Dia꞉mesi 1:25 - Panake Pi La: Ula: Buka pita: Kine Pieke Buka

²⁵ Kutu pita꞉la꞉pate hali epima꞉ mo hande seliapopiki pi ula꞉ ekimanu hande wanda꞉hali ka꞉la꞉pao hala꞉ pi ula꞉ ekimanu pa꞉ta꞉ loa꞉me. Hali epima꞉ kotoeki manuna꞉ hando haota꞉ pa katakema꞉ homeke na opiki opua ota꞉ pia꞉ka꞉na꞉ta꞉ koto halita꞉ pitolo haena꞉ kone Koda꞉ma꞉ epeaalieke.

Dia꞉mesi 1:25 Mawu Ofanana

Luku 11:28

Koto leeke Yesuma꞉ alota꞉ Dia꞉me. Koda꞉na꞉ pi opua pu haleme wanda꞉hali ikana꞉ma꞉ta꞉ ta꞉na꞉ma꞉ wotu homa꞉peke ya꞉la꞉me leekeme.

Dioni 13:17

Do walo ekita꞉ hone wimika꞉na꞉ta꞉ kota꞉ pitolo hata꞉ kone ta꞉na꞉ma꞉ homilimikie.

Dioni 8:36

Hande Eiyekema꞉ iki ka꞉la꞉pa꞉ tapaeya꞉ka꞉na꞉ta꞉ kota꞉ ota꞉ ka꞉la꞉pa꞉ tapao halimikie.

Aposolo 13:43

Kutupa mo pi hotu haemeke da pa꞉ta꞉ pi hotia paeyeketa꞉ Diu haliweki wopu make Koda꞉ pa꞉ta꞉ hone wopu u haemeke Diendaili haliweki wopu make Polo Banabasi yaapo teli mea pemekeme. Kutupa ipilikana꞉ma꞉ mo haliweki pa꞉ta꞉ pi laata꞉ Koda꞉na꞉ pa a꞉ta꞉ma꞉ homa꞉la꞉eki honkopu hao wotu miniki hao haena꞉ pi walepekeme.

Aposolo 2:42

Mo wanda꞉halima꞉ta꞉ hande aposolo haliwekima꞉ waleme pimanu opua꞉tiki peaata꞉ Ketiso wanda꞉hali ame̱le̱ momba꞉la꞉tiki peaata꞉ yeni pea ne na꞉tiki pimikime.

Aposolo 26:22

Koda꞉ma꞉ I̱ pa tamba꞉ mina꞉la꞉eki mu hata꞉ ame make do pa꞉ta꞉ hata꞉ hali tieke pa꞉ta꞉manu make hosiki halisunu pa꞉ta꞉ make la hala꞉tiki pitolome. Hande Mosesima꞉ make mo potopede haliwekima꞉ make pulu pa꞉la꞉ ekimanu lemeke tupa꞉ I̱ma꞉ make do la halo halome.

Loma꞉ 11:22

Kutu pieke ekina꞉ ikana꞉ma꞉ta꞉ Koda꞉ ipika꞉ a꞉ta꞉ma꞉ homa꞉la꞉ hau make ipika꞉ taka꞉lake hau pita꞉la꞉eki make hone wotu wia꞉pa꞉peke. Koda꞉ma꞉ta꞉ lopeleme wanda꞉hali pa꞉ta꞉ taka꞉lake hau peata꞉ ikita꞉ ipika꞉ a꞉ta꞉ma꞉ homa꞉la꞉eki taapuna꞉ hao hamina꞉ ipika꞉ a꞉ta꞉ma꞉ homa꞉la꞉ hau iki pa꞉ta꞉ ka꞉la꞉me. Koto a꞉nda꞉ iki make ipika꞉ a꞉ta꞉ma꞉ homa꞉la꞉eki taapuna꞉ na hao haemeka꞉na꞉ta꞉ ipikana꞉ma꞉ iki make tonda꞉pa꞉ mepi pilieke.

