli pimika꞉na꞉ta꞉ kota꞉ Koda꞉ma꞉ make iki na teli pilieke. Mandane wanda꞉halima꞉ iki pa꞉ta꞉ hoke hau pelemeeki ikana꞉ma꞉ pa paeyaemeka꞉na꞉ta꞉ kota꞉ Koda꞉ma꞉ make ika꞉ hoke hauta꞉ pa paeyaalieke.

Dia꞉mesi 3:17

Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.

Dia꞉mesi 5:4

Opua꞉pe. Ika꞉ e pokaaseme haliwekina꞉ yenkita꞉ makeaaso hata꞉ mandaneeki na haleke pa wia haleme ekima꞉ta꞉ pi ala꞉me. Kutupa make ika꞉ e pokaaseme haliwekina꞉ pi alemeeki make oli ya nane hala꞉ ami haliwekina꞉ Tekehalima꞉ amba꞉ opa꞉la꞉me.