Loma꞉ 2:13

Koda꞉ma꞉ta꞉ wanda꞉hali ipiki yaapo tikitiki yao haena꞉ ala꞉ ekita꞉ mo wanda꞉halima꞉ hande Lo Pimanu pa katakema꞉ homeke opiteleme ekina꞉ na pikita꞉ hande Lo Pimanu opua piteleme ekina꞉ haena꞉ lelieke.

Loma꞉ 7:12

Koto ekina꞉ mo hande Lo Pi manuta꞉ yakopiki hau pa꞉la꞉ pimanue. Kutupa hande pi ula꞉eki ta꞉ta꞉ ta꞉ta꞉ piki ekita꞉ kotoeki make yako pikieki make tikitiki pikieki make epekeeki make ula꞉me.

Loma꞉ 8:15

Koda꞉ma꞉ iki ka꞉la꞉ Sipitidima꞉ta꞉ iki paala꞉ tiao pa hameke e pokaasa꞉ hali leke na hamina꞉ la꞉la꞉me. Dia꞉me. Koto hau na pita꞉la꞉me. Hande Sipitidima꞉ ikita꞉ Koda꞉ ipika꞉ wekiwandiki hamina꞉ la꞉la꞉me. Koto pa꞉la꞉ ekina꞉ Sipitidi ipika꞉ wele pita꞉la꞉ ekina꞉ nikana꞉ma꞉ Koda꞉ pa꞉ta꞉ wi alo alota꞉ Apa꞉o. Yaka Apa꞉o lo haloma꞉me.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

1 Kotindi 15:58

Koto ekina꞉ ota꞉ ya kametonuo. Da̱o̱la hata꞉ taka꞉lao hapa꞉peke. Tekehalina꞉ e pokaaseme ekita꞉ nate wotu pokaatiki pu hapa꞉peke. Pa ekipeke mo Tekehalina꞉ e pokaaseme ekita꞉ ota꞉ homekesiki kone na alupea꞉peke ya꞉leke handa loa꞉me.

2 Kotindi 13:5

Ika꞉ kone mo la handa꞉la꞉eki pa꞉ta꞉ u moneaaso hata꞉ ika꞉ kone pi yokaalu pea꞉pa꞉peke. Do hauta꞉ ika꞉ ota꞉ hone tulaasa꞉eki pa꞉ta꞉ halemeo laa handa꞉ uluekema꞉ pea꞉pa꞉peke. Iki amba꞉ a̱i̱ na lopemeketa꞉ kota꞉ Yesu Ketisota꞉ iki pa꞉ta꞉ hala꞉me hone u hapa꞉peke aleo.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Ka꞉leisia 5:1

Ota꞉ ka꞉la꞉pa꞉ tapao hamono Ketisoma꞉ niki ka꞉la꞉pa꞉ tapaala꞉me. Koto pa꞉la꞉ ekina꞉ta꞉ ka꞉la꞉pa꞉ tapaala꞉ wanda꞉hali tupa꞉ taka꞉lao hata꞉ mo pa hameke e pokaaseme wanda꞉hali tupa꞉ paa na hapa꞉peke.

Ka꞉leisia 6:2

Ika꞉ ka꞉nda꞉ pa꞉la꞉ ekimanu ika꞉ ika꞉ kone tamba꞉ mu alualu pea꞉pa꞉peke. Kutu piki hau pilimi ekima꞉ta꞉ Ketisona꞉ pi la ula꞉ ekima꞉ la꞉la꞉eki telielememe.

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

1 Timodi 2:15

Kutu piekepate wanda꞉wekima꞉ weki taapolo hata꞉ a꞉nda꞉ kimelema꞉ hone tulao pukima꞉ homaa tikitiki piki hone taapuna꞉ hata꞉ pu haemeka꞉na꞉ta꞉ kota꞉ mo ika꞉ weki mendilimi ekima꞉ta꞉ iki pa꞉ta꞉ eki a꞉nda꞉ epolo pa꞉la꞉eki sa꞉sa꞉ pilieke.

1 Timodi 4:16

Naka꞉ walele ekimanu make naka꞉ pu hale hau make wopu handeteke hapeke. Do haumanu paeyao epeke tupa꞉ putia peka꞉na꞉ta꞉ kota꞉ koto pilipi ekima꞉ta꞉ neke make mo nakana꞉ma꞉ walele pi opua ipu haleme wanda꞉hali make detelimikie.

Hibulu 12:15

Koda꞉na꞉ a꞉ta꞉ma꞉ homa tamba꞉ mina꞉la꞉ hau pa꞉ta꞉ hoki walaapa꞉na꞉ma꞉ wopu handeteke hapa꞉peke. Iki homeke ma꞉nda꞉ma꞉ ipika꞉ puki pa꞉ta꞉ ka꞉ta꞉pa wilie titi peaasa꞉ ale ma꞉nda꞉ pa opa daeyaena꞉ alo hata꞉ iki paeyao hoeyaapa꞉na꞉ma꞉ wopu handa꞉ paleke hapa꞉peke.

Dia꞉mesi 2:12

Wanda꞉hali ka꞉la꞉pa꞉ tapaasa꞉ pi ula꞉eki manuma꞉ koto pi ula꞉ ekina꞉ pi yokaalu pilimiki laa hone witolo hata꞉ pi pi la pea꞉tiki pea꞉pa꞉peke.

1 Pida 2:16

Ka꞉la꞉pa hala꞉ haliweki leke hapa꞉peke. Iki ka꞉la꞉pa haleme ekima꞉ta꞉ hoke haumanu a꞉mbaena꞉ dia꞉ya꞉la꞉pate ikita꞉ Koda꞉na꞉ pa hameke e pokaaseme wanda꞉hali hapa꞉peke.

1 Dioni 2:24

Koto ekina꞉ hone wopu witolo hata꞉ mo hande titina꞉ kini pitolo hata꞉ opimi pi ika꞉ puki pa꞉ta꞉ mondu hapa꞉peke. Ikana꞉ma꞉ a꞉nda꞉ koto opimi pi pa u haemeka꞉na꞉ta꞉ kota꞉ ikita꞉ mo Eiyeke pita꞉ ipika꞉ Ateke yaapo ame̱le̱ hoto paeyao ta꞉ma꞉ni pea halimikie.

Peneme Yaeyekeeki 14:13

Kutupa oli hepeni nanema꞉ pi ho̱la̱꞉makema꞉ alota꞉ Doeki laaniae. Ame do kini pea mo Tekehalina꞉ e pokolo hata꞉ homeleme wanda꞉halita꞉ ta꞉na꞉ma꞉ homa꞉pa꞉peke ya꞉la꞉me lea꞉me. Koto leeke mo Sipitidima꞉ hombo peaaso hata꞉ alota꞉ Ota꞉e. Ikita꞉ ika꞉ ki hone na wiki honkopu hao pokelemeeki paeyaemeke handaa ta꞉na꞉ma꞉ homilimikie. Pa ekipeke ika꞉ e pokeleme ekina꞉ yenkita꞉ iki ame̱le̱ pa hala꞉me lea꞉me.

Peneme Yaeyekeeki 22:14

Epi amedama꞉ ika꞉ aka꞉manu tanda꞉pa hake peaemeka꞉na꞉ta꞉ ta꞉na꞉ma꞉ homena꞉e. Ikita꞉ mo hande da꞉ta꞉la꞉eki hala꞉la꞉ tina꞉ kiliki nena꞉ make mo daonina꞉ pota꞉ kake pa꞉ta꞉ yama꞉ pena꞉ make waleke halieke.